Melaniya ABŞ prezidentinin mobil telefonunu əlindən aldı
ABŞ-ın birinci xanımı Melaniya Tramp ərinin həddən artıq çox tvit atdığı üçün narahat olduğunu və Tvitterdə düşüncələrini biruzə verən Trampa mane olmaq üçün mobil telefonunu əlindən alıb.
“Ölkə.Az” xəbər verir ki, Afrika səfərindən sonra birinci xanımın açıqlamaları şok effekti yaradıb.
Melaniya bildirib ki, Trampın həddən artıq tvit atmasından məmnun deyil və buna mane olmaq üçün həll yolu tapıb. O, Trampın mobil telefonunu əlindən alıb və gizlədib.
Trampın Tvitter səhifəsində 55 milyon izləyicisi var. Tramp bəzən düşüncələrini ifadə etmək, bəzən də sadəcə rəqib partiyaya hücum etmək üçün gündə bir neçə tvit yazır.
“Ərimin düşüncələrinə hər zaman qatılmıram və bunu ona deyirəm. Ona ən dürüst düşüncələrimi və tövsiyələrimi deyirəm. Bəzən dinləyir, bəzən də dinləmir. Amma mən öz səsi, fikri olan insanam və nə hiss etdiyim mənim üçün çox vacibdir”, - deyə Melaniya bildirib.
Hikmət Həsənov
Ölkə.Az
