Məktəblərdəki zorlamalar və Mikayıl Cabbarovun təbəssümü

Məktəblərdəki zorlamalar və Mikayıl Cabbarovun təbəssümü
11:26
10.11.2016
12320
Ölkə
A

İntiqam VALEHOĞLU


Təhsil Nazirliyi o qurumlardandır ki, bu qurumun fəaliyyətindən başqa nəyi desən var. Məsələn, təhsil naziri var, müavinləri də həmçinin, ayrı-ayrı strukturları var, o strukturların rəhbərləri də həmçinin, nazirliyin inzibati binası da var, o binada isti kabinetlərdə oturan vəzifəlilər də həmçinin.

Di gəl ki, qeyd elədiyim kimi bu nazirliyin səlahiyyətinə aid olan məsələlərə hər kəs müdaxilə edir, həll etməyə çalışır, təkcə Təhsil Nazirliyindən savayı.

Keçmiş qoruq direktoru, indiki təhsil naziri Mikayıl Cabbarov isə maşallah, nə vaxt baxırsan gülür.

Məktəbdə müəllim şagirdə uşaq doğuzdurur, nazir gülür, direktor öz müavinini döyür, nazir yenə təbəssümündən qalmır.

Misir Mərdanovun vaxtında nazirliyin bir mətbuat katibi vardı - Bayram Hüseynzadə. Yenə ona zəng vururdun, telefonu açıb "tədbirdəyəm", ardınca "yasdayam", sonra "toydayam" deyib yola verirdi. İndiki mətbuat katibi Cəsarət Valehov ümumiyyətlə jurnalistlərdən qaçaq düşüb. Elə onunku da İTV-də təhsil ekspertləriylə söz güləşdirə-güləşdirə gəlib kresloda oturmağa qədər imiş.

Bir həftəyə yaxındır ki, ölkənin aparıcı mətbuat orqanları Xəzər rayonundakı 230 saylı orta məktəbdə baş verənlərdən yazır. Yeri gəlmişkən, bu məktəb şəhid Fuad Fərhadoğlunun adını daşıyır. Və şəhidin adını daşıyan məktəbdə bu dəqiqə təhsildən başqa nəyə desən, rast gəlmək mümkündür. Direktor müavininin direktoru onu zorlamaqda ittiham etməsinə qədər…

İş o yerə çatıb ki, şagirdlər məktəbdə müəllimdən çox müstəntiq, prokuror, polis görürlər.

Direktor müavini Ləman Babayevanın qardaşı Vəfadar Abdullazadə məktəbə bıçaqla hücum çəkir, direktoru döyür, ardınca bunu işıqlandırdığımıza görə özünü həmin müavinin anası və qardaşı kimi təqdim edən şəxslər zəng vururlar. Redaksiyanın ünvanına hədələr, təhdidlər, təhqirlər...

Mikayıl Cabbarov yenə də eynəyinin altından yavaş-yavaş gülümsəyir.

Sabah həmin müavinin qardaşı əlində bıçaq yenə məktəbə gəlsə, bu dəfə əsəbləşib hansısa müəllimə, şagirdə xəsarət yetirsə, onda kim buna cavab verəcək?

Bakı Şəhər Baş Təhsil İdarəsinə həmin məktəbdə baş verənlərlə bağlı sorğu ünvanlamışıq ki, münasibət bildirsinlər. Təhsil Nazirliyindən fərqli olaraq, bu qurum gec də olsa, cavaba oxşayan bir şey göndərib:

"Qeyd olunan məsələ ilə bağlı hazırda Bakı Şəhəri üzrə Təhsil İdarəsi tərəfindən araşdırma aparılır. Araşdırmanın nəticələrinə uyğun olaraq, müvafiq tədbirlər görüləcəkdir".

Məktəbin direktoru Elşən Qafarov ərizəsini yazıb işdən gedib, amma direktor müavini hələ də postundadır. Görünür idarənin araşdırmaları "pis yerdə" ilişib. Təsəvvür edin ki, məktəbin yetmiş nəfərlik pedaqoji heyəti idarəyə imzalı müraciət göndərib, bu günə qədər o idarədən kimsə kreslodan ayrılıb, ora baş çəkməyib.

Elə eyni sözlər nazirliyə də aiddir. İnandırım sizi, Təhsil Nazirliyində elə adamlar var ki, iş gününün bəlkə iki saatını işə həsr etmirlər. Olmazdımı ki o bahalı xidməti avtomobillərinizə əyləşib həmin məktəbə baş çəkəsiniz, baş verənlərlə maraqlanasınız? Bəlkə doğrudan da kollektiv haqlıdır. Bəlkə əksinə kollektiv gənc direktor müavini Ləman Babayevanı şərləyir, bilirsinizmi?

O məktəbin Xeyrulla Haqverdiyev adlı 27 yaşlı bir direktor müavini də var. Bu tədris ilində üzünü nə direktor görüb, nə də şagirdlər. Amma hələ də vəzifəsində qalır. Niyə? Səbəb nədir?

Olmaya məktəblər indi funksiyasını dəyişib, başqa işləri yerinə yetirir? Şübhəsiz belə laqeydliyin nəticəsidir ki, son bir ildə orta məktəblərdən gələn on xəbərdən səkkizi zorlamayla, döyülməylə, təhdidlə, hədəylə bağlıdır. Müəllim şagirdi, müəllim müəllimi, direktor öz müavinini...

Hörmətli Mikayıl müəllim, indi kim kimi zorlamalıdır ki, siz və tabeçiliyinizdə olanlar baş verənlərlə bəlkə maraqlanasınız?

Ölkə.Az

ŞƏRH YAZ
0

DGK bu gün mətbuatda gömrük işçiləri ilə bağlı yayılan videotəsvirlərə münasibət bildirib

DGK bu gün mətbuatda gömrük işçiləri ilə bağlı yayılan videotəsvirlərə münasibət bildirib
00:01
Bu gün
1328
Ölkə
A
Dövlət Gömrük Komitəsi (DGK) aprelin 18-də mətbuatda gömrük işçiləri ilə bağlı yayılan videotəsvirlərə münasibət bildirib.

"Ölkə.Az" bildirir ki, aprelin 18-də bəzi internet resurslarında Cənub Ərazi Baş Gömrük İdarəsinin qarşısında bir qrup şəxsin gömrük orqanlarına qarşı əsassız ittihamlara söykənən etirazlarının əks olunduğu videotəsvirlər yayımlanıb. Həmin görüntülərdəki şəxslər konkret fakt və ya dəlil olmadan gömrük orqanlarını və onun əməkdaşlarını qanunlara əməl etməməkdə günahlandırır.

Dövlət Gömrük Komitəsi bildirir ki, etiraz edən şəxslər mütəşəkkil şəkildə İran İslam Respublikasından müxtəlif adda məhsullar alaraq Nazirlər Kabinetinin 305 saylı qərarı ilə müəyyən edilən məhdudiyyətlərdən yan keçmək məqsədilə qarşı tərəfdə əvvəlcədən razılığa gəldikləri şəxslərə paylayır, ölkənin gömrük sərhədindən keçirdikdən sonra malları həmin şəxslərdən toplayaraq satışını həyata keçirir.

Gömrük orqanlarının apardığı müşahidə və araşdırmalar nəticəsində bu şəbəkələr və İran İslam Respublikasından gətirilən malları müəyyən məbləğdə pul vəsaiti qarşılığında daşıyan və gömrük sərhədindən keçirən şəxslər müəyyənləşdirilib və qanunvericiliyin tələblərinə uyğun şəkildə müvəqqəti saxlanca götürülüb.

Lakin gömrük orqanlarının bu tələbi ilə razılaşmayan şəbəkə üzvləri qanunsuz şəkildə etiraz edərək gömrükçülərin iş rejiminə mane olur, gömrük xidmətinin fəaliyyətinə kölgə salan əsassız iddialar irəli sürürlər.

Dövlət Gömrük Komitəsi bir daha bəyan edir ki, gömrük orqanları ölkənin iqtisadi təhlükəsizliyini təmin edən strateji dövlət qurumlarından biridir və öz işini qanunvericiliyin tələblərinə uyğun, şəffaf şəkildə həyata keçirir. Konkret Cənub Ərazi Baş Gömrük İdarəsinin qarşısında qeydə alınan videotəsvirlərdəki iddialar isə tamamilə əsassızdır.

Ölkə.Az

ŞƏRH YAZ
0

XİN-in həbs edilən əməkdaşları məhkəmə zalından azadlığa buraxılıb

XİN-in həbs edilən əməkdaşları məhkəmə zalından azadlığa buraxılıb
23:33
18.04.2019
594
Ölkə
A
Bu gün Xəzər Rayon Məhkəməsində Azərbaycana gələn əcnəbilərin viza rəsmiləşdirilməsi zamanı xidməti vəzifə səlahiyyətlərindən sui-istifadə edərək qanunla müəyyən edilmiş ödəmələrdən artıq məbləğdə pul almaqda təqsirləndirilən Xarici İşlər Nazirliyinin (XİN) Konsulluq idarəsinin beynəlxalq hava limanındakı viza şöbəsinin 3-cü katibi Elton Xəlilli və Nazirliyin digər əməkdaşı Anar Quliyevin cinayət işi üzrə məhkəmə iclası başa çatıb.

"Ölkə.Az" bildirir ki, hakim Tərlan Əkbərovun sədrliyi ilə keçirilən prosesdə təqsirləndirilən şəxslərə hökm oxunub.

Məhkəmənin hökmü E.Xəlilli 1 il 2 ay və A.Quliyev isə 1 il 3 ay müddətinə azadlıqdan məhrum edilib. Onların cəzaları həbs edildiyi gündən hesablanıb və məhkəmə zalından azadlığa buraxılıb.

Qeyd edək ki, Dövlət Təhlükəsizliyi Xidmətinin (DTX) İctimai əlaqələr şöbəsinin yaydığı məlumata görə, həmin şəxslər 2018-ci il yanvarın 26-da keçirilmiş əməliyyat-istintaq tədbirləri nəticəsində saxlanılıblar.

Ölkə.Az

ŞƏRH YAZ
0
BAĞLA