KORONAVİRUSA YOLUXANLARIN SAYI - CANLI STATİSTİKA

Mərmi altında keçən ömür — VİDEO

Mərmi altında keçən ömür
01:45
26.03.2020
2263
Ölkə
A
Ağdamın Orta Qərvənd kəndi düşmən mövqelərinə yaxın yaşayış məntəqələrindən biridir.

Bu cəbhə kəndində qeydə alınmış hər bir kadr müharibənin izlərini daşıyır. Elə bir ev olmaz ki, düşmən atəşinin yetirdiyi zərər görünməsin. Dəlik-deşik olan həyət qapılarına kəndin istənilən evində rast gəlmək mümkündür.

Kənd sakini Şakir Heydərov Baku.Tv-yə bildirib ki, həmkəndliləri burada çox çətin şəraitdə yaşayırlar: “Hər şey o qədər adiləşib ki, artıq hec kim atəşkəsin pozulmasından qorxmur. İstər uşaqlar, istərsə də yaşlılar həyatlarının təhlükə qarşısında olduğunun fərqində belə deyillər”. 

Cəbhə kəndində yaşayanlar uzun illərdir ki, axşama doğru ermənilərin fəallaşacağını bilirlər. Hava qaralmadan hər kəs mal-qarasını otlaqdan gətirir, uşaqlar evə toplanır.

Vəziyyət nə qədər çətin və təhlükəli olsa da, sakinlər ön xətdə vətənin keşiyində mübariz dayanan Azərbaycan ordusuna güvənirlər.

ŞƏRH YAZ
0

Koronavirusla bağlı 8 mindən çox test aparılıb

Koronavirusla bağlı 8 mindən çox test aparılıb
19:31
Bu gün
1282
Ölkə
A
Son sutka ərzində yeni yoluxma hallarının müəyyənləşdirilməsi ilə əlaqədar 8 015 test aparılıb.

"Ölkə.Az" xəbər verir ki, bu barədə Nazirlər Kabineti yanında Operativ Qərargah məlumat yayıb.

Bununla da ölkədə koronavirusla bağlı aparılan testlərin sayı 576 249-a çatıb.

ŞƏRH YAZ
0

Bərdədə saxta alkoqollu içkilər istehsal edən müəssisə aşkarlandı

Bərdədə saxta alkoqollu içkilər istehsal edən müəssisə aşkarlandı
19:17
Bu gün
1163
Ölkə
A
Azərbaycan Qida Təhlükəsizliyi Agentliyinin (AQTA) əməkdaşları İqtisadiyyat Nazirliyi yanında Dövlət Vergi xidmətinin nümayəndələri ilə birgə Bərdə rayonu, Cəlil Məmmədquluzadə küçəsi, 80 ünvanında yaşayan Həsənov Tapdıq Qarakişi oğluna məxsus həyətyanı sahədə reyd keçirib.

AQTA-dan verilən məlumata görə, reyd zamanı həyətyanı sahədə qida təhlükəsizliyi sahəsində texniki-normativ hüquqi aktların tələblərinə əməl edilmədiyi, istehlakçıların hüquqlarının kobud şəkildə pozulduğu və müxtəlif əmtəə nişanlı şüşə butulkaların yuyulub təmizlənərək gizli qaydada qanunsuz şəkildə saxta üsulla müxtəlif brend markalı “Banketnaya”, “Belıy Volk”, “Şanbala”, “Mamedoff”, “Qu quşu”, “White Water”, ”Disaronno”, ”Xortitsya”, “Xəzri”, “Oryol”, “Nemiroff”, “Nemiroff Delikat”, “Badikubə”, “Kazyonka”, “Maiden tower”, “Az Granata”, “Glacier Melt”, “Napoleon”, “Rada”, “Cristal”, “Berkut Vodka”, “Akula”, “Medallion”, “Grand vodka”, “Zolotoye Koltso”, “Qubernator bağı”, “Stumbars”, “Yakor” və s. əmtəə nişanlı yerli, habelə xarici ölkə istehsalı olan alkoqollu içkilər hazırlanaraq, satışının həyata keçirildiyi aşkar olunub.

Reyd zamanı ümumi sayı 68 ədəd aksiz markalı, üç ədəd aksiz markasız müxtəlif həcmli saxta alkoqollu içkilər, 24 ədəd xammal kimi istifadə olunan hər biri bir litr həcmində olan 95%-li tibbi spirt, 88 ədəd saxta aksiz marka, 17 ədəd saxta “Mamedoff” etiketləri və müxtəlif brend markalı içkilərə məxsus 308 ədəd boş alkoqollu içki butulkası və 378 ədəd qapaq, habelə saxta alkoqollu içkilərin hazırlanmasında su ilə spirtin qarışdırılmasında istifadə edilən plastik çəllək aşkarlanaraq, müsadirə edilib.

İçkilərdən nümunələr götürülərək Azərbaycan Qida Təhlükəsizliyi İnstitutunun müvafiq laboratoriyalarına təqdim olunub. Faktla bağlı araşdırmalar davam etdirilir. Eyni zamanda, qanunsuz istehsal olunan alkoqollu içkilərin satış şəbəkələrinin müəyyən edilməsi istiqamətində zəruri tədbirlər həyata keçirilməkdədir.

AQTA əhalinin sağlamlığının qorunması və təhlükəsiz qida məhsulları ilə təmin edilməsi istiqamətində ardıcıl tədbirlərini bundan sonra da davam etdirəcək və istehlakçı hüquqlarının pozulmasına yönəlmiş qanunsuz halların qarşısı qətiyyətlə alınacaq.

ŞƏRH YAZ
0
BAĞLA