"Ölkə.Az"-ın məlumatına görə, sənətçi V.Məhərrəmlinin "Vüsal Əliyev Üzeyir Mehdizadə qədər tanınmırdı" sözünə belə reaksiya verib:

"Bu yaxınlarda efirdə Üzeyir Mehdizadənin Türkiyədə populyar olmasından söhbət gedirdi. Rəqsanə İsmayılova mənim adımı çəkdi. Vasif Məhərrəmli bildirdi ki, Vüsal Əliyev Üzeyir qədər məşhur olmayıb. Sənin son iyirmi ildə "Bakılı qız"dan başqa neçə mahnının adını çəkə bilərsən? Azərbaycandan hansı müğənni Türkiyənin İstanbul şəhərində iyirmi minlik "İstanbulspor" stadionunu doldura bilib. Vüsal Əliyev məşhur olanda Vasif Məhərrəmlini tanıyan yox idi. İki ay efirə çıxmasın, görüm mənim kimi yadda qala bilirmi. Öz mahnılarından da danışsın da. Görək başqa hansı mahnılarla yadda qalıb. Heç kimlə işi olan insan deyiləm. Amma haqsızlığa qarşı da dözümüm yoxdur. İnsan gərək doğrunu deyə".

Qeyd edək ki, ən populyar dövrü 1998-2004-cü illərə təsadüf edən Vüsal Əliyevlə müsahibəni sabah saytımızdan oxuya bilərsiniz. Sənətçi Şəbnəm Tovuzlu müsahibədə indiyədək heç yerdə etmədiyi etiraflar edib, barəsində açılan cinayət işi barədə detalları açıqlayıb.

İntiqam VALEHOĞLU
Ölkə.Az

"Ölkə.Az" xəbər verir ki, ARB TV-nin “Bu qədər” proqramının ilk buraxılışı mərhum reper Anar Nağılbaza həsr olunub.

Dostlarının və ailəsinin Anarla bağlı xatirələrinin danışıldığı proqramda maraqlı məqamlara toxunulub.

Rizvan Cəbiyev – Anar Nağılbazın atası: “Anar insan sevən, hər şeyi sevən bir insan idi. Fəxr edirəm ki, mənim Anar kimi oğlum var. Amma indi Anar yoxdur. Oğul atanın onurğasıdır. Bu gündən sonra çətin ki, belimi dikəldə bilim. İndi səninlə küsər, 5 dəqiqədən sonra gəlib səndən üzr istəyər. Belə bir insan idi. Müsahibədə ondan soruşmuşdular ki, ən böyük arzun nədir? Demişdi ki, ən böyük arzum, atam oxuduğum repi bəyənsin və ondan danışsın. Mənə oxuyurdu, deyirdim ki, mən bəyənmirəm. Mən biraz sərt idim. Anar dünyasını dəyişəndən sonra başa düşdüm ki, Anar replə çox şeyi deyib, rep mənim bildiyim qədər aciz bir sənət deyilmiş. Hansı birimizin nöqsanı yoxdurki?! Tor qurdular, ondan sonra da Anar düşdü. Vaxtı gələr onu deyərəm. 100 il qocaldı, sifəti qırışdı. İndi cavabı özünüz çıxarın ki, Anar özü öldü, yoxsa öldürdülər. Aytən adlı xanım onu sehirlədi. Anar öləndə onun adını çəkirdi. Həmin qız da deyir ki, tələsmə, gəlib sənin məzarında öləcəm. Onlar rəsmi nigah da ediblər. Çox sirlər var məndə. Anar həmin qıza nəsihət edib ki, mən öləndən sonra sirləri aç. Anar həyatdan doymuşdu”.

Şərqiyyə Cəbiyeva – Anar Nağılbazın anası: “Dostları çox idi. Bizə gəlib-gedirdilər də. Sonra hamısı ondan uzaqlaşdı. Evlənəndən sonra hiss edirdim ki, sevgisini tapa bilməyib o. İstədiyi kimi ailə qura bilməmişdi. Ailəsi ilə belə olandan sonra, Anar düşdü. Üzü gülmürdü, nə danışırdı gözləri dolurdu. Yaşlı kişilərin sifəti onun kimi deyildi. Gəldi ki, ana, Anar adını yaddan çıxart, sənin Anar adlı oğlun olmayacaq. Biraz keçmişdi rəhmətə getdi”.

Anar ölümüdən bir müddət öncə 2-ci həyat yoldaşı Aytən xanıma göndərdiyi səs yazısında ağlayaraq onu sevdiyini söyləyib.

“Ölkə.Az” xəbər verir ki, verilişin qonağı Ramin Abdullayev Mirzə Babayevi parodiya edəndən sonra Elza Seyidcahan hərdən efirdə yaranan məqamlara öz iradını bildirdi. Sənətçini narahat edən məsələ isə bəzi aktyorların düzgün danışa bilməməsi oldu.

“Siz Mirzə Babayev kimi sənətkarları parodiya edəndə xoşuma gəlir. O deyir gəl. Amma son zamanlar “gəl” sözünə “cəl”, “cəl cedəy” deyirlər. Bu nə danışıqdır ay başınıza dönüm? Vallah, mən efirlərə gəlməyəcəm. Yetişən gənc aktyorlarımızın danışığından əsəb keçirirəm. Gör, mən əgər belə əsəbləşirəmsə, onda bizim ziyalılarımız, canlı əfsanələrimiz onlar nələr keçirirlər. Hirslənirəm, məni qınamayın”.