Meksika prezidentindən Trampa cavab

ABŞ və Meksika arasında sərhəd divarı məsələsinə görə gərginlik artmaqda davam edir.

Ölkə.Az xəbər verir ki, ABŞ-ın yeni seçilmiş prezidenti Donald Tramp Meksika ilə sərhəddə divar inşa etdirmək istəyir və xərclərin Meksika tərəfindən ödənəcəyini deyib: "İstər vergi, istərsə də birbaşa ödəmə vasitəsilə Meksika bu divarın xərclərini qarşılayacaq".

Meksikanın prezidenti Nieto isə Trampın iddiasına cavab verib. Nieto deyib: "Meksika bu divar üçün qara qəpik də ödəməyəcək".

Meksika prezidenti ABŞ ilə xoş münasibətlərin davam etdirilməsi üçün fəaliyyət göstərəcəyini bildirsə də, ölkəsinin və meksikalıların şərəf və ləyaqətini təhqir edə biləcək heç bir şeyi qəbul etməyəcəyini vurğulayıb.

Hikmət
Ölkə.Az