Meksikada dəhşətli zəlzələ 42 nəfərin həyatına son qoydu
Meksikada güclü zəlzələ nəticəsində ölənlərin sayı 42 nəfərə çatıb.
“Ölkə.Az” xəbər verir ki, bu barədə ştatın qubernatoru Qrako Ramires “Twitter” hesabında yazıb. Onun sözlərinə görə, təbii fəlakət 42 nəfərin həyatına son qoyub. Hadisə zamanı yaralıların olduğu bildirilib.
Qeyd edək ki, yerli vaxtla saat 18:14-də Meksikada güclü zəlzələ baş verib. Avropa Aralıq dənizi Seysmoloji Mərkəzindən verilən məlumata görə, yeraltı təkanlar Puebla de Saraqosa şəhəri yaxınlığında 7,1 bal gücündə olub.
Titrəyişlərdən sonra insanlar küçələrə axın edib. Paytaxt Mexikoda bütün internet şəbəkəsi iflic vəziyyətə düşüb. Yaşayış binalarında çatlar yaranıb. Bir çox rayonda işlər dayanıb. Yaşayış binaların birində zəlzələdən sonra dağıntı və yanğın qeydə alınıb.
Ziya Səccad
Ölkə.Az