“Mən ən yüksək “sort”am” — Elməddin Cəfərov

“Mən ən yüksək “sort”am”
04:08
14.02.2020
2600
Maqazin
A
“Qulağımda iltihablaşma oldu. Qulağımın içi çirk elədi. İltihablaşma səbəbi ilə həkimlər qulağıma müdaxilə edə bilmirdilər. Qulağımın içi tam bağlanmışdı. Həkimim öncə o şişi müalicə elədi, daha sonra daxilində olan problemləri aradan qaldırdı. İndi min şükür, doxsan beş faiz sağalmışam”.

"Ölkə.Az" bildirir ki, bu sözləri oxu.az-ın əməkdaşı ilə söhbətində tanınmış aktyor Elməddin Cəfərov deyib. Səhhətinin birdən-birə pisləşdiyini bildirən sənətçi şiddətli ağrılar səbəbi ilə xəstəxanada günlərlə qalmalı olduğunu dilə gətirdi:

 

“İki gün xəstəxanada yatdım. Həyatı önəm daşımasa da, ağrılarım şiddətli idi. Halım özümdə belə deyildi. Heyim yox idi, yerimdən belə tərpənə bilmirdim. Ağrıdan beynimin içi partlayırdı. Eşitməyimdə böyük problemlər var idi. Ağrı məni verilişə gedən zaman tutdu. Təcili olaraq xəstəxanaya getmək məcburiyyətində qaldım”.

Hazırda başı yeni işlərə qarışan Cəfərov Türkiyədən gələn təkliflərə “yox” cavabını verdiyini bildirdi. Səbəbini isə, belə izah etdi:

“Türkiyədən mütamadi film təklifləri alıram. Amma hazırda dəyərləndirmirəm. Onlara hörmətlə izah etdim ki, Vətənimdə daha vacib işlərim var. Bu aralar Türkiyə ilə bağlı heç bir filmə və ya seriala çəkilməyi düşünmürəm. Çünki oğlumun təhsili var. Onları başqa bir mühitə öyrəşdirmək kimi məsələlər var. İnandırım sizi ki, bu heç də asan məsələ deyil. Özüm “Çat Kapı Aşk” filminin çəkilişləri səbəbindən bir ay Türkiyədə qalmalı oldum. O müddətdə ürəyim partlayırdı Bakı üçün. Bundan sonra özümə söz verdim ki, bir həftədən artıq ölkədən kənarda qalmaq olar, amma bir ay əsla”.

Elməddin Cəfərov aktyorlar arasında özünü kateqoriyalara ayırıb, “Mən ən yüksək “sort”am” dedi:

“Türkiyədə aldığım qonorar Azərbaycanda aldığım qonorardan qat-qat çoxdur. Xaricdən hansısa məşhur aktyoru dəvət etdikləri səviyyədə onlarla müqavilə bağlayıram. Yəni yüksək məbləğdə və səviyyədə. İlk təklif etdiləri qonorar ikinci “sort” dəyərində idi. Öyrənəndə dedim ki, “Mənimlə məzələnirsiniz”. Heç mən birinci “sort”la razılaşmırdım. Çünki mən ən yüksək “sort”am”.

Bir neçə həftədir ki, ATV-də yayıma başlayan “Ailəmiz” serialından bəhs edən Elməddin işlərini xaricdəki sərgilərə təqdim etmək niyyətində olduğunu açıqladı:

“Gözləntilərim “Ailəmiz” serialında çox yüksəkdir. Bilirsiniz ki, xaricdə keçirilən kino, serial, televiziya sərgiləri olur. İstəyirəm ki, film və serialları oraya təqdim edim. Məhz bu yöndə əlimizdən gələni edirik ki, serial çəkilişlərini yüksək keyfiyyətdə edək, onları xaricə çıxara bilək”.

Aktyor sonda yeni mövsümdə tamaşaçılara ölkənin ən böyük şousunu təqdim edəcəyinin ilk anonsunu verdi:

“Gələn mövsümə, yəni sentyabr ayına möhtəşəm və tayı-bərabəri olmayan, böyük bir şou hazırlamaq niyyətindəyəm. Hazırlıqlar gedir. Ümid edirəm ki, alınacaq. Əyləncəli bir şou olacaq. Hətta deyərdim ki, ölkənin ən böyük şousu olacaq. Aparıcısı da özüm olacağam”.

ŞƏRH YAZ
1

Rusiyalı nənə 60 yaşında fenomen oldu — FOTO

Rusiyalı nənə 60 yaşında fenomen oldu
00:29
Bu gün
361
Maqazin
A
60 yaşında modelliklə məşğul olmağa qərar verən rusiyalı Valentina Yasen İnstaqram fenomeninə çevrilib.

"Ölkə.Az" xəbər verir ki, Valentinanın oğlu onun şəkillərini sosial şəbəkədə paylaşdıqdan sonra fotosessiyalara dəvət alıb.

Hazırda o, yaşlı xanımlar üçün fəaliyyət göstərən “Oldushka” adlı modellik agentliyində fəaliyyət göstərir.

60 yaşlı nənənin İnstaqram səhifəsində 22 mindən çox izləyicisi var./Axşam.az

ŞƏRH YAZ
0

Əməliyyatdan çıxan aktyor danışdı: “Özümü yaxşı hiss edirəm”

Əməliyyatdan çıxan aktyor danışdı: “Özümü yaxşı hiss edirəm”
19:52
23.02.2020
3134
Maqazin
A
“Öd kisəmi əməliyyat etdilər. Palataya köçürüblər məni. Özümü yaxşı hiss edirəm”.

"Ölkə.Az" bildirir ki, bu sözləri kulis.az-a gecə saatlarında Bakı Sağlamlıq Mərkəzində əməliyyat olunan Kukla Teatrının aktyoru, Əməkdar artist Rəhman Rəhmanov söyləyib.  

Onun sözlərinə görə, daha bir əməliyyatın da keçiriləcəyi gözlənilir. 

Xatırladaq ki, dünən aktyorun vəziyyətinin pisləşməsi və əməliyyat üçün pulun olmaması haqqında məlumat yayılmışdı. Kukla Teatrının mətbuat xidməti isə məlumatı təkzib etmiş, əməliyyat üçün lazım olan tədbirlərin görüldüyünü söyləmişdi. 

ŞƏRH YAZ
0
BAĞLA