Mərkəzi Bank: Nağdsız əməliyyatların həcmi 5,7 dəfə artıb

Mərkəzi Bank: Nağdsız əməliyyatların həcmi 5,7 dəfə artıb
19:02
09.10.2018
601
İqtisadiyyat
A
"Ölkədə dövriyyədə olan nağd pulun çəkisini müəyyən etmək üçün aparılan qiymətləndirmələr göstərir ki, 2016-cı il üzrə 180 milyard ümumi dövriyyənin 152 milyard manatını biznesin ümumi gəlirləri təşkil edib. Sahə üzrə araşdırmaların nəticələri bu gəlirlərin 109 milyard manatının (72 faiz) nağd gəlirlərdən ibarət olduğunu üzə çıxarıb".

"Ölkə.Az" xəbər verir ki, bunu Mərkəzi Bank sədrinin birinci müavini Alim Quliyev "Azərbaycan" qəzetinə "2018-2020-ci illərdə Azərbaycan Respublikasında rəqəmsal ödənişlərin genişləndirilməsi üzrə Dövlət Proqramı” ilə bağlı verdiyi müsahibədə deyib. 

Mərkəzi Bank sədrinin birinci müavini bildirib ki, biznes subyektləri arasında nağd pulun çəkisinin azaldılması üçün ilk növbədə biznesin nağd puldan istifadə motivləri aradan qaldırılmalı, institusional mühitin nağdsız ödənişlərin inkişafına əlverişliyi təmin olunmalı, ədalətli rəqabətə əsaslanan bazar strukturu formalaşmalı, vergi sisteminin effektivliyi artırılmalı, vergidən yayınmağa imkan verən hallar aradan qaldırılmalıdır.

"Bu baxımdan dövlət proqramının əsas istiqaməti rəqəmsal ödənişlərin institusional mühitinin daha da yaxşılaşdırılmasıdır. Bu istiqamət çərçivəsində əlverişli biznes mühitinin inkişaf etdirilməsi, səmərəli vergi sisteminin təşviq olunması, sosial sığorta ayırmalarının diferensiallaşdırılması və təkmilləşdirilməsi prioritetləri nəzərdə tutulur. Əlverişli biznes mühitinin daha da inkişaf etdirilməsi məqsədilə rəqabət mühitinin gücləndirilməsi, kiçik və orta müəssisələrin rəqabət qabiliyyətinin artırılması, vergitutma mexanizminin sadələşdirilməsi, sadələşdirilmiş vergi sisteminin tədricən ƏDV sistemi ilə əvəzləşdirilməsi və ƏDV dərəcəsinin diferensiallaşdırılması, vergi auditinin və hesabatlılığının effektivliyinin artırılması, əməkhaqlarının rəsmiləşdirilməsinə işəgötürənlərin və işçilərin həvəsləndirilməsi kimi mühüm tədbirlər həyata keçiriləcək".

A.Quliyev qeyd edib ki, elektron ticarətlə aparılan ödənişlərin həcminin aşağı səviyyədə olmasının əsas səbəbləri sırasına ölkəmizdə elektron ticarət platformalarının məhdudluğu, stimullaşdırıcı tədbirlərin lazımi səviyyədə təşkil edilməməsi, əhalinin nağd pulla ödəniş vərdişi, regionların, xüsusilə kənd yerlərinin müasir rabitə infrastrukturu ilə tam əhatə olunmaması kimi amillər daxildir.

"Lakin qeyd edilməlidir ki, son vaxtlar nağdsız ödənişlərin həcminin artırılması istiqamətində bir sıra əhəmiyyətli işlər görülüb. Nəticədə ölkədaxili elektron ticarət vasitəsilə aparılan əməliyyatların həcmi son üç il ərzində 5,7 dəfə, ödəniş kartları ilə aparılan nağdsız ödənişlərin həcmi isə 2,8 dəfə artıb. Dövlət Proqramının icrası bu sahədə əsaslı dönüşə gətirib çıxaracaq".

ŞƏRH YAZ
0

Azərbaycan nefti ucuzlaşır

Azərbaycan nefti ucuzlaşır
00:41
Bu gün
65
İqtisadiyyat
A
CIF bazisi üzrə İtaliyanın Augusta limanı şərtləri ilə Azərbaycanın yüngül neftinin qiyməti mayın 20-də 75,53 dollar/barel təşkil edib ki, bu da əvvəlki göstəricidən 0,44 dollar/barel azdır.

"Ölkə.Az" bildirir ki, FOB bazisi üzrə Türkiyənin Ceyhan limanında Azərbaycanın yüngül neftinin qiyməti 74,7 dollar/barel təşkil edib ki, bu da əvvəlki göstəricidən 0,44 dollar/barel azdır.

Novorossiysk limanından yüklənən URALS neftinin qiyməti isə 72,05 dollar/barel təşkil edib ki, bu, əvvəlki göstəricidən 0,31 dollar/barel azdır.

Şimal dənizindən hasil edilən "Brent Dated" etalon növlü neftin qiyməti 73,2 dollar/barel olub, bu da əvvəlki göstəricidən 0,62 dollar/barel azdır.

Ölkə.Az

ŞƏRH YAZ
0

Qətər və Çin Xəzərdə külək elektrik stansiyasının tikintisi ilə bağlı layihədə maraqlıdırlar

Qətər və Çin Xəzərdə külək elektrik stansiyasının tikintisi ilə bağlı layihədə maraqlıdırlar
22:56
21.05.2019
177
İqtisadiyyat
A
Qətər və Çin şirkətləri Xəzərin Azərbaycan sektorunda külək elektrik stansiyasının tikintisi ilə bağlı layihədə iştirak etməkdə maraqlıdırlar.

"Ölkə.Az" bildirir ki, bunu trend-ə Alternativ və Bərpa Olunan Enerji Mənbələri üzrə Dövlət Agentliyi nəzdində “Azəralternativenerji” MMC-nin sədri Aqşin Bəkirzadə deyib.

A.Bəkirzadənin sözlərinə görə, layihənin maliyyələşdirilməsi ilə bağlı xarici investorlarla danışıqlar davam edir, hansı şirkətlə saziş bağlanacağı hələlik məlum deyil.

Qeyd edək ki, sənaye tipli stansiya dənizdə Pirallahı qəsəbəsindən Çilov adasınadək uzanacaq. Layihə ilə əlaqədar müvafiq texniki-iqtisadi sənədləşdirmə aparılıb. Stansiyanın gücünün 200 meqavatt təşkil edəcəyi bildirilir.

MMC-nin sədri həmçinin deyib ki, hazırda “Azəralternativenerji” mövcud stansiyaların gücünü artırmaq niyyətindədir:

“Azərbaycanda alternativ enerji sahəsində potensial çox böyükdür. Hesab edirəm ki, həm günəş, həm də külək stansiyalarının qurulması böyük əhəmiyyət kəsb edir. Gələcəkdə bu sahədə görülən işlər öz müsbət nəticələrini göstərəcək".

Qeyd edək ki, hazırda mövcud stansiyaların ümumi layihə gücü 18 min 770 kilovatt/saatdır. Onları 10 min kilovatt/saatdan çoxu qoşulub.

Ölkə.Az

ŞƏRH YAZ
0
BAĞLA