Məşhur aktyor Bakıda məktəb direktorunu döydü — Xəstəxanadan FOTOLAR

Məşhur aktyor Bakıda məktəb direktorunu döydü
22:56
20.11.2018
12701
Hadisə
A
Bakıda məktəb direktoruna xəsarət yetirilib.

"Ölkə.Az" Təhsil Nazirliyinə istinadən xəbər verir ki, 175 saylı orta məktəbin direktoru Tural Mirzəliyev hücuma məruz qalıb.

Hadisə zamanı o, ciddi xəsarət alıb. T.Mirzəliyev xəstəxanaya yerləşdirilib. 

Bildirilir ki, məsələ Təhsil Nazirliyi rəhbərliyinin diqqət mərkəzindədir.

Gənc müəllim Həbib Əlizadə sosial şəbəkədə direktoru döyən şəxsin kimliyini açıqlayıb. O bildirib ki, T. Mirzəyevə xəsarət yetirən şəxs “Dolu” filminin məşhur aktyoru, “Drakon” obrazını canlandıran Rza Rzayevdir. Onun sözlərinə görə, hadisə Nizami Rayon Məhkəməsinin qarşısında baş verib. Bu barədə gənc müəllim Həbib Əlizadə sosial şəbəkədə məlumat verib.

Qeyd edib ki, bu gün məhkəmə iclasından sonra tərəflər arasında yenidən mübahisə düşüb. R. Rzayev direktoru döyərək ona ağır bədən xəsarətləri yetirib.

T. Mirzəliyev hazırda 3 saylı Sabunçu xəstəxanasındadır. R.Rzayevin isə polis tərəfindən saxlanılıb-saxlanılmaması dəqiq deyil.

Xatırladaq ki, bir neçə ay əvvəl qohumunun işdən çıxarılmasına etiraz edən Rza Rzayev bu qərarını dəyişməsi üçün məktəbə gedərək direktorla mübahisə etmişdi.

Hadisə 220 nömrəli məktəb-liseydə baş vermişdi. Belə ki, təhsil müəssisəsinin direktor müavini Zeynəb Rzayeva 29.01.2018-ci il tarixində direktor Tural Mirzəliyev tərəfindən dəvət edilərək, ona təlim-tərbiyə işləri üzrə direktor müavinlərinin vəzifə səlahiyyətlərinin bölgüsündə II yarımildən etibarən dəyişiklik ediləcəyi bildirilib. Amma Zeynəb Rzayeva bu qərara etiraz edib. Daha sonra özünü Zeynəb Rzayevanın qardaşı kimi təqdim edən Rza Rzayev direktorun yanına gələrək məsələni “həll eləməyə” çalışıb. Amma ortaya xoşagəlməz mənzərə çıxmışdı. “Drakon” məktəb direktorunun ünvanına nalayiq ifadələr səsləndirmişdi.

Bütün bu olanlar direktorun xidməti otağında açıq şəkildə quraşdırılmış video kameradan görüntülənmişdi. Bu qalmaqal məhkəmə müstəvisinə çıxmış və tərəflər bir-birindən şikayətçi olmuşdular.

Ölkə.Az

ŞƏRH YAZ
0

Bakıda güclü külək 2 ağacı kökündən çıxardı

Bakıda güclü külək 2 ağacı kökündən çıxardı
12:25
Bu gün
107
Hadisə
A
Bakıda ötən gündən əsməyə başlayan güclü külək nəticəsində 2 ağac kökündən çıxaraq aşıb.

"Ölkə.Az"ın trend-ə istinadən məlumatına görə, hadisə Binəqədi rayonunda qeydə alınıb.

O.Məmmədov əlavə edib ki, güclü külək nəticəsində Bakının müxtəlif ərazilərində 7 ağacın budaqları sınıb.

Şöbə rəisi iyulun 22-dən birliyin gücləndirilmiş iş rejimində çalışdığını, hazırda birliyin əməkdaşlarının fəsadların aradan qaldırılması üçün səfərbər olunduğunu söyləyib.

Ölkə.Az

ŞƏRH YAZ
0

Bakıda DƏHŞƏTLİ QƏZA — 7 maşın toqquşdu - VİDEO

Bakıda DƏHŞƏTLİ QƏZA
10:15
Bu gün
2007
Hadisə
A
Bakının Nərimanov rayonunda 7 maşının toqquşması nəticəsində 5 nəfər yaralanıb.

"Ölkə.Az" APA-ya istinadən xəbər verir ki, Ziya Bünyadov prospektində hərəkətdə olan "Schacman" markalı yük maşını 2 ədəd "Mercedes", "Volkswagen", "Ravon", "BMW" markalı maşınlara çırpılıb.

Hadisə nəticəsində bir ailənin 3 üzvü, "Volkswagen"-də olan 2 nəfər xanım xəsarət alıb. 

Hadisə yerinə Təcili Tibbi Yardım və DYP əməkdaşları cəlb olunub. Qəzadan sonra ərazidə ciddi tıxac yaranıb.

İlkin məlumata görə, hadisəyə səbəb "Schacman" markalı yük maşınının sürücüsü olub.

Qəza nəticəsində "BMW" markalı minik maşınında yaralanan bir ailənin 3 üzvünün kimliyi bəlli olub.

"BMW"-nin sürücü 54 yaşlı Əhmədov Şirxan İlya oğlu qol və baş nahiyəsindən, onun həyat yoldaşı, 54 yaşlı Quliyeva Reyhan Gəray qızı və övladları 24 yaşlı İlyaszadə Mirvari Şirxan qızı müxtəlif dərəcəli bədən xəsarətləri alaraq xəstəxanaya çatdırılıb.

İlkin məlumata görə, tuneldən çıxan yük maşını yüksək sürətlə hərəkətdə olub.

Ziya Bünyadov prospektində baş vermiş son iki yol qəzası səbəbindən DYP əməkdaşları tərəfindən hazırda hərəkətin təhlükəsizliyini təmin etmək məqsədilə "Qələbə" dairəsi istiqamətindən Nərimanov rayonu ərazisinə gedən yoldakı tunelə giriş-çıxışa məhdudiyyət qoyulub.

Faktla bağlı araşdırma aparılır. 

Ölkə.Az

ŞƏRH YAZ
0
BAĞLA