Mehriban Əliyeva Azule ilə görüşdü — Fotolar

Mehriban Əliyeva Azule ilə görüşdü
15:58
30.06.2019
1098
Mədəniyyət
A
İyunun 30-da Azərbaycanın Birinci vitse-prezidenti Mehriban Əliyeva UNESKO-nun Ümumdünya İrs Komitəsinin Bakıda keçirilən 43-cü sessiyasında iştirak etmək üçün Azərbaycanda səfərdə olan qurumun Baş direktoru xanım Odre Azule ilə görüşüb.

“Ölkə.Az” Azərtac-a istinadən xəbər verir ki, UNESKO-nun xoşməramlı səfiri Mehriban Əliyeva Azərbaycan ilə UNESKO arasında əməkdaşlığın bir çox sahələrdə - mədəniyyət, elm, təhsil və digər istiqamətlərdə çox uğurla inkişaf etdiyini vurğulayıb:

Mehriban Əliyeva bu il əməkdaşlığımızın 27-ci ildönümünün qeyd ediləcəyini bildirdi, dünya mədəniyyət irsinin qorunmasında gələcəkdə də çox uğurlu əməkdaşlıq quracağımıza əminliyini ifadə edib.

UNESKO-nun xoşməramlı səfiri onu da bildirdi ki, ölkəmiz müstəqilliyini bərpa etdikdən sonra mədəni, tarixi və dini irsin qorunması Azərbaycanın dövlət siyasətinin əsas prioritetlərindən birinə çevrilib və son illərdə Azərbaycanda UNESKO-nun tərəfdaşlığı ilə bir sıra möhtəşəm beynəlxalq forumlar, tədbirlər uğurla təşkil edilib. Mehriban Əliyeva ümidvar olduğunu bildirib ki, bu səfər çərçivəsində Odre Azule Azərbaycanla, paytaxtımızla daha yaxından tanış olacaq və xalqımızın qonaqpərvərliyini hiss edəcək.

Odre Azule növbəti günlərdə bütün ölkələrin nümayəndələrinin Bakıda bir araya gələrək dünya irsinin qorunması üçün görülməsi vacib olan tədbirləri müzakirə edəcəklərini vurğulayıb. O, UNESKO üçün mühüm əhəmiyyət kəsb edən və 2500-ə yaxın iştirakçının qatılacağı bu sessiyanın Azərbaycanda keçirilməsinə görə təşəkkürünü bildirib.

Sonra Mehriban Əliyeva və Odre Azule birgə nahar ediblər.

Ölkə.Az

ŞƏRH YAZ
0

Musa Yaqub gəzir — FOTO

Musa Yaqub gəzir
14:25
15.07.2019
666
Mədəniyyət
A
Tamada Pünhan İsmayıllı Xalq şairi Musa Yaqubun fotosunu sosial şəbəkədə paylaşıb.

"Ölkə.Az"-ın məlumatına görə, o, fotonu "Allaha şükür, qoca şir yavaş-yavaş gəzir" şərhiylə paylaşıb.

Qeyd edək ki, bir neçə gün öncə səksən yaşlı şairin ölüm xəbəri yayılmışdı.

Ölkə.Az

ŞƏRH YAZ
0

“Qara geyimli adamlar” filminin ulduzu vəfat etdi

“Qara geyimli adamlar” filminin ulduzu vəfat etdi
02:03
12.07.2019
1189
Mədəniyyət
A
Amerikalı aktyor Rip Torn vəfat edib.

“Ölkə.Az” xəbər verir ki, 88 yaşlı aktyorun ölüm səbəbi barədə açıqlama verilməyib. Rip Torn daha çox “Qara geyimli adamlar” filmindəki  Agent Z rolu ilə məşhurlaşmışdı.

Rip 1931-ci ildə Texas ştatında andan olub. İlk kino debütü 1956-cı ildə baş tutub. O, “Gözəlçə” filmində kiçik rola çəkilib. Karyerası boyu isə 100-dən çox rol ifa edib.

Ölkə.Az

 

ŞƏRH YAZ
0
BAĞLA