Məşhur futbolçumuz həyat yoldaşından "oğurluq edibmiş" — FOTO

Məşhur futbolçumuz həyat yoldaşından
12:51
05.07.2019
6226
İdman
A
Ötənlərin məşhur futbolçusu, hazırda işsiz olan məşqçi Yunis Hüseynov "CBC Sport"un "İmza” layihəsinin qonağı olub.

 "Ölkə.Az" xəbər verir ki, verilişdə futbola gəlişindən, məşqçilik fəaliyyətindən danışan 54 yaşlı mütəxəssis ailə həyatı barədə bunları deyib:

"Bildiyiniz kimi, Azərbaycanın və İslam dünyasının ilk qadın qrossmeysteri Aynur Sofiyeva ilə ailəliyik. İki qızımız var, hər ikisi orta məktəbi qızıl medalla bitiriblər, xaricdə təhsil alırlar. Həyat yoldaşım futbol azarkeşi deyil, amma mən işlədiyim komandalara azarkeşlik edir".

Veteran futbolçu məşhur şahmatçı olan həyat yoldaşıyla cəmi bir dəfə şahmat oynadığını etiraf edib:

" Bir dəfə dedim ki, gəl, şahmat oynayaq. Dedi ki, oynamıram, sənə qarşı oynamaq maraqsızdır. Axırda razılaşdıq. Dedi ki, o biri otaqdan deyəcəyəm, mənim əvəzimə də oyna. Aynurun o biri otaqda olmağından istifadə edib, piyadasının birini götürmüşdüm. Həmin piyadanın gedişini etmək istəyəndə dedim ki, orada sənin daşın yoxdur. Dedi ki, orada bir piyadam olmalıdır, qoy yerinə (gülür). Ondan sonra şahmat oynamamışıq". 

Qeyd edək ki, Y.Hüseynov futbolçu karyerası ərzində daha çox "Kəpəz" və "Neftçi" komandalarındakı çıxışyla tanınıb. Məşqçi kimi isə "Karvan"la ölkə çempionatının gümüş və bürünc medallarını qazanıb.

İntiqam Valehoğlu
Ölkə.Az

ŞƏRH YAZ
0

Ronaldunun bu görüntüsü sosial şəbəkəni bir-birinə vurdu — FOTO

Ronaldunun bu görüntüsü sosial şəbəkəni bir-birinə vurdu
21:30
20.01.2020
1253
İdman
A
“Yuventus” klubunun forvardı Kriştianu Ronaldu qarşılaşmanın 58-ci dəqiqədə “Parma”nın qapısına vurduğu qoldan sonra ona ötürmə verən komanda yoldaşı Paulo Dibalanı qucaqlamaq istəyərkən kurioz hadisə yaşanıb. Belə ki, qolun sevincini yaşayarkən onların üzləri toqquşub və təsadüfən öpüşüblər.

"Ölkə.Az" bildirir ki, bu barədə life.ru xəbər verib. Bildirilib ki, həmin an kameraların obyektivinə düşüb.

Qeyd edək ki, sözügedən görüntü bir anda bütün sosial şəbəkələrdə yayılıb və böyük müzakirələrə səbəb olub. 

Xatırladaq ki, “Yuventus” - “Parma” qarşılaşması 2:1 hesabı ilə başa çatıb. Ronaldu oyunda dubl edib. oxu.az

ŞƏRH YAZ
0

“Qarabağ” qanalı hücumçunun transferinə hazırlaşır.

“Qarabağ” qanalı hücumçunun transferinə hazırlaşır.
16:47
20.01.2020
1077
İdman
A
“Qarabağ” qanalı hücumçunun transferinə hazırlaşır.

"Ölkə.Az" Offsideplus.az-a istinadla xəbər verir ki, Ağdam təmsilçisi “Leqanes” in futbolçusu Kvabena Ovusunu transfer etməyə yaxındır.  Klublar arasında razılığın əldə olunduğu qeyd olunur.

İcarə əsasında “Kordoba” klubunda çıxış edən 22 yaşlı hücumçu cari mövsümdə 16 oyuna çıxıb, 6 qol vurub. 

ŞƏRH YAZ
0
BAĞLA