"Mən və 1000-ə yaxın işçim İlham Əliyevə səs verəcək"

Bu fikirləri "Ölkə.Az"a açıqlamasında "Şərurlu İsfəndiyar” kimi tanınan iş adamı İsfəndiyar Axundov bildirib. 

İsfəndiyar Axundov deyib ki, Azərbaycan prezidentliyinə namizədlər arasında İlham Əliyev ən layiqli şəxsdir:
"Hazırda mənim 1000 nəfərə yaxın işçim var. Mən, ailə üzvlərim və işçilərim hər biri cənab İlham Əliyevi dəstəkləyir. Prezident seçkilərində də ona səs verəcəyik. Mən bütün seçkilərdə ailə üzvlərimlə bərabər gedib cənab İlham Əliyevə səs veririk. Şübhəsiz ki, aprelin 11-də də belə olacaq".

Bir sıra iş adamlarının avtomobillərinin üzərinə prezidentliyə namizədləri dəstəkləyən şüarları vurması məsələsinə də toxunan İsfəndiyar Axundov qeyd edib ki, prezident İlham Əliyevin bu cür təbliğata ehtiyacı yoxdur:
"Onu Azərbaycan xalqının böyük əksəriyyəti dəstəkləyir. Tam əminik ki, qarşıdan gələn seçkilərdə də cənab İlham Əliyev növbəti dəfə prezident seçiləcək".

Zaur Əziz
Ölkə.Az