Mələkxanım Əyyubova Mirkamildən danışdı — "Elə bil ki, həyatından bezib"

Mələkxanım Əyyubova Mirkamildən danışdı
17:18
08.11.2018
4450
Maqazin
A
"Mirkamili övladlarımdan seçməmişəm, onlardan artıq sevirəm. Məktəbi bitirəndən bəri bütün dayağı mən olmuşam. Hər şey xalqın gözünün qarşısında olub. Elə şeylər var ki, danışmaq olmur”.

"Ölkə.Az" xəbər verir ki, bu sözləri xalq artisti Mələkxanım Əyyubova "Qafqazinfo”ya açıqlamasında bacısı oğlu, müğənni Mirkamil Kamilovun instaqramdakı qəribə paylaşımlarına münasibət bildirərkən deyib. Məşhur xanəndə Mirkamilin "Xalq ulduzu” yarışmasından sonra özünə qapandığını qeyd edib:

"Uşaqlıqdan Mirkamilin ürəyində azacıq problem var idi. Əvvəlcə, Bakıda Rəşad adlı həkimlə danışdıq, amma getmədi. Daha sonra İranla danışıqlar aparıldı və orada əməliyyat olundu. Nə dərəcədə doğru, düzgün edilməsi barədə məlumatsızam. Həmin dövrdə Amerikada idim, yanında Aybəniz xanım Haşımova olub.  4-5 il keçsə də, Mirkamil əməliyyatdan sonra çapalayır.  Elə bil ki, həyatından bezib. 

Yumoru olan bir gəncdir. Sosial şəbəkələrdə nəsə yazanda belə düşünürük ki,  zarafat edir, şou göstərir. Elə şeylər var ki, onu yumora da çevirmək olmaz. Çünki xalq onu çox sevir. Sadəcə olaraq Mirkamil "Xalq ulduzu”ndan sonra səhnədən qaçdı, çox sevgi, istək gördü və insanlardan uzaqlaşdı. Özünə qapandı, daha sonra ürəyi də belə oldu”. 

Xalq artisti onun Mirkamilə dəstək olmadığını iddia edənlərə də cavab verib: "Mən onu hər dəfə efirə çağırıram, amma gəlmir. Deyir ki, xala, ürəyim ağrıyır, dözə bilmirəm.  Mən də məcbur razılaşırdım. Daha sonra efirə Ramalgillə (qardaşı oğlu, müğənni Ramal İsrafilov) çıxırdım. Hamı yazırdı ki, Mirkamili özünə yaxın buraxmadı. Hər şeyi danışmaq olmur. İnsanlara bir-bir yazım ki, səhhətində problem var”.

M. Əyyubova deyir ki, ifaçı insanların gözündən düşmək üçün bilərəkdən belə edir: "4-5 ay olar ki, bizə gəldi. Ağlı başında, heç bir psixoloji problemi olmayan bir vəziyyətdə idi. Mənə dedi ki, xala, hərdən o qədər əsəb keçirirəm, istəyirəm ki, xalq məndən incisin, nifrət etsin və uzaqlaşsınlar. Bəlkə də, bu cəhətdən özünü belə aparır ki, insanlar ondan üz çevirsin. Bunu dəqiqliyi ilə mən açıqlaya bilməyəcəm. Bir onu bilirəm ki, Mirkamilin pis bir işi yoxdur. Onun problemi ürəyi ilə bağlıdır.  Heç kimə qulaq asmır! Olmaz belə...

Mirkamil özü-özünə qara yaxır ki, insanlar onu sevməsin. O deyir ki, özümü elə aparıram ki, hamı düşünsün ki, dəli olub. Nə bilirəmsə, sizə onu deyirəm.  Məni qınamasınlar, Mirkamil özü bizdən uzaqlaşır. Evimdə olanda ürəyinin üstünə yumruqlar vurdu, dedi ki, xala, dözə bilmirəm (ağlayır). Allah eləməsin, ona bir şey olsa, heç kim onun üçün ağlamasın deyə belə edir.  Allaha and olsun, o, ürəyini məndən başqa heç kimə açmır. Nə deyəcəyimi bilmirəm”.

Ölkə.Az

ŞƏRH YAZ
0

Tanınmışlar İnstaqramda — FOTOLAR

Tanınmışlar İnstaqramda
22:55
24.05.2019
2667
Maqazin
A
Tanınmış şou-biznes nümayəndələri, incəsənət adamları İnstaqram sosial şəbəkəsində yeni fotolarını yayıblar.

"Ölkə.Az" məşhurların paylaşdığı son fotoları təqdim edir:

 

Ölkə.Az

ŞƏRH YAZ
0

Niyamın "çör-çöp" qalmaqalına münsiflər də qoşuldu

Niyamın
21:46
24.05.2019
1124
Maqazin
A
Müğənni Niyam Salaminin "Yenu ulduz" ifaçılarını "çör-çöp" adlandırması ətrafında qalmaqal səngimək bilmir.

"Ölkə.Az"ın məlumatına görə, bu dəfə yarışmada münsif kürsüsündə oturan Xalq artisti Mübariz Tağıyev və "Soy" prodakşının və layihənin rəhbəri Oqtay Əliyev məsələyə fikir bildirib.

O.Əliyev axşam.aza açıqlamasında "Yeni ulduz" iştirakçılarının Azərbaycan estradasındakı rolundan bəhs edib:

"Onun sözlərinin iki mənası var: əgər Niyam bunu qara, pis, atmaca, sancma fikri ilə desəydi, münasibət başqa olardı. Niyam burada bənzətmə edib. Əslində, şou-biznesi, insanları əşyaya bənzətmək düz deyil. Yenə də ümid edirəm ki, onun çörək kəsdiyi, münasibəti olduğu insanlara qarşı fikri pis olmayıb.

Amma həmin o, "çör-çöp"lər Azərbaycan estrada janrında öz sözünü demiş, dünya səhnələrini fəth etmiş gənclərdir. Safura, Aysel, Çingiz, İlhamə, Elvin, Azad Şabanov və başqaları tanınır. Bunların heç biri küncdə, bucaqda, səviyyəsiz, mənasız mahnılar oxuyub, çıxıb onla-bunla qalmaqal edənlər deyil. Onlar qısa vaxt da olsa, bir məktəb keçdilər. Həmin ifaçılar bu məktəbin əlaçı tələbələridir.

Hamımız da ümidvarıq ki, gələcək onların əlindədir. Dedikləri "çör-çöp"lər Azərbaycan estradasında balaca da olsa, imza qoyacaqlar".

M.Tağıyev isə Niyam adlı bir müğənni tanımadığını deyib:

"O, kimdir? Tanımıram... "Çör-çöp" sözünə gəldikdə isə... Onlar məktəb keçiblər, mötəbər müsabiqələrə qatılıblar. Nələr etdiklərini hamı bilir. Kiməsə "çör-çöp" deməzdən əvvəl, həmin müğənni özü gedib nəsə etsin, tanınsın, yadda qalsın. Bu cür insanların sözlərinə fikir vermək lazım deyil".

Qeyd edək ki, Niyamın "çör-çöp" ifadəsinə müğənnilər İlhamə Qasımova, Aygün İsmayılova, Elvin Abdullayev, Aysel Əlizadə öz etirazını bildirmişdi. N.Salami isə onları özlərini reklam etməkdə ittiham etmişdi.

Ölkə.Az

ŞƏRH YAZ
0
BAĞLA