Məşhur mafiya başçısı qətlə yetirildi — İtaliyada

Məşhur mafiya başçısı qətlə yetirildi
18:47
06.12.2017
877
Dünya
A
Korsikalı məşhur mafiya başçısı Antuan Kiliççini Bastiya şəhərindəki hava limanında qətlə yetirilib.

"Ölkə.Az" xəbər verir ki, "Qəssab Toni" ləqəbli qanqster Fransanın Korsika adasındakı hava limanında qisas zəmnində öldürülüb. İnsident nəticəsində iki nəfər də xəsarət alıb.

Hadisə bir ay əvvəl baş verib. Amma məlumat bu gün mətbuata sızdırılıb. Rəqib mafiya qruplaşmasının liderini öldürməkdə ittiham edilən "Qəssab Toni"yə iki nəfər naməlum şəxs atəş açıb.

Antuanın yaxın dostu Jan-Lyuk Kodaççioni də ciddi xəsarət alıb. Jan-Lyuk da qətl törətməkdə şübhəli bilinirdi.

Hikmət Həsənov
Ölkə.Az

ŞƏRH YAZ
0

Çilidə prezident seçkilərinin ikinci turu keçirilir

Çilidə prezident seçkilərinin ikinci turu keçirilir
01:30
Bu gün
485
Dünya
A
Çilidə prezident seçkilərinin ikinci turu keçirilir.

“Ölkə.Az” xəbər verir ki, bu barədə yerli mətbuat məlumat yayıb. Verilən xəbərlərə görə, hazırda ölkənin 2018-2022-ci illər ərzində prezidenti olacaq şəxsin kimliyini müəyyən etmək üçün seçkilərin 2-ci tutuna hazırlaşırlar.

Seçkilərin ikinci turuna sabiq dövlət başçısı Sebastyan Pinyera və senator-sol mərkəzçi Alehandro Qilyer iştirak edəcəklər. Onlar seçkilərin birinci turunda digər namizədlərdən fərqləniblər.

Qeyd edək ki, ötən ay Çilidə prezident seçkilərinin birinci tutu baş tutub. Prezident seçkilərinin birinci turunda qalib müəyyən edilməyib. Səslərin 90 faizinin hesablanmasından sonra sabiq dövlət başçısı Sebastyan Pinyera 36,6%, onun əsas rəqibi, senator Alehandro Qilyer isə 22,6% səs toplayıb. Ölkə qanunvericiliyinə əsasən prezidentliyə namizəd qələbə üçün birinci turda 50% üstəgəl bir səs toplamalıdır.

Ziya Səccad
Ölkə.Az

ŞƏRH YAZ
0

Rusiyada sərnişin avtobusu aşdı — Yaralılar var

Rusiyada sərnişin avtobusu aşdı
01:12
Bu gün
324
Dünya
A
Rusiyada sərnişin avtobusu qəzaya uğrayıb.

“Ölkə.Az” xəbər verir ki, bu barədə “RİA Novosti” agentliyi məlumat yayıb. Verilən məlumata görə, qəza İrkutsk vilayətində qeydə alınıb. Yol qəzası sürət həddinin aşması nəticəsində qeydə alınıb.

Belə ki, sürətlə hərəkət edən sərnişin avtobusun sürücüsü idarətetməni itirib. Nəticədə avtobus aşıb. Qəza zamanı avtobusda 38 sərnişin və 2 sürücü olub. Hadisə zamanı 10 nəfər xəsarət alıb. Yaralılar xəstəxanalara yerləşdiriliblər.

Faktla bağlı araşdırma aparılır.

Ziya Səccad
Ölkə.Az

ŞƏRH YAZ
0
BAĞLA