Məşhur futbolçumuz həyat yoldaşından "oğurluq edibmiş" — FOTO

Məşhur futbolçumuz həyat yoldaşından
12:51
05.07.2019
6214
İdman
A
Ötənlərin məşhur futbolçusu, hazırda işsiz olan məşqçi Yunis Hüseynov "CBC Sport"un "İmza” layihəsinin qonağı olub.

 "Ölkə.Az" xəbər verir ki, verilişdə futbola gəlişindən, məşqçilik fəaliyyətindən danışan 54 yaşlı mütəxəssis ailə həyatı barədə bunları deyib:

"Bildiyiniz kimi, Azərbaycanın və İslam dünyasının ilk qadın qrossmeysteri Aynur Sofiyeva ilə ailəliyik. İki qızımız var, hər ikisi orta məktəbi qızıl medalla bitiriblər, xaricdə təhsil alırlar. Həyat yoldaşım futbol azarkeşi deyil, amma mən işlədiyim komandalara azarkeşlik edir".

Veteran futbolçu məşhur şahmatçı olan həyat yoldaşıyla cəmi bir dəfə şahmat oynadığını etiraf edib:

" Bir dəfə dedim ki, gəl, şahmat oynayaq. Dedi ki, oynamıram, sənə qarşı oynamaq maraqsızdır. Axırda razılaşdıq. Dedi ki, o biri otaqdan deyəcəyəm, mənim əvəzimə də oyna. Aynurun o biri otaqda olmağından istifadə edib, piyadasının birini götürmüşdüm. Həmin piyadanın gedişini etmək istəyəndə dedim ki, orada sənin daşın yoxdur. Dedi ki, orada bir piyadam olmalıdır, qoy yerinə (gülür). Ondan sonra şahmat oynamamışıq". 

Qeyd edək ki, Y.Hüseynov futbolçu karyerası ərzində daha çox "Kəpəz" və "Neftçi" komandalarındakı çıxışyla tanınıb. Məşqçi kimi isə "Karvan"la ölkə çempionatının gümüş və bürünc medallarını qazanıb.

İntiqam Valehoğlu
Ölkə.Az

ŞƏRH YAZ
0

Növbəti "El-Klassiko"nun vaxtı açıqlandı

Növbəti
01:20
Bu gün
691
İdman
A
İspaniya La Liqasında bu mövsümün ikinci "El-Klassiko"sunun vaxtı açıqlanıb.

"Ölkə.Az" qol.az-a istinadən xəbər verir ki, "Santyaqo Bernabu" stadionunda keçiriləcək görüş martın 1-i yerli vaxtla 21:00-da (Bakı vaxtı ilə 00:00) başlayacaq.

Qeyd edək ki, bu mövsüm "Barselona" və "Real" arasında  "Nou Kamp"da keçirilən ilk "El-Klassiko"da qolsuz bərabərlik qeydə alınmışdı.

Ölkə.Az

ŞƏRH YAZ
0

Milli Paralimpiya Komitəsində I vitse-prezident işdən azad olundu

Milli Paralimpiya Komitəsində I vitse-prezident işdən azad olundu
10:38
16.01.2020
979
İdman
A
Milli Paralimpiya Komitəsində (MPK) bundan sonra I vitse-prezident vəzifəsi olmayacaq.

"Ölkə.Az"ın xəbərinə görə, MPK-da 7 dekabr 2012-ci ildən vitse-prezident, daha sonra 8 fevral 2013-cü ildən I vitse-prezident vəzifələrində çalışan Natiq Qasımov işdən azad edilib.

MPK martın 17-də 63 yaşını qeyd edəcək Natiq Qasımovla yolları qarşılıqlı razılıq əsasında ayırıb. Bu gün saat 12:00-da komitə rəhbərliyi Qasımovla görüşərək, ona uğurlar arzulayacaq.

Qeyd edək ki, MPK bu siyasəti ölkə başçısı İlham Əliyevin gəncləşdirmə siyasətinə uyğun olaraq atıb. Qurum gələcəkdə də bu siyasətə uyğun olaraq addımlar atmağı planlaşdırır.

39 yaşlı İlham Zəkiyev və 42 yaşlı Yaşar Hacıyev vitse-prezident, o cümlədən, 41 yaşlı Kamal Məmmədov baş katib vəzifələrində işlərini davam etdirəcək. I vitse-prezident vəzifəsi isə ləğv olunacaq.

ŞƏRH YAZ
0
BAĞLA