"Mehriban Əliyeva çox ciddi məsələləri İnterpolun diqqətinə çatdırdı"

Deputat "Ölkə.Az"a açıqlamasında deyib ki, həmin görüş çox əhəmiyyətli xarakter daşıyır:

"Bu görüş zamanı hörmətli Mehriban xanım Əliyeva bir sıra vacib məsələlərə toxunub. Azərbaycanın işğal olunan Dağlıq Qarabağ və onun ətrafında yerləşən rayonlarında qeyri-qanuni iqtisadi fəaliyyətlə məşğul olanlar və işğal altında olan ərazilərimizə qanunsuz səfərlər edənlərlə bağlı Azərbaycanın mövqeyi ortaya qoyulub. Çox güman ki, həmin qanunsuz fəaliyyətlərlə məşğul olanlar arasında MDB ölkələrindən də var. İnterpol-un rəhbər şəxslərinin də iştirak etdiyi həmin görüşdə Mehriban xanım Əliyeva bütün bu məsələləri onların diqqətini çatdırıb. Mehriban Əliyeva dönə-dönə diqqətə çatdırdı ki, biz yalnız birlikdə əməkdaşlıq edərək, bu cür qanunsuzluqların qarşısını ala bilərik. 

Mehriban xanım Əliyeva bildirib ki, hazırda işğal altında olan Azərbaycan ərazilərində ermənilər narkotik bitkilərin becərilməsi, daşınması və satışı ilə məşğul olurlar. Odur ki, ermənilər Qarabağda əkib-becərdiyi narkotik vasitələri MDB və Avropa ölkələrinə satır. Bu gün həmin ərazilər işğal altında olduğu üçün Azərbaycan həmin qanunsuz fəaliyyətlərin qarşısını ala bilmir". 

E.Məmmədov qeyd edib ki, sözügedən görüşdə də İnterpol-un diqqətinə bu məsələ xüsusilə çatdırılıb: 

"Görüş zamanı bu cür halların qarşısının alınması üçün birgə fəal əməkdaşlığa çağırışlar edilib. 

Bu baxımdan da mən Mehriban xanım Əliyevanın bu görüşünü çox əhəmiyyətli hesab edirəm. Düşünürəm ki, sözügedən görüş zamanı Azərbaycanın istək və tələbləri lazımı qurumların və dövlətlərin diqqətinə çatdırılıb. Yəqin ki, onlar Mehriban xanımın qaldırdığı irad və narahatlıqları nəzərə alacaqlar". 

Vasif Həsənli
Ölkə.Az