Məmur qadın Azərbaycanda “şokalad vannasından” şəkil paylaşdı — QALMAQAL QOPDU

Məmur qadın Azərbaycanda “şokalad vannasından” şəkil paylaşdı
21:07
16.09.2019
5190
Dünya
A
Rusiyanın Ulyanovsk vilayətinin məmuru Azərbaycanda dəbdəbəli oteldən, "şokalad vannasından" sosial şəbəkələrdə foto paylaşıb və qalmaqal yaradıb.

"Ölkə.Az" V\virtualaz.org-a istinadən xəbər verir ki, regionun İT-korporasiyasının (dövlət müəssisəsidir) rəhbəri Svetlana Openışeva ötən həftə Azərbaycanda məzuniyyətini necə keçirdiyi barədə İnstagram-da paylaşdığı fotolara görə işdən azad edilə bilər.

Belə ki, Svetlana Openışeva Naftalandakı beşulduzlu "Garabag Resort & Spa" otelində dincəlir və orada müalicə prosedurlarından keçir. Məmur şokalad rəngində maye ilə dolu vannadan çəkdiyi selfe-ni paylaşıb və yazıb: "Çox şokalad olmur". Həmin vannadakı maye isə belə görünür ki, Naftalan neftidir, məmur onu şokalada bənzədib.

Foto dərhal sosial şəbəkələrdə müzakirələrə və tənqidlərə səbəb olub. İstifadəçilər Openışevi "dəbdəbəli həyat" keçirməkdə və qeyri-təvazökarlıqda ittiham ediblər. Hətta onu "Ulyanovskun Peris Hiltonu" da adlandırıblar. Hansı ki, bir neçə il əvvəl "Hilton" otellər şəbəkəsinin sahibinin varisi, "dəbdəbə kraliçası" Peris Hilton isti şokaladla dolu vannadan fotolarını paylaşmışdı.

Ulyanovsk qubernatoru Sergey Morozov Naftalanda "şokalad vannasında üzən" məmur qadın barədə xidməti araşdırma aparmağı tapşırıb. Və onun araşdırmanın sonunda "dəbdəbəli həyatı nümayiş etdirməyə görə" işdən azad edilə biləcəyini deyib. Morozovun sözlərinə görə, "təvazökar yaşamaq lazımdır",

"İstənilən qeyri-təvazökarlığın qarşısı alınacaq. Bir çoxlarının heç xaricə getməyə imkanı yoxdur. Amma mən baxıram xanım Openışevanın bacarığına, qərara almışam ki, xidməti araşdırma aparılsın. Şəffaflıq haqda danışanda heç də onu nəzərdə tutmuruq ki, kimsə gedib alt paltarını çəkib göstərsin, şəffaflıq problemlərə reaksiya verməkdir. Mən çoxlarına xaricə məzuniyyətə getməyə icazə verirəm, çünki qanun yol verir, amma öz imkanlarını belə nümayiş etdirmək lazım deyil. Mənim qərarım budur ki, xidməti araşdırma aparılsın və Openışeva işdən azad edilsin",-qubernator bildirib.

Hərçənd mətbuat yazır ki, Openışevanın Naftalanda dincəlməyi elə də baha başa gəlməyib-iki nəfər üçün oteldə qalmaq və müalicə təxminən 900 dollara, gediş-gəliş isə 130 dollara başa gəlib.

Ölkə.Az

ŞƏRH YAZ
1

Meksikanın Miçoakan ştatında 14 polis əməkdaşı öldürülüb

Meksikanın Miçoakan ştatında 14 polis əməkdaşı öldürülüb
02:57
Bu gün
1634
Dünya
A
Meksikanın Miçoakan ştatında naməlum silahlı şəxslərin hücumu zamanı 14 polis əməkdaşı öldürülüb.

“Ölkə.Az” APA-ya istinadla xəbər verir ki, hadisə ştatın Aquilila şəhərində baş verib.

Meksikanın Təhlükəsizlik və Mülki Müdafiə Katibliyinin yaydığı məlumatda bildirilir ki, asayiş keşikçilərinə hücum edənlərin şəxsiyyətinin müəyyən edilməsi və tapılması istiqamətində əməliyyat tədbirləri davam etdirilir.

Ölkə.Az

ŞƏRH YAZ
0

Türkiyə ordusu terrorçuların silah anbarını partlatdı — VİDEO

Türkiyə ordusu terrorçuların silah anbarını partlatdı
00:01
Bu gün
1360
Dünya
A
Türkiyə Silahlı Qüvvələri Suriyada PKK/YPG terrorçularına məxsus sığınacaqları və silah anbarlarını müəyyənləşdirərək bir-bir məhv edir.

“Ölkə.Az” xəbər verir ki, Türkiyə Müdafiə Nazirliyi həmin kadrlardan birini yayımlayıb.

Kadrda terrorçulara məxsus silah-sursat anbarının vurulması yer alıb.

Həmin görüntünü təqdim edirik:

ŞƏRH YAZ
0
BAĞLA