Mələkxanım Əyyubova tələbəsiylə barışdı — VİDEO

Mələkxanım Əyyubova tələbəsiylə barışdı
11:00
15.11.2018
7732
Maqazin
A
Xalq artisti Mələkxanım Əyyubova tələbəsi, əməkdar artist Nigar Şabanovayla barışıb.

"Ölkə.Az"ın məlumatına görə, ARB TV-də Elgiz Əkbərin aparıcılığıyla yayımlanan "Səhər-səhər" verilişində doğum gününü qeyd edən Əyubbova onu təbrik etmək üçün gələn Şabanovayla barışıb:

"Nigar özü deyirdi ki, uşaq vaxtı mənə balaca Mələkxanım deyirdilər. İndi o, böyüyüb və Nigar Şabanova kimi tanınır. Şəxsən mən Zeynəb Xanlarovaya baxıb sənətə gəlmişəm. Düzdür, o, mənə dərs keçməyib. Ancaq Zeynəb xanımdan görüb götürdüklərim bir məktəbdir. O, hər birimizin müəllimidir. Nigar da qanad açmış göyərçinlərdən, tələbələrdən biridir. Xarici səfərlərimdə Nigar yanımda olub. Heydər Əliyev adına Sarayda səhnəyə çıxartdığım yeganə tələbəm Nigardır".

Gənc xanəndə də öz növbəsində müəllimi barədə xoş sözlər deyib:

"Can sağlığı uzun ömür arzu edirəm. Heç vaxt səhnəmizdən əskik olmasın. Bu günə kimi qazandığı hörmətlə həyatını, ömrünü sürsün".

Qeyd edək ki, bir müddət öncə M.Əyyubova ilə N.Şabanova arasında gərginlik yaranmışdı. 

 

Ölkə.Az

ŞƏRH YAZ
0

Kərim Abbasovu yolda döydülər — İş polisə verildi - VİDEO

Kərim Abbasovu  yolda döydülər
23:47
20.05.2019
2005
Maqazin
A
Müğənni Kərim Abbasov yolda hücüma məruz qalıb.

"Ölkə.Az" Oxu.Az-a istinadən xəbər verir ki, bu barədə Kərim şəxsi “İnstagram” hesabında paylaşdığı videoya yazdığı şərhdə məlumat verib. 

Hadisə bağdan qayıdarkən baş verib. Belə ki, Kərimin yaydığı videodan da göründüyü kimi, maşından düşən bir şəxs əlində telefonla video çəkən adama yaxınlaşaraq, ona yumruq zərbələri endirir. 

Kərim yumruqlanan şəxsin özü olduğunu iddia edir və hadisə ilə bağlı 102-yə məlumat verib.
Müğənni saytımıza açıqlamasında ciddi xəsarət almadığını bildirib:

“Danışacaq durumda deyiləm. İş artıq polisə verilib. Hücüma məruz qalmışam. Xoşbəxtlikdən ciddi xəsarət almamışam”.

Ölkə.Az

ŞƏRH YAZ
0

Oqtay Kaynarcadan silahlı foto — "Adını belə eşitmədiyim insanlar"

Oqtay Kaynarcadan silahlı foto
22:49
20.05.2019
1551
Maqazin
A
Mafiya ilə bağlı çəkildiyi seriallarla məşhurlaşan türkiyəli aktyor Oqtay Kaynarca instaqram paylaşımı ilə gündəmə oturub.

"Ölkə.Az" Türkiyə mediasına istinadən xəbər verir ki, aktyor hər iki əlində silahla poz verdiyi fotosunu sosial şəbəkədə paylaşıb.

Fotonun şərh bölməsinə isə "səhər oyanan kimi maqazin saytlarında adını belə eşitmədiyim insanlarla adımın birlikdə yazıldığını görəndə mən..." sözlərini yazıb.

Kaynarcanın əlində silahla çəkdirdiyi fotosu izləyicilərində təşviş yaradıb.

Çoxları ona bu paylaşımına görə irad bildirib.

Ölkə.Az

ŞƏRH YAZ
0
BAĞLA