Məşhur fizika professoru Stiven Hokinq dünyasını dəyişdi

Məşhur fizika professoru Stiven Hokinq dünyasını dəyişdi
09:10
14.03.2018
2535
Dünya
A
Dünyanın məşhur alimi Stiven Hokinq 76 yaşında dünyasını dəyişib.

“Ölkə.Az” xəbər verir ki, alimin müalicəsi olmayan “ALS” xəstəliyi səbəbindən vəfat etdiyi bildirilib.

Layihələri və fikirləri ilə dünyada məşhurlaşan professor planetin ən ağıllı adamlarından biri idi.

Hokinqin uşaqları Lusi, Robert və Tim atalarının olümü ilə bağlı yazılı açıqlama veriblər:
“Sevimli atamızı bu gün itirdik. Çox böyük elm adamı, işləri və mirası illər boyu yaşayacaq fövqəladə insan idi”.

Hokinq 21 yaşında, yəni 1960-cı illərin əvvəlində müalicəsi olmayan xəstəliyə yoluxur. Neyronların 80%-ini məhv edərək sinir sistemini iflic edən bu xəstəlik beyinin fəaliyyətinə təsir etmir. Stiven uzun illər əlil arabasında yaşayıb.

Alim 1985-ci ildə səsini də itirir. Arabaya yerləşdirilən və yazıları səsə çevirən bir kompüter sayəsində insanlarla əlaqə qururdu.

Kitabları 40 dilə tərcümə edilib.

Hikmət Həsənov
Ölkə.Az

ŞƏRH YAZ
0

ABŞ Rusiya və Çini özünün ticarət düşmənləri elan etdi

ABŞ Rusiya və Çini özünün ticarət düşmənləri elan etdi
23:44
15.07.2018
482
Dünya
A
ABŞ prezidenti Donald Tramp Rusiya, Çin və Aİ ölkələrini ölkəsinin ticarət "düşmənləri" adlandırıb.

"Ölkə.Az" CBS telekanalına istinadən xəbər verir ki, o, bu dövlətləri pis hesab etmir. Buna baxmayaraq, onlar ABŞ-ın rəqibləridir.

"Bu ölkələrin liderlərinə hörmət edirəm. Lakin ticarət baxımından həqiqətən bizdən faydalanırlar ... və borclarını ödəmirlər", - deyə Tramp bildirib.

Qeyd edək ki, bir müddət əvvəl ABŞ lideri Moskva ilə Berlin arasındakı "Şimal axını-2" boru kəmərinin inşasını "dəhşətli faciə", Almaniyanı isə Rusiyanın "girovu" adlandırmışdı.

Ölkə.Az

ŞƏRH YAZ
0

BƏƏ kralının ailəsini tənqid edən şeyxin oğlu Qətərdən sığınacaq aldı

BƏƏ kralının ailəsini tənqid edən şeyxin oğlu Qətərdən sığınacaq aldı
22:37
15.07.2018
472
Dünya
A
Birləşmiş Ərəb Əmirliklərinin (BƏƏ) yeddi əmirliyindən biri olan Fuceyre şeyxi Şeyx Həməd bin Muhammed Əl Şərqinin oğlu Rəşid bin Həməd Əş Şərqi öldürülmə qorxusu ilə 16 may tarixindən Qətərdən sığınacaq alaraq gizlənir.

"Ölkə.Az" xarici mətbuata istinadən xəbər verir ki, təhlükədə olduğunu bildirilən Əş Şərqinin son zamanlar BƏƏ-nin Əbu-Dabi vəliəhdi Şahzadə Şeyx Muhammed bin Ziyad Əl Nahyanı sərt şəkildə tənqid edib.

Əş-şərqinin kral ailəsinə dair etdiyi tənqid ölkə tarixində 47 ildə ilk dəfə yaşanıb.

BƏƏ-nin Vaşinqtondakı səfirliyi isə məsələ ilə bağlı açıqlama verməkdən boyun qaçırsa da, Qətər rəsmiləri Əş-Şərqinin Doha şəhərində olduğunu təsdiq edib.

Qeyd edək ki, BƏƏ İngilislərin 1971-ci ildə Bəsrə şəhərindən çəkilməsindən sonra yeddi əmirliyin birləşməsi ilə qurulub. Hər əmirlik öz şeyxləri tərəfindən idarə edilsə də, dövlət idarəçiliyi eyni zamanda Əbu-Dabi əmiri Şeyx Xəlifə Bin Zayid Əl Nahyan və ailəsinin əlindədir.

Ölkə.Az

ŞƏRH YAZ
0
BAĞLA