Mənzil bazarında QİYMƏTLƏR dəyişdi

Mənzil bazarında QİYMƏTLƏR dəyişdi
21:23
17.04.2017
154
İqtisadiyyat
A
Mart ayında təkrar mənzil bazarında qiymətlər dollarla ifadədə 0.49 faiz artıb, manatla ifadədə isə 5.88 faiz azalıb.

Ölkə.Az bildirir ki, bunu Trend-ə "MBA Group" konsaltinq şirkətinin baş direktoru, daşınmaz əmlak sahəsində ekspert Nüsrət İbrahimov deyib.

Onun sözlərinə görə, ötən ilin müvafiq dövrü ilə müqayisədə isə dollarla ifadədə qiymətlər 2.75 faiz azalıb, manatla ifadədə isə 9.17 faiz artıb.

İlkin mənzil bazarında qiymətlərə gəlincə isə N.İbrahimov bildirib ki, mart ayında dollarla ifadədə qiymətlərdə 3.91 faiz artım, manatla ifadədə isə 1.32 faiz artım qeydə alınıb. Onun sözlərinə görə, ilin əvvəli ilə müqayisədə dollarla ifadədə qiymətlər 5.67 faiz, manatla ifadədə isə 1.2 faiz artıb, ötən ilin müvafiq dövrü ilə müqayisədə isə qiymətlər dollarla ifadədə 11.88 faiz, manatla ifadədə isə 25.59 faiz artıb.

Ekspert bildirib ki, mart ayında mənzil bazarında aktivlik 2.3 faiz artıb. Onun sözlərinə görə, aktivliyin artması öz növbəsində növbəti aylarda qiymətlərin də artmasına səbəb ola bilər.

ŞƏRH YAZ
0

Serbiya prezidenti Azərbaycan iş adamlarına çağırış etdi

Serbiya prezidenti Azərbaycan iş adamlarına çağırış etdi
14:04
Bu gün
370
İqtisadiyyat
A
"Azərbaycanla Serbiya arasında iqtisadi əlaqələr qənaətbəxş deyil".

"Ölkə.Az" "APA-Economics"ə istinadən xəbər verir ki, bunu Serbiya prezidenti Aleksandr Vuçiç Azərbaycan-Serbiya işgüzar forumunda çıxışı zamanı bildirib.

A.Vuçiçin sözlərinə görə, iki ölkə arasında iqtisadi əlaqələr siyasi münasibətlər kimi daha yüksək səviyyədə olmalıdır.

"Bunu şərtləndirən bir çox amillər var. Dünən Azərbaycanla Serbiya arasında strateji əməkdaşlıqla bağlı bir neçə sahədə müqavilə imzalandı. Ümid edirəm bu, bizim ölkələr arasında qarşılıqlı münasibətlərin inkişafına töhfə verəcək",- deyə A.Vuçiç qeyd edib.

Son 3 il ərzində Serbiyanın büdcəsinin profisitlə icra olunduğunu vurğulayan prezident bu il ölkə vətəndaşlarının əmək haqlarının artırıldığını da qeyd edib.

Serbiya prezidenti Azərbaycan iş adamlarını ölkəsinə investisiya qoymağa çağırıb və ölkəsinə investisiya yatıran sərmayədarlara ayrıca güzəştlər ediləcəyini vurğulayıb.

"Serbiyada istənilən sahəyə investisiya yatıra bilərsiniz. İnvestisiyanın həcminə görə, investorlara 15-20% güzəşt ediləcək.  Azərbaycanlı iş adamlarını daşınmaz əmlak, otel biznesi və s. investisiya qoymağa çağırıram. Sərmayədarlara dövlət tərəfindən vergi güzəştləri ediləcək, subsidiyalar veriləcək",- deyə Serbiya prezidenti əlavə edib.

ŞƏRH YAZ
0

Bugünkü valyuta hərracının nəticəsi açıqlandı

Bugünkü valyuta hərracının nəticəsi açıqlandı
13:12
Bu gün
729
İqtisadiyyat
A
Bu gün Azərbaycan Mərkəzi Bankında (AMB) Dövlət Neft Fondunun da iştirakı ilə hərrac keçirilib.

AMB-dən "Ölkə.Az"a verilən məlumata görə, hərracda manatın ortaçəkili məzənnəsi 1,7000 səviyyəsində formalaşıb.

Qeyd edək ki, AMB bu gün üçün USD/AZN rəsmi məzənnəsini 1,7000 səviyyəsində müəyyən edib.

ŞƏRH YAZ
0
BAĞLA