Merilənd prospektinin "Arsax" adlandırılmasına etiraz — Petisiya başladı

Merilənd prospektinin
11:22
12.10.2018
1366
Siyasət
A
Dünyanın müxtəlif ölkələrində yaşayan soydaşlarımız və diaspor təşkilatları ABŞ-ın Kaliforniya Ştatının Qlendeyl şəhərindəki Merilend prospektinin adının dəyişdirilərək “Arsax” adlandırılmasına etiraz edirlər.

Diasporla İş üzrə Dövlət Komitəsindən "Ölkə.Az"a verilən məlumata görə, bununla bağlı, artıq diaspor təşkilatlarının etiraz məktubları yayılmaqdadır. Etirazlarda bildirilir ki, Qarabağ Azərbaycanın əbədi və əzəli torpağıdır. Azərbaycanın ərazi bütövlüyünün təmin edilməsi, Ermənistanın işğalçılıq siyasətinə son qoymasına çağırışla bağlı, BMT başda olmaqla, müxtəlif beynəlxalq təşkilatların dəfələrlə qətnamə, bəyanat və s. qəbul etməsinə baxmayaraq, Kaliforniya ştatında belə bir addımın atılması ciddi təəssüf doğurur. 

Özünü demokratiyanın beşiyi adlandıran, BMT Təhlükəsizlik Şurasının üzvü olaraq Azərbaycan torpaqlarının işğaldan azad edilməsinə dair 822, 853, 874, 884 saylı qətnamələrin lehinə səs verən, ATƏT-in Minsk qrupunun həmsədri də olan bir ölkədə prospektin Arsax adlandırılması, ikili standartların nümunəsidir və Ermənistanın işğalçılıq siyasətinə dəstək cəhdidir.

Bu haqsızlığın bərpası, işğalçıya dəstək cəhdinin qarşısının alınması məqsədilə müvafiq etiraz kampaniyasına başlanılıb və bununla bağlı petisiya hazırlanıb. "Bütün soydaşlarımızın etiraz aksiyasına qoşulması, aşağıda göstərilən linkə daxil olaraq, petisiyaya imza atması və Ermənistanın işğalçılıq siyasətinə dəstək cəhdinin qarşısının alınmasında iştirakı zəruridir", - Dövlət Komitəsindən bildirilib.

ŞƏRH YAZ
0

Sergey Lavrov erməni həmkarı ilə Dağlıq Qarabağdan danışdı

Sergey Lavrov erməni həmkarı ilə Dağlıq Qarabağdan danışdı
18:24
Bu gün
2636
Siyasət
A
Almaniyanın Münhen şəhərində təhlükəsizlik üzrə konfrans keçirilir.

“Ölkə.Az” xəbər verir ki, Rusiyanın XİN rəhbəri Sergey Lavrov konfrans çərçivəsində Ermənistanın xarici işlər naziri Zöhrab Mnatsakanyanla görüşüb.

Rusiyanın xarici işlər nazirliyinin yaydığı məlumata əsasən, nazirlərin görüşündə Dağlıq Qarabağ münaqişəsinin həllindən danışıblar.

Görüş zamanı Lavrov Mnatsakanyanla münaqişənin həllinə dair fikir mübadiləsi aparıb. Tərəflərin  görüşündə ATƏT-in Minsk Qrupu həmsədrlərinin səylərinin artırılmasının vacibliyi vurğulanıb. 

Hikmət Həsənov
Ölkə.Az

ŞƏRH YAZ
0

Ziyafət Əsgərovdan çeçenlərlə bağlı — AÇIQLAMA

Ziyafət Əsgərovdan çeçenlərlə bağlı
18:11
Bu gün
2342
Siyasət
A
Milli Məclis Sədrinin birinci müavini, Parlamentin Müdafiə, təhlükəsizlik və korrupsiya ilə mübarizə komitəsinin sədri Ziyafət Əsgərov fevralın 15-də Moskvadakı “Neolit” kafesində azərbaycanlılar və çeçenlər arasında baş vermiş insidentlə bağlı məsələyə münasibət bildirib.

"Ölkə.Az" xəbər verir ki, Ziyafət Əsgərov Demokrat.az-a açıqlamasında deyib ki, yaranmış vəziyyət təxribat xarakteri daşıyır:

"Ümumiyyətlə, Azərbaycan xalqı ilə Şimali Qafqaz xalqları, o cümlədən çeçenlər arasında hər zaman mehriban dostluq və qardaşlıq münasibətləri olub. Azərbaycan və çeçen xalqları hər zaman dost olublar. Çox təəssüf ki, Rusiyadan bunu qızışdıran qüvvələr var. Ancaq çox istərdim ki, Moskvada yaşayan azərbaycanlılar və çeçenlər bu cür təxribatlara getməsinlər. Bu dostluq və qardaşlıq münasibətlərini hər zaman davam etdirsinlər. Bilirsiniz ki, cənab Prezident İlham Əliyevin həm Rusiya Federasiyasının Prezidenti Vladimir Putinlə, həm də Çeçenistan Respublikasının başçısı Ramzan Kadırovla dostluq və qardaşlıq münasibətləri var. Xalqlarımıza çağırışım da odur ki, həmin insanlar ölkə başçılarından nümunə götürsünlər və bu cür təxribatlara getməsinlər". 

Birinci vitse-spiker qeyd edib ki, bu cür təxribatları yaradan insanlar əgər hesab edirsə ki, bununla Azərbaycan və çeçen xalqları arasında hər hansı narazılıq yarada biləcəklər, o zaman onlar çox yanılırlar:

"Çünki bu dostluq və qardaşlıq əsirlərin sınağından çıxıb. Hesab edirəm ki, bu cür təxribatlar Azərbaycan və Çeçenistan arasında mövcud olan dostluq və qardaşlığa heç bir xələl gətirə bilməz. Mən bir daha Rusiyada yaşayan Azərbaycandan olan soydaşlarımıza və çeçen dostlarımıza müraciət edirəm ki, bu cür təxribatlara getməsinlər.  

ŞƏRH YAZ
0
BAĞLA