Məşhur rejissor Roman Polanski haqqında zorlama ittihamı
83 yaşlı məşhur kino rejissor Roman Polanski haqqında yeni ittiham səsləndirilib.
"Ölkə.Az" xəbər verir ki, artıq üçüncü qadın rejissor tərəfindən zorlandığını bildirib. Robin M. adlı qadın bir mətbuat konfransı keçirərək 1973-cü ildə 16 yaşı olanda rejissor tərəfindən zorlandığını bildirib.
Fransada yaşayan rejissor 1977-ci ildə 15 yaşlı bir uşaqla cinsi əlaqəyə girdiyini etiraf etmişdi və haqqında istintaq başlamışdı. Aradan 38 il keçdiyi üçün Polanski haqqında ittihamların ləğv edilməsi üçün Samanta Qeymer məhkəməyə müraciət etmiş, Polanskini bağışladığını bildirmişdi.
Robin adlı qadının ittihamı isə üstündən xeyli vaxt keçdiyi üçün məhkəmə prosesi keçirilməyəcək. Qadın bunu bir dostu ilə bölüşdüyünü, rejissorun həbsə düşməyini istəmədiyini bildirib.
Hikmət Həsənov
Ölkə.Az
