Məşhur futbolçumuz həyat yoldaşından "oğurluq edibmiş" — FOTO

Məşhur futbolçumuz həyat yoldaşından
12:51
05.07.2019
6217
İdman
A
Ötənlərin məşhur futbolçusu, hazırda işsiz olan məşqçi Yunis Hüseynov "CBC Sport"un "İmza” layihəsinin qonağı olub.

 "Ölkə.Az" xəbər verir ki, verilişdə futbola gəlişindən, məşqçilik fəaliyyətindən danışan 54 yaşlı mütəxəssis ailə həyatı barədə bunları deyib:

"Bildiyiniz kimi, Azərbaycanın və İslam dünyasının ilk qadın qrossmeysteri Aynur Sofiyeva ilə ailəliyik. İki qızımız var, hər ikisi orta məktəbi qızıl medalla bitiriblər, xaricdə təhsil alırlar. Həyat yoldaşım futbol azarkeşi deyil, amma mən işlədiyim komandalara azarkeşlik edir".

Veteran futbolçu məşhur şahmatçı olan həyat yoldaşıyla cəmi bir dəfə şahmat oynadığını etiraf edib:

" Bir dəfə dedim ki, gəl, şahmat oynayaq. Dedi ki, oynamıram, sənə qarşı oynamaq maraqsızdır. Axırda razılaşdıq. Dedi ki, o biri otaqdan deyəcəyəm, mənim əvəzimə də oyna. Aynurun o biri otaqda olmağından istifadə edib, piyadasının birini götürmüşdüm. Həmin piyadanın gedişini etmək istəyəndə dedim ki, orada sənin daşın yoxdur. Dedi ki, orada bir piyadam olmalıdır, qoy yerinə (gülür). Ondan sonra şahmat oynamamışıq". 

Qeyd edək ki, Y.Hüseynov futbolçu karyerası ərzində daha çox "Kəpəz" və "Neftçi" komandalarındakı çıxışyla tanınıb. Məşqçi kimi isə "Karvan"la ölkə çempionatının gümüş və bürünc medallarını qazanıb.

İntiqam Valehoğlu
Ölkə.Az

ŞƏRH YAZ
0

Klublarımızın qış transferləri

Klublarımızın qış transferləri
11:43
Bu gün
203
İdman
A
Azərbaycanda Premyer Liqasında qış fasiləsi yarandığından bəzi klublarda ayrılıqlar və yeni transferlər var.

"Ölkə.Az" Qol.az-a istinadən xəbər verir ki, transfer işində fəal olanlar hələlik "Zirə", "Neftçi" və "Səbail"dir.

 

“Qarabağ”

Gələn: Nicat Mehbalıyev ("Sumqayıt": icarədən qayıdıb)

Gedənlər: Simeon Slavçev ("Levski", Bolqarıstan), Asmir Beqoviç (icarə müddəti başa çatıb), Riçard Almeyda

 

“Neftçi”

Gələnlər: İbrahim Əliyev ("Sumqayıt"), Mirabdulla Abbasov ("Səbail": icarədən qayıdıb), Saman Nəriman Cahan ("Maşınsazi")

Gedənlər: Rauf Əliyev, Kril Petrov

 

“Keşlə”

Gələn: Şohruh Qadoyev ("Bunyodkor", Özbəkistan), Aleksandr Kristovao

Gedənlər: Şahin Zəkiyev, Murad Qayalı ("Səbail")

 

“Sumqayıt”

Gələn: yoxdur

Gedən: İbrahim Əliyev ("Neftçi"), Ehtiram Şahverdiyev ("Qəbələ"), Nicat Möhbalıyev ("Qarabağ": icarə müddəti başa çatıb)

 

“Zirə”

Gələnlər: Davit Volkov ("Qəbələ"), Ağabala Ramazanov ("Səbail")

Gedən: Soni Norde

 

“Sabah”

Gələn: Mario Marina, Marko Deviç

Gedən: Hendrik Ekşteyn, Rocer Roxas

 

“Qəbələ”

Gələn: Ehtiram Şahverdiyev

Gedən: Davit Volkov ("Zirə")

 

"Səbail"

Gələn: Murad Qayalı ("Keşlə"), Rauf Əliyev

Gedənlər: Ağabala Ramazanov ("Zirə"), Elvin Yunuszadə, Mirabdulla Abbasov ("Neftçi"), İqor Korotetski, Yevgeni Koçuk

ŞƏRH YAZ
0

Növbəti "El-Klassiko"nun vaxtı açıqlandı

Növbəti
01:20
17.01.2020
764
İdman
A
İspaniya La Liqasında bu mövsümün ikinci "El-Klassiko"sunun vaxtı açıqlanıb.

"Ölkə.Az" qol.az-a istinadən xəbər verir ki, "Santyaqo Bernabu" stadionunda keçiriləcək görüş martın 1-i yerli vaxtla 21:00-da (Bakı vaxtı ilə 00:00) başlayacaq.

Qeyd edək ki, bu mövsüm "Barselona" və "Real" arasında  "Nou Kamp"da keçirilən ilk "El-Klassiko"da qolsuz bərabərlik qeydə alınmışdı.

Ölkə.Az

ŞƏRH YAZ
0
BAĞLA