Mərkəzi Bank: FED-in qərarı dolayısı ilə bizə təsir edə bilər

Mərkəzi Bank: FED-in qərarı dolayısı ilə bizə təsir edə bilər
10:38
16.03.2017
10
İqtisadiyyat
A
ABŞ-ın Federal Ehtiyat Sisteminin (FED) ötən gün başa çatan ikigünlük iclasında uçot dərəcəsini artıraraq 1%-ə çatdırması ilə bağlı qərarı Azərbaycan Mərkəzi Bankının (AMB) monetar siyasətinə birbaşa təsir etməyəcək.

"Ölkə.Az" "APA-Economics"ə istinadən xəbər verir ki, bu barədə "Fitch" beynəlxalq reytinq agentliyinin bu gün Bakıda keçirilən VI illik konfransında AMB-nin Tədqiqat və inkişaf mərkəzinin maliyyə sektoru və bazarlarının təhlili üzrə şöbəsinin müdiri Leyla Yusifzadə deyib.
 
"Ola bilər ki, FED-in qərarının dolayısı ilə bizə təsirləri olsun. Amma bu təzyiqlər psixoloji təzyiqlər şəklində olacaq. Əgər neftin qiyməti nəzərəçarpacaq dərəcədə dəyişəcəyi halda monetar siyasət dəyişə bilər. Neft qiymətlərinin cüzi dəyişməsi fiskal siyasətə və eyni zamanda Dövlət Neft Fondunun xərclərinə təsir etməyəcək. Amma mən düşünmürəm ki, FED-in dünənki qərarının təsiri olmayacaq", - deyə o bildirib.

ŞƏRH YAZ
0

Sergey Lavrov Azərbaycanla Rusiya arasındakı ticarət əlaqələrindən danışıb

Sergey Lavrov Azərbaycanla Rusiya arasındakı ticarət əlaqələrindən danışıb
23:50
19.11.2017
73
İqtisadiyyat
A
“Cari ilin ilk 9 ayında iki ölkə arasında ticarət dövriyyəsi ən azı 60 faizdən çox artıb".

Ölkə.Az-ın APA-ya istinadən məlumatına görə, bunu Rusiyanın xarici işlər naziri Sergey Lavrov Azərbaycan prezidenti İlham Əliyev ilə görüşdə bildirib.

Nazir deyib ki, bu, ticarət dövriyyəsinin azalması tendensiyasının qarşısını almaq və investisiya qoyuluşu sahəsində tempi artırmaq istiqamətində çox ciddi addımdır: "Bu il Stavropolda uğurla keçirilmiş Regionlararası Forumu qeyd etməliyəm. Bakıda parlamentlərarası komissiyanın iclası keçirilib. Biz diplomatik münasibətlərin 25 illiyi ilə əlaqədar həmkarımla qarşılıqlı səfərlər etmişik. Moskvada arxiv sənədlərinin sərgisi keçirilib. Sabah bu tarixə həsr edilmiş əlavə tədbir keçirəcəyik. “ADA” Universitetinə çıxış etmək dəvətinə görə təşəkkürümü bildirmək istəyirəm”.
 
Sergey Lavrov həmçinin qeyd edib ki, Rusiya ATƏT-in Minsk qrupunun həmsədrlər üçlüyünün üzvü kimi düyünün açılmasına hərtərəfli kömək göstərməkdə və Dağlıq Qarabağ münaqişəsinin həlli istiqamətində irəliləyişi təmin etməkdə maraqlıdır.
 
“Burada biz sizinlə tamamilə razıyıq ki, bu istiqamətdə fəal səylər göstərmək lazımdır”, deyə nazir vurğulayıb.

ŞƏRH YAZ
0

Bitkoinin qiyməti yeni rekord qırdı

Bitkoinin qiyməti yeni rekord qırdı
15:04
19.11.2017
367
İqtisadiyyat
A
Son hərraclar zamanı bitkoin kriptovalyutasının qiyməti 8004.59 dollara çatıb.

Ölkə.Az technote.az-a istinadən xəbər verir ki, bu göstərici isə bir gün əvvəlki hərraclarda olan göstəricidən 10.4% çoxdur.

Kriptovalyuta 8 noyabrda 7882 dollarlıq göstəriciyə çatmış, lakin sonra 30% aşağı düşərək 5605 dollara qədər ucuzlaşmışdı. Mütəxəssislər həmin hadisəni “Bitcoin Cash”in məşhurlaşması ilə əlaqələndirirdilər. “Coinmarketcap” birjasının məlumatına əsasən hazırda “Bitcoin Cash”in qiyməti 1015.47 dollar civarındadır.

Qeyd eddək ki, bu ilin əvvəlindən bütün kriptovalyutaların bazar kapitalizasiyası 17.7 milyard dollardan 228.14 milyard dollara yüksəlib. İlin əvvəlindən başlayaraq bitkoinin qiyməti isə 800% artıb.

ŞƏRH YAZ
0
BAĞLA