"Mercedes" yeni sedan modelini təqdim etdi
Çinin Şanxay şəhərində keçirilən avtomobil sərgisində "Mercedes" şirkəti yeni modelini təqdim edib.
"Ölkə.Az" xəbər verir ki, şirkətin yeni "A"-Class" modeli almanların dizayn və üslubunu bir daha gözlər önünə sərir.
Avtomobilin dizaynı idman üslubundadır. Amma bununla belə, klassikanın da çalarları nəzərə çarpmaqdadır. Bu isə müxtəlif zövqlərə malik alıcılar üçün əla model sayılacaq.
Şirkətin rəsmiləri "A-Class" modelinin texniki göstəriciləri barədə heç bir məlumat vermirlər. Amma nəzərə almaq lazımdır ki, "CLA-Class" modeli 2 litr həcmli turbo mühərriklə təchiz edilib. Çox güman ki, yeni "A-Class" da seriya istehsalına belə bir mühərriklə başlasın.
Yeni sedanın konsept yox, seriya nümunəsi gələn il baş tutacaq.
Hikmət
Ölkə.Az
