Məleykə Əsədova geri addım atmadı — "Ramiz Məliki bağışlasam..."

Məleykə Əsədova geri addım atmadı
10:41
04.12.2017
6039
Maqazin
A
“Azərbaycan cəmiyyəti bilir ki, Ramiz Məliki geyim üçün etdiyi iradla bağlı yox, məni, ailəmi, anamı əxlaqsız sözlərlə təhqir etdiyinə görə məhkəməyə vermişəm. Məhkəmə predmeti məhz budur”.

"Ölkə.Az" xəbər verir ki, bunu APA-ya xalq artisti Məleykə Əsədova deyib. O qeyd edib ki, Ramiz Məlik cəmiyyətə yanlış informasiya ötürməklə məşğuldur: “Ramiz Məlikin saytlara verdiyi açıqlamaları oxuyanda dəhşətə gəldim. Deyir ki, Məleykə Əsədova xalq artistidir, bu olanlar ona yaraşmaz, mən onu təhqir etməmişəm, öyüd-nəsihət vermişəm. Sual verirəm: Ramiz, sənin dünyanda ailəni əxlaqsız sözlərlə ictimaiyyət qarşısında söymək təhqir deyil? Deyirsən, əlli illik təcrübən, 74 yaşın, ağ saçların var. Sən nəyə görə 74 yaşından, ağ saçlarından, işlədiyin kollektivdən, bizi alqışlayan tamaşaçılardan utanmadan, hörmət etmədən, səninlə illərdir, səhnəni bölüşən, bir neçə tamaşada tərəf müqabili olan iş yoldaşını və onun ailəsini ictimaiyyət qarşısında təhqir etdin? Bu, sənin dediyin kimi, 50 illik iş təcrübənə, 74 yaşına, ağ saçlarına yaraşar? Sən yenə də səhv informasiya yaymaqla, şantaj etmək, böhtan atmaqla özünü cəmiyyət qarşısında təmizə çıxarmaq, haqsız ola-ola haqlı kimi təqdim etməyə çalışmaq, özünü günahsız tərəf kimi göstərməyə cəhd etmək, əməllərinə görə səni gözləyən məsuliyyətdən yaxa qurtarmağa çalışırsan. Amma bu, boş cəhddir. Çünki mən ölkəmizin ədalət məhkəməsinə güvənirəm”.
 
M. Əsədova əlavə edib ki, illərdir, teatrda bu kimi qalmaqallar ancaq Ramiz Məlikin adı ilə bağlıdır: “Keçən il olan qalmaqal unudulmamış, yenə heç kimlə işi olmayan, öz balaca dünyasında hər kəsə xoşbəxtlik arzulayan, Allahına bağlı olan bir qadınla  qalmaqal yaratdın. Bununla iç dünyanın “tərbiyə zənginliyi”ni göstərdin. Hamı bilir ki,  valideynlərimə nə qədər böyük hörmət, sevgi ilə yanaşmışam. Onlar dünyasını dəyişsə də, ruhları hər zaman mənimlədir. Mən səni bağışlasam, atamın-anamın ruhu məni bağışlamaz. Üzümü Ramiz Məliki məhkəməyə verdiyimə görə məni qınayan bəzi insanlara tuturam: siz dünyasını dəyişmiş valideynlərinizə böhtan atıb, əxlaqsız sözlərlə onları təhqir edəni bağışlayarsınız? Ramiz Məlik gedib atamla anamın məzarı qarşısında onların ruhlarından üzr istəməli, dediyi əxlaqsız sözləri öz ünvanına götürməlidir. Belə olmasa, təzminatı ödəməlidir”. 

ŞƏRH YAZ
0

“Çukur”un “Sena”sı adını Günəşə yazdıracaq

“Çukur”un “Sena”sı adını Günəşə yazdıracaq
20:28
22.07.2018
1007
Maqazin
A
NASA 31 iyul tarixində Günəşə göndərəcəyi peykə 1 milyon 138 min nəfər insanın adının yazıldığı çip yerləşdirəcək.

“Ölkə.Az” xəbər verir ki, bu adların içərisində “Çukur” serialının baş rol ifaçılarından biri Dilan Çiçek Deniz də var. 

Aktrisanın adını Günəşə yazdırmaq istəməsi isə izləyicilər tərəfindən maraqla qarşılanıb.

Məlumat üçün bildirək ki, Dilan Çiçek Denoz 1995-ci il təvəllüdlüdür. O, karyerasına model olaraq başlasa da, indi aktrisa kimi özünü sınayır.

Ölkə.Az

 

ŞƏRH YAZ
0

Məşhurlar mətbuat nümayəndələrini təbrik etdi — FOTO

Məşhurlar mətbuat nümayəndələrini təbrik etdi
15:39
22.07.2018
1441
Maqazin
A
Bu gün Milli Mətbuatın yaranmasının 143 illiyi münasibətilə məşhurlar da mətbuat nümayəndələrini təbrik edib.

"Ölkə.Az" Oxu.az-a istinadənxəbər verir ki, onlar sosial şəbəkə vasitəsilə təbriklərini yazıblar.

Müğənni Zamiq Hüseynov:

“Milli mətbuat gününüz mübarək!”

Nura Suri

“Bu gün Milli Mətbuatın 143 ili tamam olur. Zərdabinin yolunu şərəflə, ləyaqətlə və vicdanla davam etdirən bütün media nümayəndələrini təbrik edirəm. 

Haşiyədən kənara çıxaraq, şou jurnalistlərini isə xüsusi təbrik etmək istəyirəm. Çox sağ olun ki, bu illər ərzində yanımda oldunuz, düzü düz, əyrini-əyri yazdınız. Baxmayaraq ki, şou sahəsi çox vaxt kiçildilir, ancaq bu sahədə çalışan müxbirlərin əziyyəti danılmazdır. Qələminiz  iti, vicdanınız pak olsun!”

Aparıcı Samir Bayramlı:

“Jurnalistikanın hər sahəsində fəaliyyət göstərən əsl, peşəkar jurnalistlər, bayramınız mübarək!”

Müğənni Roza Zərgərli:

“Milli mətbuatın 143-cü ilində qələminiz iti, sözünüz kəsərli olsun, əziz dostlarım”.

Aparıcı Murad Əzimzadə:

“Bizdə öləndən sonra əvəzsiz olur adamlar. Mətbuatı öldürməyən, mətbuat üçün sözün yaxşı mənasında ölən, işini layiqincə, vicdanla həyata keçirdən, maskasız, şərəfli və bu dünyadaykən əvəzsiz olmağa layiq həmkarlarım mətbuat gününüzü təbrik edirəm”.

Müğənni Günay İbrahimli

“İlk addımlarımdan təmənna güdmədən mənə dəstək olan, böhtan atmayan, reketlik etməyən, qərəzdən uzaq olan, vicdanı ilə oturub-duran, bizi xalqın gözündən salmamağa çalışan, həqiqəti yazan bütün yazılı mətbuat üzvlərini təbrik edirəm. Bu gün sizin bayramdı və bütün xoş arzularım sizin ünvanıza gəlir. Peşəkarlar həmişə yaşayacaq, yaddaşlarda qalacaq. Uğurlar!”

Ölkə.Az

ŞƏRH YAZ
0
BAĞLA