Mənsum İbrahimovun səsi batıb? — AÇIQLAMA

Mənsum İbrahimovun səsi batıb?
14:20
31.05.2018
6657
Mədəniyyət
A
Xalq artisti Mənsum İbrahimovun səsinin batması xəbəri yayılıb.

"Ölkə.Az"ın əldə etdiyi məlumata görə, Küveyt səfəri zamanı sənətkarın səhhətində problem yaranıb və o, səsini itirib. İddialara inansaq, həkimlərin müdaxiləsi nəticəsində xalq artisti allergiyadan xilas olsa da, hələlik səsi bərpa edilməyib.

Əməkdaşımız sözügedən məsələylə bağlı M.İbrahimovun özü ilə əlaqə saxlayıb. Sənətkar xəbəri qismən təsdiqləyib:

"Ciddi bir şey deyil, yaz fəsliylə əlaqədar allergiya olmuşdum. Keçib getdi, hər şey qaydasındadır".

Qeyd edək ki, M.İbrahimov Küveytdə Azərbaycan Xalq Cümhuriyyətinin 100 illik yubileyinə həsr olunmuş konsert proqramında çıxış üçün bu ölkəyə səfər etmişdi.

İntiqam VALEHOĞLU
Ölkə.Az

ŞƏRH YAZ
0

Baloğlan Əşrəfovdan Firəngiz Əlizadəyə cavab: "Canım mənim, qaşım mənim..."

Baloğlan Əşrəfovdan Firəngiz Əlizadəyə cavab:
12:32
13.03.2019
10298
Mədəniyyət
A
Əməkdar artist Baloğlan Əşrəfov xalq artisti, Azərbaycan Bəstəkarlar İttifaqının sədri Firəngiz Əlizadənin "toy müğənnisi efirə çıxmamalıdır” fikrinə cavab verib.

B.Əşrəfov "Ölkə.Az"a açıqlamasında deyib:

"Firəngiz Əlizadəyə böyük hörmətim var, Allah onun canını salamat eləsin. Azərbaycanın bütün köhnə müğənniləri, tanıdığımız bütün klassik ifaçılar toylarda püxtələşib, toylarda oxuyublar. Toy istəniən ailə üçün gözəl hadisədir. Nazir də evlənir, icra başçısı da. Bəs bunların toylarını kim çalmalı, kim oxumalıdır? Müğənnilər məclislərə gedib evlənənlərə xeyir-dua verirlər, musiqilərini ifa edirlər. Axmağın biri bir axmaq mahnı oxuyubsa, hər kəsə qadağa qoymaq, eyni fikri şamil etmək olmaz axı".

Baloğlan Əşrəfov bildirib ki, hətta "Şöhrət" ordenli ifaçılarla da eyni məclislərdə olub:

"Son zamanlar ekranlarımızda oxunan mahnıların çoxunda bədii zövq korlanıb. Əlbəttə, jarqon ifadələr, məntiqə uyğun olmayan sözlərlə dolu mahnılar toylara da sirayət edib. Toydan sonra həmin ifanı ekrana çıxarmaqla mən də razı deyiləm. Allaha and olsun, toyda "Sənsiz" romansını da, xalq mahnılarımızı da oxumuşam. Yəqin ki, Firəngiz xanım həmin müsahibədə bəzi müğənniləri nəzərdə tutub. Mirzə Babayevlə toyda olmuşam. Halbuki Mirzə Babayev Azərbaycnaın ən gözəl ifaçılarından biri idi. Xalq artistləri, "Şöhrət" ordenli ifaçıların hamısı mənim yanımda toylarda olublar. İndi biz onları nə edək? Vaxtilə Bədii Şura bir sözə görə uzun müzakirələr aparırdı ki, bu söz efirdə səslənə bilməz. İndi efirə çıxarılan bəzi mahnılardan iyrənirəm. Gözünə dönüm, sevirəm səni, ürəyim mənim, canım mənim, qaşım mənim...bu sözlər ekran üçün deyil də. Yəqin ki, Firəngiz xanım bu tip mahnıları və belə mahnıları oxuyan ifaçıları nəzərdə tutub".

Qeyd edək ki, F.Əlizadə ONA-ya müsahibəsində bildirib ki,  müğənni təkcə toyda oxuyursa,  efirə çıxmamalıdır:

"Amma xalq artisti, əməkdar artistdirsə, onu biz konsert salonlarında görürüksə, o zaman efirə çıxmalıdır.   Xalq qəbul edirsə, toylarda qulaq assın, ciblərinə pul bassın. O müğənnilər televiziya kanallarında meydan sulamamalıdırlar". 

İntiqam VALEHOĞLU
Ölkə.Az

ŞƏRH YAZ
1

Azərbaycan filmi Rumıniyada keçiriləcək beynəlxalq festivalda nümayiş olunacaq

Azərbaycan filmi Rumıniyada keçiriləcək beynəlxalq festivalda nümayiş olunacaq
00:48
13.03.2019
3976
Mədəniyyət
A
Müstəqil Dövlətlər Birliyi ölkələrindən olan ekran əsərlərinin çoxluq təşkil etdiyi “Aripi” (“Qanadlar”) film festivalı Buxarestdə Rumın Kənd muzeyində martın 12-də reallaşacaq.

"Ölkə.Az" bildirir ki, Mədəniyyət Nazirliyindən verilən məlumata görə, festivalda müxtəlif ölkələrin filmləri ilə yanaşı, İmam Həsənovun rejissor olduğu, Azərbaycan kəndinin gözəlliyi və çətinliyini əks etdirən “Müqəddəs inək” sənədli filmi də nümayiş olunacaq.

Qeyd edək ki, Azərbaycan, Almaniya və Rumıniyanın birgə istehsalı olan “Müqəddəs inək” filmi artıq Avropanın bir çox ölkələrində nümayiş olunub və tamaşaçıların rəğbətini qazanıb.

Ölkə.Az

ŞƏRH YAZ
0
BAĞLA