Məkkəyə gedən özbək zəvvardan narkotik maddə tapıldı
Özbəkistanda Məkkəyə gedən zəvvarın üstündən opium narkotik maddəsi tapılıb.
"Ölkə.Az" xəbər verir ki, Səmərqənd hava limanı gömrük xidmətinin əməkdaşları Məkkəyə səfər edən Özbəkistan vətəndaşını saxlayıblar. Məlum olub ki, onun üzərində 6 min dollar və 72 qram opium olub.
Hazırda Özbəkistan qanunlarına əsasən 2 min dollardan çox valyutanı sərhəddən çıxarmaq mümkün deyil. 5 min dollara qədər valyutanı ancaq Özbəkistan Mərkəzi Bankının və ya səlahiyyətli banklarının icasəi ilə mümkündür.
Yoxlanış zamanı Özbəkistan vətəndaşı Şəmşi Axrorovun üzərində 72 qram opium və 5722 dollar aşkar edilib. Bundan başqa saxlanılan şəxsin üzərində digər ölkələrə də məxsus valyuta olub. Özbəkistan cinayət məcəlləsinə əsasən onu 8 ilə qədər azadlıqdan məhrum etmə cəzası gözləyir.
Hikmət Həsənov
Ölkə.Az
