Məşhur bəstəkar ölüm ayağında — TƏCİLİ

Məşhur bəstəkar ölüm ayağında
11:42
02.03.2018
8274
Mədəniyyət
A
Tanınmış bəstəkar, əməkdar incəsənət xadimi Tahir Əkbərin vəziyyəti ağırlaşıb.

Bu barədə "Ölkə.Az"a bəstəkarın ailə dostu, şairə Zenfira Əlişqızı məlumat verib. Onun sözlərinə görə, artıq həkimlər də heç bir müdaxilə edə bilməyəcəklərini söyləyiblər:

"İnsultdan sonra nitqi itmişdi. Bədəni soyuyur. İyirmi gün bundan öncə həkimlər bildirdilər ki, heç bir zəmanət vermirik. Bundan sonra neçə gün yaşayacağı Allahın əlindədir. Artıq Bəstəkarlar İttifaqının və Mədəniyyət və Turizm Nazirliyinin də xəbəri var". 

Qeyd edək ki, T.Əkbər 1946-cı il yanvarın 20-də anadan olub. 1960-cı ildə Dzerjinski adına musiqi məktəbinin fortepiano şöbəsinə daxil olub, 1965-ci ildə isə oranı bitirib. Həmin ildə Həmzə Həkimzadə Niyazi adına Daşkənd musiqi nəzəriyyəsi şöbəsinə daxil olub, 1969-cu ildə də musiqişünas kimi təhsilini başa vurub. Tahir Əkbər 1970-ci ildə Muxtar Əşrəfi adına Dəşkənd Dövlət Konservatoriyasının bəstəkarlıq şöbəsinə qəbul olub. Burada tanınmış bəstəkar, professor Boris Zeydmanın sonuncu azərbaycanlı tələbəsi olub. Məlumat üçün qeyd edək ki, Zeydman Bakıya Üzeyir Hacıbəyovun dəvəti ilə Leninqraddan dəvət edilibb. Fikrət Əmirov, Cahangir Cahangirov, Şəfiqə Axundova kimi bir sıra məşhur bəstəkarlarımız məhz Zeydmanın tələbəsi olub.

Tahir Əkbər 1985-ci ildən keçmiş SSRİ Bəstəkarlıq İttifaqının, hazırda isə Azərbaycan Bəstəkarlar Birliyinin üzvüdür. Tahir Əkbər müxtəlif janrlarda - xor musiqisi, simfonik və kamera əsərləri yaradıb. "Simfonik rənglər", ilahiyyat mövzusunda yazdığı "Amin" əsəri Azərbaycan professional musiqisində yeni janrlar hesab olunur.

İntiqam VALEHOĞLU
Ölkə.Az

ŞƏRH YAZ
1

Naxçıvanda görkəmli rəssam İbrahim Səfiyevin yubileyi keçiriləcək

Naxçıvanda görkəmli rəssam İbrahim Səfiyevin yubileyi keçiriləcək
23:28
17.10.2018
486
Mədəniyyət
A
Naxçıvan Muxtar Respublikası Ali Məclisinin sədri Vasif Talıbov görkəmli rəssam İbrahim Səfiyevin yubileyinin keçirilməsi haqqında sərəncam imzalayıb.

"Ölkə.Az" report-a istinadla xəbər verir ki, sərəncama əsasən İ.Səfiyevin Azərbaycan və Türkiyədə rəssamlıq sənətinin inkişafındakı xidmətlərini nəzərə alaraq, görkəmli rəssam İbrahim Səfiyevin 120 illik yubileyi Naxçıvan Muxtar Respublikasında qeyd olunacaq.

Sərəncamla “Görkəmli rəssam İbrahim Səfiyevin 120 illik yubileyinin keçirilməsi ilə əlaqədar Tədbirlər Planı” təsdiq olunub.

Ölkə.Az

ŞƏRH YAZ
0

Tbilisidə sərgidə “Qarabağda itirilmişlər” kompozisiyası təqdim olunub

Tbilisidə sərgidə “Qarabağda itirilmişlər” kompozisiyası təqdim olunub
20:56
17.10.2018
463
Mədəniyyət
A
Tbilisinin “Erti” qalereyasında “Sabah dünən olacaq” (“Tomorrow will be yesterday”) adlı sərgi açılıb.

"Ölkə.Az" report-a stinadən xəbər verir ki, sərgidə Gürcüstan, Azərbaycan, Ermənistan, Rusiya və Dağıstandan olan rəssam və fotoqrafların əsərləri təqdim olunub.

Fərqli və maraqlı ekspozisiyanın mövzusu tarix, regionda mövcud geosiyasi vəziyyət və münaqişələrə həsr olunub.

Sərgidə azərbaycanlı fotoqraf Sitarə İbrahimovanın müəllifi olduğu fotoşəkillərdən ibarət “Qarabağda itirilmişlər” (“Lost in Karabakh”) adlı kompozisiya təqdim olunub.

Səkkiz fotoşəkilin yer aldığı kompozisiya Qarabağ münaqişəsinə cəlb olunmuş insanların maddi dünyasını əks etdirir.

Fotoşəkillərdə münaqişə zamanı itkin düşmüş insanların şəxsi əşyaları mavi fonda əlavə estetizasiyasız nümayiş etdirilir. Kompozisiyanın əsas mənası ondan ibarətdir ki, fotoşəkillərdə əks olunan əşyalar sahiblərinə daha heç vaxt xidmət etməyəcək.

Təqdim olunmuş kompozisiyalardan ən çox diqqət çəkəni dağıstanlı rəssam Taus Maxaçevanın “Peyzaj” adlı layihəsidir. Kompozisiya taxtadan təbii ölçüdə hazırlanmış və Qafqazda yaşayan müxtəlif xalqlara aid 40 insan burnundan ibarətdir. Rəssam layihəsi ilə Qafqaz xalqları arasında dərin tarixi əlaqələrin olduğunu göstərir.

Sərgi dekabrın 5-nə qədər davam edəcək.

Ölkə.Az

ŞƏRH YAZ
0
BAĞLA