Məleykə Abbaszadə: "Heç bir ixtisas qrupu üzrə qəbul planında azalma yoxdur"

Məleykə Abbaszadə:
12:05
17.05.2018
854
Ölkə
A
"2018-2019-cu tədris ili üçün bakalavr səviyyəsi üzrə qəbul planı təxminən 2303 yer (5,37 %) artırılaraq 45159-a çatdırılıb".

"Ölkə.Az" xəbər verir ki, bunu jurnalistlərə açıqlamasında Dövlət İmtahan Mərkəzinin (DİM) Direktorlar Şurasının sədri Məleykə Abbaszadə deyib.

O bildirib ki, heç bir ixtisas qrupu üzrə qəbul planında azalma yoxdur: "İxtisas qrupları üzrə artım müxtəlifdir. Qəbul planı I ixtisas qrupunda 4%, II qrupda 3,5%, III qrupda 9%, V qrupda isə 8% artıb".

M.Abbaszadə əlavə edib ki, qəbul planında dövlət sifarişli yerlərin sayı 1,3 % artıb: "Bu da keçən illə müqayisədə 32 yer artım deməkdir. Müxtəlif artma o demək deyil ki, bütün universitetlərdə plan yerlərinin sayı artıb. Misal olaraq, Azərbaycan Tibb Universitetində plan yerlərinin 26 % azalıb. Müəyyən universitetlərdə isə yeni ixtisaslar açılaraq plan yerlərinin sayı artıb".

Direktorlar Şurasının sədri vurğulayıb ki, 9 illik bazadan kolleclərə qəbul planı 5% (572 yer) azalıb, 11 illik orta təhsil bazadan isə qəbul planı ötən ilə nisbətən 21% artıb: "11 illik bazadan kolleclərə qəbul planı 9 687 yerdir. Keçən il isə bu rəqəm 8004 idi. Təxminən 1683 yer artıb".

ŞƏRH YAZ
0

Türk vətəndaşlığı almaq istəyən xaricilərin işi asanlaşdı

Türk vətəndaşlığı almaq istəyən xaricilərin işi asanlaşdı
10:06
Bu gün
31
Ölkə
A
Türkiyənin rəsmi qəzetində yayımlanan qərarla Türkiyə vətəndaşlığı qəbul etmək istəyən xaricilərin işi asanlaşıb.

 “Ölkə.Az” xəbər verir ki, yeni qərara əsasən, türk vətəndaşlığı almaq istəyənlər üçün nəzərdə tutulan 2 milyon dollarlıq sərmayə 500 min dollara qədər azaldılıb.

Türkiyə prezidentinin imzaladığı qərara əsasən, türk vətəndaşlığı qazanmaq istəyənlər üçün nəzərdə tutulan 20-ci maddəyə dəyişiklik edilib. Bundan sonra vətəndaşlıq əldə etmək istəyənlər 2 milyon yox, 500 min dollar sərmayə qoya bilərlər.

Bundan başqa Türkiyədə daşınmaz əmlak sahibi xaricilərin vətəndaşlığa keçmək üçün minimum daşınmaz əmlak dəyəri 1 milyon dollardan 250 min dollara qədər azaldılıb.

Bundan başqa vətəndaşlıq əldə etmə şərtləri arasında olan ən az 100 nəfəri işlə təmin etmək ifadəsi 50 nəfər olaraq dəyişdirilib. Vətəndaşlıq hüququ əldə etmək üçün Türkiyədəki banklarda 3 milyon dollarlıq hesab 500 min dollara qədər azaldılıb.

Hikmət Həsənov
Ölkə.Az

ŞƏRH YAZ
0

Cəbhədə atəşkəs yenə pozuldu

Cəbhədə atəşkəs yenə pozuldu
09:52
Bu gün
70
Ölkə
A
Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan da istifadə etməklə sutka ərzində atəşkəs rejimini 87 dəfə pozub.

Müdafiə Nazirliyindən "Ölkə.Az"a verilən məlumata görə, Ermənistan Respublikası İcevan rayonu ərazisindəki adsız yüksəkliklərdə yerləşən mövqelərdən Qazax rayonunun Bala Cəfərli kəndində, Berd rayonunun Çinari kəndində yerləşən mövqelərdən Tovuz rayonunun Koxanəbi kəndində, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonu ərazisindəki adsız yüksəkliklərdə yerləşən mövqelərimiz atəşə tutulub.

Tərtər rayonunun işğal altında olan Çiləbürt, Ağdam rayonunun Abdinli, Kəngərli, Sarıcalı, Novruzlu, Xocavənd rayonunun Kuropatkino, Füzuli rayonunun Aşağı Veysəlli, Qobu Dilağarda, Qərvənd, Qaraxanbəyli, Aşağı Seyidəhmədli, Qorqan, Kürdlər, Cəbrayıl rayonunun Nüzgar və Mehdili kəndləri yaxınlığında, həmçinin Goranboy, Tərtər, Ağdam, Xocavənd və Cəbrayıl rayonları ərazisindəki adsız yüksəkliklərdə yerləşən mövqelərdən də ordumuzun mövqeləri atəşə tutulub.

ŞƏRH YAZ
0
BAĞLA