Meksikada daha bir jurnalist qətlə yetirilib

Meksikada daha bir jurnalist qətlə yetirilib
09:11
14.01.2018
892
Dünya
A
Meksikanın Tamaulipas ştatında dərc edilən “Diario de Nuevo Laredo” nəşrində çalışan jurnalist Karlos Dominqes qətlə yetirilib.

APA-nın “RİA Novosti”yə istinadən verdiyi xəbərə görə, K.Domonqes şəxsi avtomobilini idarə edərkən naməlum şəxslər tərəfindən öldürülüb. İnsident zamanı onun yanında qızının olduğu bildirilir. K.Dominqes siyasi mövzularda köşə yazılarının müəllifi olub.  

Baş Prokurorluq araşdırmalara başlayıb.

Bir neçə gün əvvəl Meksikanın paytaxtında tanınmış jurnalist Xose Xerardo Martines qətlə yetirilib.

Qeyd edək ki, Meksikada 2017 il ərzində 12 jurnalist öldürülüb. 

Ölkə.Az

ŞƏRH YAZ
0

Türkiyə sabah quru əməliyyatına başlayır

Türkiyə sabah quru əməliyyatına başlayır
01:30
Bu gün
223
Dünya
A
Türkiyə Silahlı Qüvvələri sabahdan quru əməliyyatına başlayacaq.

“Ölkə.Az” xəbər verir ki, bu barədə Türkiyənin Baş naziri Binəli Yıldırım məlumat verib. O bildirib ki, hava zərbələri nəticəsində daha öncədən müəyyənləşdirilən hədəflər məhv edilib, sabahdan etibarən isə quru qüvvələri fəaliyyətə keçəcək: “Əməliyyatda Azad Suriya Ordusu da iştirak edir. Əməliyyatın əsas məqsədi son 3 ildə Türkiyəyə qarşı təxribatlar törədən terrorçuların fəaliyyətinə son qoymaqdır”.

Qeyd edək ki, Türkiyə Silahlı Qüvvələri (TSQ) bu gün Suriyanın Afrin bölgəsini PKK/PYD-dən təmizləmək üçün “Zeytun budağı” adlı əməliyyata start verib.

Havadan “F16” qırıcıları ilə terrorçuların mövqeləri bombalanıb.

Ölkə.Az

ŞƏRH YAZ
0

Türkiyə, Rusiya və ABŞ baş qərargah rəisləri arasında telefon danışığı — Mövzu Afrin əməliyyatı olub

Türkiyə, Rusiya və ABŞ baş qərargah rəisləri arasında telefon danışığı
01:20
Bu gün
162
Dünya
A
Türkiyə Silahlı Qüvvələrinin Baş Qərargah rəisi Hülusi Akar rusiyalı və amerikalı həmkarları ilə telefon danışıqları keçirib.

"Ölkə.Az" xəbər verir ki, bu barədə Türkiyə Baş Qərargahı məlumat yayıb.

Bildirilir ki, tərəflər Türkiyə ordusunun Suriyanın Afrin bölgəsində həyata keçirdiyi “Zeytun budağı” əməliyyatını müzakirə edib.

Danışıqların əməliyyat başlamazdan əvvəl baş tutduğu bildirilir.

Ölkə.Az

ŞƏRH YAZ
0
BAĞLA