KORONAVİRUSA YOLUXANLARIN SAYI - CANLI STATİSTİKA

Mərkəzi Bankın sədri karonavirusun iqtisadiyyata təsirindən DANIŞDI

Mərkəzi Bankın sədri karonavirusun iqtisadiyyata təsirindən DANIŞDI
23:51
15.03.2020
1419
İqtisadiyyat
A
“Dünyanın iki nəhəng iqtisadi qüvvəsi - ABŞ-la Çin arasındakı ticarət savaşı təbii ki, qlobal ticarətə da təsir göstərməyə başladı”.

"Ölkə.Az" xəbər verir ki, bunu REAL TV-yə müsahibəsində Azərbaycan Mərkəzi Bankının (AMB) sədri Elman Rüstəmov deyib.

E.Rüstəmov bildirib ki, neftin qiymətinin ucuzlaşması  qlobal iqtisadiyyata təsirsiz ötüşməyib “Brexit”, bütövlükdə Avropa iqtisadiyyatında baş verən proseslər və onun qlobal iqtisadiyyata təsirini çox ciddi qiymətləndirmək lazımdır. “Brexit” prosesinin başlanması və sonu təbii ki, de-fakto olaraq başlanğıcını ordan götürür. Qlobal iqtisadi artım, qlobal ticarət və bizim üçün ən önəmli olan neftin qiyməti - bunlar çox sıx asılıdır.

Xatırlasaq görərik ki, bütövlükdə 2018-2019-cu illərdə Beynəlxalq Valyuta Fondu (IMF) qlobal artım proqnozunu düz 5 dəfə təsis edib. Hamısı da aşağı salınmaya doğru. 2019-cu ildə əldə edilən qlobal iqtisadi artım 2008-ci ilin əvvəlində, yəni böhrandan qabaqkı dövrə aid olan artım səviyyəsinə gəlib düşüb. Yəni ən aşağı səviyyədə idi”.

R.Rüstəmov  qeyd edib ki, bu ilin əvvəllərindən qlobal iqtisadiyyatda baş verən proseslər koronavirusla əlaqədar idi: "Bəlkə Çin iqtisadiyyatının rolu tam qiymətləndirilmir. Yadınızdadırsa, İngiltərə bir zamanlar “dünya emalatxanası” adlandırılırdı. Bu gün Çin haqqında da belə deyirlər, amma məncə bu daha geniş məfhumdur".

Ölkə.Az

ŞƏRH YAZ
0

Azərbaycanda yeni İnkişaf Strategiyasının hazırlanması təklif edilir

Azərbaycanda yeni İnkişaf Strategiyasının hazırlanması təklif edilir
22:12
28.03.2020
1140
İqtisadiyyat
A
Ailə, Qadın və Uşaq Problemləri üzrə Dövlət Komitəsi bu il sosial və humanitar sahələrdə öz fəaliyyətini yeni layihələrlə və təşəbbüslərlə gücləndirəcək.

"Ölkə.Az" xəbər verir ki, bu barədə “Report”a Dövlət Komitəsinin İnformasiya və analitik araşdırmalar şöbəsinin müdiri Elgün Səfərov deyib.

Onun sözlərinə görə, dünyada baş verən iqtisadi, sosial və insanların sağlamlığına zərər vuran problemlər nəzərə alınaraq, Azərbaycan xalqının birgə stabilliyinin qorunması istiqamətində yeni İnkişaf Strategiyasının hazırlanması vacibdir:

"Bunu nəzərə alaraq, xüsusilə də həssas kateqoriyadan olan ailələrə (aztəminatlı, şəhid, əliliyi olan), təkbaşına uşaqları böyüdən qadınlara və kişilərə və s. sosial həssas qrupa aid olan insanlara dəstək mexanizmi təkmilləşdirilməlidir. Ölkənin Ailə Strategiyasının, Qadın hüquqları və Gender bərabərliyi üzrə Milli Fəaliyyət Planının və Uşaq hüquqlarının müdafiəsi üzrə Strategiyalarının qəbul edilməsi vacibdir. Bu məsələnin prioritetliyi iqtisadi inkişafla bərabər şəkildə baxılmalıdır".

E.Səfərov bildirib ki, yeni çağırışlara, yeni problemlərə yeni yanaşma olmalıdır və yeni mexanizmlər tədbiq edilməlidir:

"Bizim vəzifəmiz vətəndaşın yanında olmaqdır, problemlərini dinləməkdir, həlli istiqamətində əlimizdən gələni etməkdir. Biz də bu fəaliyyətimizi davam etdirəcəyik. Bu günlərdə ən həssas kateqoriya ilə iş aparılır. Gəlin bir yerdə dövlətimizə dəstək olaq, sosial izolyasiya qaydalarına riayət edək".

Ölkə.Az

ŞƏRH YAZ
0

Millət vəkilindən yanacağın qiyməti ilə bağlı — AÇIQLAMA

Millət vəkilindən yanacağın qiyməti ilə bağlı
21:28
28.03.2020
1879
İqtisadiyyat
A
"Koronavirus infeksiyasının yayıldığı bu günlərdə bəzi ekspertlər təbii qazın, benzinin qiymətlərinin aşağı salınmasını təklif edir. Lakin əksər ekspertlər hesab edir ki, havaların isinməsi ilə qaz sərfiyyatı azalır və tarifin aşağı salınması əhalinin büdcəsinə böyük təsir göstərməyəcək".

"Ölkə.Az" report-a istinadən xəbər verir ki, bunu millət vəkili Aydın Hüseyov bildirib.

O deyib ki, xüsusi karantin rejimi dövründə bəzi işlərin evdən görüldüyü, əksər insanların evdə olduğu nəzərə alınsa, ölkədə benzin sərfiyyatının da kəskin azaldığı müşahidə olunar. Benzinin tarifində də hər hansı endirim tətbiq olunması əhalinin xərclərinə təsir etməyəcək. Yəni koronavirus infeksiyasının yayıldığı bir vaxtda bu məsələlərin iqtisadi əsası yoxdur.

Deputat qeyd edib ki, indiki halda yanacağın və digər enerji daşıyıcılarının qiymətləri və bu kimi əsaslandırılmayan çıxışlar sadəcə olaraq populist xarakter daşıyır: “İndiki halda bəzi ekspertlər populist fikirlər səsləndirir. Bu kimi çıxışların əksəriyyətinin iqtisadi əsaslandırılması yoxdur. Bu gün Prezident İlham Əliyevin rəhbərliyi ilə fundamental qabaqlayıcı tədbirlər həyata keçirilir. Hökumət tərəfindən də bu addımlar ardıcıl şəkildə həyata keçirilir. Görülən işləri və tədbirləri çox qənaətbəxş hesab edirəm”.

Onun sözlərinə görə, artıq Prezident İlham Əliyevin rəhbərliyi və birbaşa tapşırığı ilə ölkə iqtisadiyyatını təhdid edəcək amillərin qarşısının alınması üçün kompleks tədbirlər planı həyata keçirilir: “Eyni zamanda, dövlət başçısının tapşırığı ilə Koronavirusla Mürarizəyə Dəstək Fondu yaradılıb”.

Millət vəkili deyir ki, bütün bu addımların hamısı onu göstərir ki, ölkədə iqtisadiyyatın tənzimlənməsi istiqamətində fundamental işlər görülür: “Sahibkarlara hansı zərərlərin dəyə biləcəyi və onların kompensasiya edilməsi ilə bağlı qabaqlayıcı addımlar həyata keçirilir. Bütövlükdə iqtisadiyyata təsir edə biləcək bütün amillər elmi şəkildə bütün sahələr üzrə araşdırılıb, hesablanıb. Bu gün bütün bu tədbirlər həyata keçirilir”.

O bir daha qeyd edib ki, dövlət büdcəsindən Prezident İlham Əliyevin tapşırığı ilə dövlət büdcəsindən 1 milyard manat vəsait ayrılıb: "Hesab edirəm ki, ölkə başçısının rəhbərliyi ilə dövlət tərəfindən görülən işlər yüksək səviyyədədir. Hesab edirəm ki, bu gün əsaslandırılmayan populist fikirlər yox, “Evdə qal” fikirini əməl etmək və aşılamaq daha yerinə düşər”.

ŞƏRH YAZ
0
BAĞLA