Meksikada matəm elan olundu

“Ölkə.Az” xəbər verir ki, ölənlərin 94 nəfəri paytaxt Mexikonun payına düşür. Paytaxtda zəlzələ nəticəsində 40-dan çox yaşayış binası dağılıb.

Meksika prezidenti Enrike Penya Neto təbii fəlakət nəticəsində ölənlıərin ailəsinə başsalığı verib və onların xatirəsinə ölkədə 3 günlük matəm elan edib.

Qeyd edək ki, dünən yerli vaxtla saat 18:14-də Meksikada güclü zəlzələ baş verib. Avropa Aralıq dənizi Seysmoloji Mərkəzindən verilən məlumata görə, yeraltı təkanlar Puebla de Saraqosa şəhəri yaxınlığında 7,1 bal gücündə olub. Zəlzələnin episentri Puebla de Saraqosa şəhərindən 49 km cənub-qərbdə və Tepeoxuma yaşayış məntəqəsindən 8 km aralıda, yerin səthindən 60 km dərinlikdə qeydə alınıb.

Titrəyişlərdən sonra insanlar küçələrə axın edib. Paytaxt Mexikoda bütün internet şəbəkəsi iflic vəziyyətə düşüb. Yaşayış binalarında çatlar yaranıb. Bir çox rayonda işlər dayanıb. Yaşayış binaların birində zəlzələdən sonra dağıntı və yanğın qeydə alınıb.

Ziya Səccad
Ölkə.Az