KORONAVİRUSA YOLUXANLARIN SAYI - CANLI STATİSTİKA

Mənsimov Rəsulzadənin adını qara siyahıda olan 21 illik köhnə gəmiyə verib — RƏZALƏT

Mənsimov Rəsulzadənin adını qara siyahıda olan 21 illik köhnə gəmiyə verib
11:08
19.06.2019
28522
Ölkə
A
“Palmali” şirkətinin müflisləşmiş rəhbəri Mübariz Mənsimov 1998-ci ildə istehsal olunmuş və hazırda 21 yaşı olan “ADRIATIC MARINER” adlı tanker gəmisinin adını “MAMMAD AMIN RASULZADEH” olaraq dəyişdirib.

Mənsimov bir müddət öncə Məmməd Əmin Rəsulzadənin şərəfinə yeni gəmi inşa etdiyini bəyan edərək, tezliklə gəminin dünya sularına salınacağını qeyd etmişdi.

Azərbaycan Xalq Cümhuriyyətinin qurucularından birinin adının bir gəmiyə verilməsini, əlbəttə, özlüyündə böyük nəzakət hesab etmək olardı. Lakin burada həm maraqlı, həm də qəribə bir məqam var. “Palmali” şirkətinin rəhbəri Mübariz Mənsimov ötən ay açıqlamasında “Yeni inşa edəcəyimiz gəmilərə Məmməd Əmin Rəsulzadə və Əbülfəz Elçibəyin adlarını verəcəyik” desə də, daha sonra 21 yaşlı və neft qaçaqmalçılığında istifadə edilən bir gəmisinin adını dəyişdirib Rəsulzadənin adını verməsi ilə özünü ifşa etdi. Həmin gəmi bir çox ölkələrin qara siyahısındadır və sabah o gəmi hansısa ölkə sularında saxlanıldıqda Mənsimov hay-həşir qoparacaq ki, gəmini adına görə saxlayıblar.

Mənsimov ictimaiyyət arasında nüfuza malik şəxsiyyətlərin, qəhrəmanların, dövlət xadimlərinin adından istifadə edərək öz “dahi” əməllərini həyata keçirir, bir daşla iki quş vurduğunu düşünür. Simasını büruzə verdikdən sonra dənizçilik sektorunda da əlindəki müştəriləri bir-bir itirən keçmiş biznesmen indi həm də siyasi xəyallar qurmağa başlayıb. Azərbaycan əsilli Vahid Ələkbərovun rəhbəri olduğu “Lukoil” şirkətinə qarşı dələduzluğunun üstü açıldıqdan və Mənsimov Ələkbərovun onu bu səhvlərinə görə bağışlamayacağını gördükdən sonra ümidini sosial şəbəkələrə bağlayır.

Heç kimə sirr deyil ki, “Palmali” şirkəti SOCAR və “Lukoil” şirkətlərinin sifarişləri və biznes tərəfdaşlığı hesabına böyüyüb nüfuzlu şirkətə çevrilmişdi. Biznes tərəfdaşlıqlarındakı dələduzluğuna görə, necə deyərlər, “yediyi qaba tüpürən” Mənsimov əldə etdiklərini də itirməyə məcbur qalır. Ardıcıl olaraq SOCAR və “Lukoil” şirkətləri “Palmali” ilə bütün biznes tərəfdaşlığına son qoyur. SOCAR borcları müqabilində “Suezmax” tipli gəmilərlə yanaşı, “Palmali” şirkətinin əlindəki yüksək tonnajlı gəmilərə əl qoyur. “Sberbank”ın krediti ilə alınan çay tankerləri və kiçik tonnajlı gəmilər “Palmali”də qalır.

Vurğulayaq ki, “Sberbank” “Palmali” şirkətinin nəzarətində qalan gəmilərin hamısına həbs qoyub. Mənsimov isə biznesinin çöküşündən sonra Azərbaycan xalqının və Türk dünyasının rəğbət bəslədiyi şəxslərin adından sui-istifadə edərək özünə çıxış yolu axtarır.

Azərbaycanın sabiq prezidenti Əbülfəz Elçibəyin adını gəmiyə verməsi Türkiyədəki millətçilərin, daha dəqiq ifadə etsək, “Ülkücü” kəsimin dəstəyini almaq üçün yeni oyunudur. O, bu vasitə ilə Azərbaycan siyasi elitasına təzyiq göstərəcəyinə ümid edir. Necə olur ki, 20 ildir Elçibəyi yadına salmayan Mənsimov birdən-birə onun adını hansısa gəmisinə vermək qərarına gəldi?

Digər tərəfdən, 2015-ci ildə Ukrayna parlamentində ciddi müzakirələrə səbəb olmuş, həmçinin, Ukrayna Prokurorluğu tərəfindən neft qaçaqmalçılığı etdiyi üçün cinayət işi açılan “ADRIATIC MARINER” gəmisinə Liberiya bayrağı çəkərək “MAMMAD AMIN RESULZADEH” adının verilməsi Azərbaycan xalqına lütf yox, xəyanət və məsuliyyətsizlikdir.

SOCAR Azərbaycanın dövlət şirkətidir və Mənsimovun oradan oğurladığı pullar Azərbaycan dövlətinindir, xalqınındır. İndi bu pulları geri ödəməmək üçün Mənsimov hər yola əl atır. Sosial şəbəkələrdə, yaxud muzdlu jurnalistlər vasitəsilə dövlət rəsmilərini təhdid edir, özünü Azərbaycan üçün canıyanan göstərərək, hadisələrdən məlumatsız şəxsləri səhv yönləndirərək, özünü haqlı göstərməyə çalışır. Borcları qarşılığında sabah məhkəmələrin verəcəyi qərarı siyasiləşdirmək üçün siyasi çıxışlar edir.

Uzağa getməyək. Bəs Mənsimov beş-on il öncə harada idi? İndi Mənsimova bir sual vermək istəyirik.

Həmin dövrdə - 2015-ci ildə Ukrayna parlamentinin deputatı Qeraşenko Anton Yurşoviç “Palmali” şirkətinə aid “ADRIATIC MARINER” adlı tankerin neft qaçaqmalçılığı etdiyi iddiası ilə çıxış etmişdi.

Onun həmin hadisə ilə bağlı cinayət işinin açılması üçün Ukrayna Təhlükəsizlik Xidmətinin (SBU) rəhbəri Valentin Nalyvaiçenko, Ukraynanın Baş prokuroru Viktor Şokin və Ukrayna parlamentarilərinə müraciəti var, bu gəmi Ukraynanın və bəzi ölkələrin qara siyahısındadır.

Mübariz Mənsimov adı qara siyahıya salınmış 21 illik köhnə gəminin boyasını yeniləyərək, üstəlik, Rəsulzadənin adını verərək, Məmməd Əmin Rəsulzadənin adını əbədiləşdirir, yoxsa onun ruhuna və Azərbaycan xalqının dəyərlərinə hörmətsizlik edir?

ŞƏRH YAZ
2

“Payızda toyunu edəcəkdik” — Şəhid Rəşad Mahmudovun SON ARZUSU

“Payızda toyunu edəcəkdik”
18:24
Bu gün
391
Ölkə
A
“Rəşad payızda toy etməyə hazırlaşırdı,amma nəsib olmadı”.

Bu sözləri “Ölkə.Az”a açıqlamasında dünən Tovuz rayonunun Ağdam kəndində düşmənə qarşı döyüşdə qəhrəmancasına şəhid olan baş leytenant Mahmudov Rəşad Rəşid oğlunun yaxın qohumu Mərdan Seyidbəyli deyib.

“Biz onu evləndirməyə tələsirdik. Amma o, hər dəfə əvvəl ev tikəcəyini, sonra  isə evlənəcəyini bildirirdi. Artıq evi tam hazır idi, evlənməyə hazırlaşırdı.  Sevdyi qız var idi, payızda həm nişanı, həm də toyu olacaqdı. Deyirdi ailəmi də yeni evə aparacam”, - deyə o, vurğulayıb.

Daha sonra M. Seyidibəyli Rəşadın digər qardaşının da faciəvi şəkildə həlak olduğunu qeyd edib:

“Rəşadgil iki qardaş idi. Beş-altı il bundan əvvəl Rəşadın qardaşı faciəvi şəkildə dünyasını dəyişib. Rəşad da Vətən uğrunda döyüşlərdə qəhrəmancasına şəhid oldu.  Rəşadın həlak olması valideynləri üçün çox ağır itki oldu”.

Mürtəza

Ölkə.Az

ŞƏRH YAZ
0

DTX: Rəhim Qazıyev saxlanılıb və barəsində cinayət işi başlanılıb

DTX: Rəhim Qazıyev saxlanılıb və barəsində cinayət işi başlanılıb
18:11
Bu gün
1071
Ölkə
A
Azərbaycan Respublikası Dövlət Təhlükəsizliyi Xidməti və Baş Prokurorluğun Mətbuat xidmətləri birgə açıqlama yayıb.

"Ölkə.Az"ın xəbərinə görə, açıqlamada deyilir:

Məlum olduğu kimi, 2020-ci il iyulun 12-də Ermənistanın silahlı qüvvələrinin bölmələri Azərbaycan-Ermənistan dövlət sərhədinin Tovuz rayonu istiqamətində atəşkəs rejimini kobud şəkildə pozaraq artilleriya qurğularından mövqelərimizi atəşə tutmuşlar. Görülən adekvat tədbirlər nəticəsində düşmənə ağır zərbə endirilib və o, ciddi itkilər verərək geri oturdulmuşdur. Düşmən təxribatlarının qarşısı alınarkən Azərbaycan Ordusunun şəhid olmuş hərbi qulluqçularının ailələrinə dərin hüznlə başsağlığı verir, yaralılara tez bir zamanda sağalmaları üçün şəfa diləyirik.

Cəbhədə baş vermiş döyüşlər zamanı xalqımızın hər zaman olduğu kimi nümayiş etdirdiyi milli həmrəylik və birliyindən, vətəndaş-dövlət vəhdətindən narahat olan düşmən dairələr və antimilli qüvvələrin respublikada ictimai-siyasi sabitliyi, əmin-amanlığı pozmağa, dövlətin, onun ordusunun və digər strukturlarının sistemli fəaliyyətinə zərbə vurmağa uğursuz cəhdləri müşahidə edilməkdədir. Bir qrup şəxs öz çirkin niyyətlərini yerinə yetirmək üçün dövlət sərhədində baş vermiş düşmən təxribatlarından sui-istifadə edərək Silahlı Qüvvələrimizi, Azərbaycan əsgərini, həmçinin hakimiyyət və hüquq mühafizə orqanlarını gözdən salmaq, onlara inamsızlıq yaratmaq, Azərbaycan Respublikasının müdafiə qabiliyyətinə xələl gətirmək məqsədilə sosial media səhifələrində əhali arasında çaşqınlıq, ölkədə qarışıqlıq yaratmağa yönələn məlumatlar yaymağa başlamış və dövlət əleyhinə açıq çağırışlar etmişlər.

2020-ci il iyulun 12 və 13-də sabiq müdafiə naziri Rəhim Qazıyevin Azərbaycan-Ermənistan sərhədində düşmənin təxrtibatları ilə bağlı döyüş əməliyyatlarının aparıldığı və bu barədə Azərbaycan Respublikası Müdafiə Nazirliyi tərəfindən ictimaiyyətə müntəzəm rəsmi məlumatlar verildiyi bir vaxtda, məqsədyönlü şəkildə sosial şəbəkələr vasitəsi ilə hadisələrin mahiyyəti barədə aşkar surətdə həqiqətə uyğun olmayan xəbərlər yayıb Azərbaycan Respublikasının müdafiə qabiliyyətini zəiflətməyə yönələn hərəkətlər edərək, insanları iğtişaşlara, dövlət hakimiyyətini zorla ələ keçirməyə açıq çağırışlar etməklə təxribat törətməsinə əsaslı şübhələr müəyyən olunmuşdur.

Rəhim Qazıyev Azərbaycan Respublikası Cinayət Məcəlləsinin 281-ci (Dövlət əleyhinə yönələn açıq çağırışlar) və 282-ci (Təxribat) maddələri ilə başlanılmış cinayət işi üzrə şübhəli şəxs qismində saxlanılmışdır.

Azərbaycan Respublikasının informasiya sahəsində milli maraqlarına, həmçinin "Dövlət sirri haqqında”, "Kütləvi informasiya vasitələri haqqında” Azərbaycan Respublikasının qanunlarının və digər qanunvericilik aktlarının tələblərini qəsdən pozaraq dövlət sirri təşkil edən, ölkəmizin müdafiə potensialına, Silahlı Qüvvələrimizin və ordumuzun döyüş qabiliyyətinə zərər vuran dəqiqləşdirilməmiş, qərəzli, ictimai rəyi çaşdırmaq məqsədi güdən məlumatların yayılması yolverilməzdir.

Eyni zamanda bir daha diqqətə çatdırılır ki, Azərbaycan Respubliksının milli mənafelərinin və təhlükəsizliyinin qorunmasında xalqın həmrəyliyi sarsılmazdır, düşmən həmlələrinə, antiazərbaycan qüvvələrə və onların maraqlarına xidmət edənlərin xaos, anarxiya və təxribat cəhdlərinin qarşısı qətiyyətlə alınmışdır və bundan sonra da qətiyyətlə alınacaqdır.

Hazırda Dövlət Təhlükəsizliyi Xidmətində başlanılmış cinayət işi üzrə istintaq-əməliyyat tədbirləri davam etdirilir.

ŞƏRH YAZ
1
BAĞLA