Meksikada başı bədənindən ayrılan 5 insan meyiti tapıldı

“Ölkə.Az” xəbər verir ki, meyitlər Verakrus ştatında yol kənarında aşkarlanıb. Meyitlərin yanından “narkotacirlərdən “Xalisko” – Yeni Nəsil nümayəndələrinə yadigar” yazılan kiçik kağız parçası olub.

İlkin ehtimala görə, hadisə Meksikada narkotik vasitələrin qanunsuz ticarətilə məşğul olan qruplar arasında gedən davanın nəticəsində törədilib.

Qeyd edək ki, Verakrus ştatında “Las-Setas” və “Zaliv” katotika alverilə məşğul olan cinayətkar qrup fəaliyyət göstərir. Hər iki qrup ABŞ-a qaçaqmal yolu ilə narkotik vasitələr satır. Meksikada narkotik vasitələrin qanunsuz ticarətinə həmin qruplar nəzarət edir. Lakin son vaxtlar həmin qruplara rəqib təşkilat yaradılıb. “Xalisko” adı ilə bazara girən bu qrup qısa vaxt ərzində digər rəqiblərinin müştərilərini ələ almağı bacarıb. Bu səbəbdən də, həmin qrupa qarşı addımlar atılır.

Ziya Səccad
Ölkə.Az