Məşhur futbolçumuz həyat yoldaşından "oğurluq edibmiş" — FOTO

Məşhur futbolçumuz həyat yoldaşından
12:51
05.07.2019
6013
İdman
A
Ötənlərin məşhur futbolçusu, hazırda işsiz olan məşqçi Yunis Hüseynov "CBC Sport"un "İmza” layihəsinin qonağı olub.

 "Ölkə.Az" xəbər verir ki, verilişdə futbola gəlişindən, məşqçilik fəaliyyətindən danışan 54 yaşlı mütəxəssis ailə həyatı barədə bunları deyib:

"Bildiyiniz kimi, Azərbaycanın və İslam dünyasının ilk qadın qrossmeysteri Aynur Sofiyeva ilə ailəliyik. İki qızımız var, hər ikisi orta məktəbi qızıl medalla bitiriblər, xaricdə təhsil alırlar. Həyat yoldaşım futbol azarkeşi deyil, amma mən işlədiyim komandalara azarkeşlik edir".

Veteran futbolçu məşhur şahmatçı olan həyat yoldaşıyla cəmi bir dəfə şahmat oynadığını etiraf edib:

" Bir dəfə dedim ki, gəl, şahmat oynayaq. Dedi ki, oynamıram, sənə qarşı oynamaq maraqsızdır. Axırda razılaşdıq. Dedi ki, o biri otaqdan deyəcəyəm, mənim əvəzimə də oyna. Aynurun o biri otaqda olmağından istifadə edib, piyadasının birini götürmüşdüm. Həmin piyadanın gedişini etmək istəyəndə dedim ki, orada sənin daşın yoxdur. Dedi ki, orada bir piyadam olmalıdır, qoy yerinə (gülür). Ondan sonra şahmat oynamamışıq". 

Qeyd edək ki, Y.Hüseynov futbolçu karyerası ərzində daha çox "Kəpəz" və "Neftçi" komandalarındakı çıxışyla tanınıb. Məşqçi kimi isə "Karvan"la ölkə çempionatının gümüş və bürünc medallarını qazanıb.

İntiqam Valehoğlu
Ölkə.Az

ŞƏRH YAZ
0

Messi Avropada heç kimin edə bilmədiyini bacardı

Messi Avropada heç kimin edə bilmədiyini bacardı
04:09
Bu gün
369
İdman
A
“Barselona”nın ulduz futbolçusu Lionel Messi vurduğu qollarla daha bir rekord müəyyənləşdirib.

"Ölkə.Az" baku.ws-ə istinadən xəbər verir ki, İspaniya çempionatında ardıcıl 14-cü mövsüm 10-dan çox top vumağı bacarıb.

Bu günə qədər Avropanın yaşıl meydanlarında bu uğuru təkrarlayan futbolçu olmayıb.

Lionel Messi bu mövsüm La Liqadakı qol sayını 12-yə çatdırıb.

Ölkə.Az

ŞƏRH YAZ
0

Azərbaycanlı atlet Avropa rekordunu qırdı

Azərbaycanlı atlet Avropa rekordunu qırdı
18:12
08.12.2019
421
İdman
A
7-14 dekabr tarixlərində İsrailin Eylat şəhərində keçirilən 15 və 17 yaşa qədər yeniyetmələr arasında ağır atletika üzrə Avropa birinciliyi davam edir.

"Ölkə.Az" Azərbaycan Ağır Atletika Federasiyasına istinadən xəbər verir ki, yarışda 37 ölkədən 498 idmançı (228 qız və 270 oğlan) iştirak edir. Onların arasında Azərbaycan yığmasının üzvləri də var.

Elşən Məmmədov yaşı 15-ə qədər olan atletlərdə 61 kq çəki dərəcəsində qüvvəsini sınayıb.

Atletimiz birdən qaldırma hərəkətində 106 kq nəticə ilə bu hərəkətdə gümüş medal qazanıb.

Təkanla qaldırma hərəkətində 129 kq nəticə göstərən idmançımız bu hərəkətdə bürünc medala sahib çıxıb.

Toplam 235 kq (106+129) nəticə (toplamda yeni Avropa rekordu) ilə Elşən Məmmədov Avropa birinciliyinin qalibi adına layiq görülüb.

Bu, onun ikinci belə nəticəsidir. Belə ki, Məmmədov ötən il İtaliyanın Milan şəhərində keçirilən Avropa birinciliyində də qızıl medal əldə etmişdi.

Ölkə.Az

ŞƏRH YAZ
0
BAĞLA