Məşhur türkiyəli yazar Bakıya heyran oldu — “Qədim və yeni binaları ilə Bakı Avropa ölkəsini xatırladır” - FOTOLAR

Məşhur türkiyəli yazar Bakıya heyran oldu
12:32
10.10.2019
2754
Ölkə
A
Məşhur türkiyəli yazar Ertuğrul Özkök Bakı ilə bağlı təəssüratlarını qələmə alıb.

"Ölkə.Az" xəbər verir ki, yazar Azərbaycana səfəri zamanı Bakıya heyran olduğunu ifadə edib.

Türkiyənin tanınmış rəssam və heykəltəraşı Ahmet Güneştekinin oktyabrın 4-də Bakıda gerçəkləşən “Belleğin Alfabesi” adlı sərgisinin açılışı üçün ölkəmişə səfər edən Özkök ilk öncə Heydər Əliyev Mərkəzinə vurğunluğunu qeyd edib. O, mərkəzi estetik bir möcüzə, memarlığın şah əsəri adlandırıb.

Yazar sözügedən memarlıq nümunəsinin müəllifi olan dünyaca məşhur Zaha Hadiddən bəhs edib. Sərginin açılışından əvvəl binanın ətrafında dolaşan yazar onu ABŞ-ın Nyu-York şəhərindəki məşhur Quqqenhaym Müzeyi ilə müqasiyə edib. Zaha Hadidin əsərinin daha möhtəşəm olduğunu qeyd edib.

Özkök belə bir memarlıq nümunəsinin ərsəyə gəlməsində Azərbaycan prezidenti İlham Əliyevin təşəbbüsünü yüksək qiymətləndirib.

“Sərgiyə birinci vitse-prezident Mehriban Əliyeva və qızları da qatıldı.

Mehriban Əliyeva doğrudan da çox gözəl bir xanımdır. O, bu günə qədər Mərkəzdə keçirilən ən izdihamlı sərgi olduğunu dedi”, – Özkök təəssüratlarında belə qeyd edib.

Səhərlər dəniz kənarında yürüşə çıxan Ertuğrul Özkök çiçəklərin qoxusunun hər tərəfi bürüdüyünü və insanda xoş hislər yaratdığını vurğulayıb.

Özkök Bakını Avropa şəhərləri ilə müqayisə edib:

“Bakıya sonuncu dəfə səfərimdən 10 ildən artıq vaxt keçib. İnanılmaz bir dəyişikliyin şahidi oldum. Qədim və yeni binaları, geniş yolları ilə Bakı Avropa ölkəsini xatırladır. Gecə şəhərə işıq saçan “Alov qüllələri” memarlıq nümunəsi olaraq məni çox təsirləndirdi”.

Heydər Əliyev adına Beynəlxalq Hava Limanındakı ibadət otaqları da yazarı təəccübləndirib.

O, ibadət otaqlarının təkcə İslam dininə məxsus insanlar üçün deyil, fərli dinlərin nümayəndələri üçün də nəzərdə tutulmasına diqqət çəkib.

Bunu incə, eyni zamanda çox gözəl bir məqam kimi dəyərləndirib.

Yazı ilə ətraflı bu linkdən tanış ola bilərsiniz. http://www.hurriyet.com.tr

 

ŞƏRH YAZ
0

Zaqatala və Qaxda Gənclərin İnkişaf və Karyera Mərkəzinin nümayəndəlikləri fəaliyyətə başlayıb — FOTO

Zaqatala və Qaxda Gənclərin İnkişaf və Karyera Mərkəzinin nümayəndəlikləri fəaliyyətə başlayıb
22:32
Bu gün
1850
Ölkə
A
Ölkə başçısının 1 oktyabr 2019-cu il tarixli, 1454 saylı Sərəncamına uyğun olaraq, 16 noyabr tarixində Zaqatala və Qax rayonlarında yerləşən Heydər Əliyev Mərkəzlərində Gənclərin İnkişaf və Karyera Mərkəzinin (GİKM) nümayəndəlikləri fəaliyyətə başlayıb.

Nümayəndəliklərin əsas fəaliyyəti dövlət gənclər siyasətinin tələblərinə uyğun olaraq, gənclərin hərtərəfli inkişafının təmin olunması, habelə Ümummilli Lider Heydər Əliyevin dövlətçilik fəlsəfəsini, azərbaycançılıq məfkurəsini gənc nəslin daha dərindən mənimsəməsi işinə töhfə verməkdən ibarətdir. Bu xüsusda, gənclərin əlavə bilik və bacarıqlara yiyələnməsi üçün müxtəlif peşə təlimləri və ustad dərsləri, təhsil və təcrübə proqramları, görüşlər, seminarlar, intellektual oyunlar və digər tədbirlər təşkil olunacaqdır. Nümayəndəliklər vasitəsilə regionda yaşayan gənclər dövlət tərəfindən onlar üçün yaradılan imkanlar barədə məlumat və məsləhət almaq, həmçinin müxtəlif proqramlara müraciət və onlarda iştirak etmək imkanı əldə edəcəklər.

Tədbirdə Gənclər Fondunun icraçı direktorunun müavini Qədir Xəlilov, Gənclərin İnkişaf və Karyera Mərkəzinin rəhbəri Rəvanə Həşimova çıxış edərək, Prezident İlham Əliyevin həyata keçirdiyi gənclər siyasəti, ölkəmizdə gənclər üçün yaradılan imkanlar barədə danışıblar.

 

Cənab Prezidentin göstərişi ilə regionlarda açılan GİKM nümayəndəliklərinin gənclərin şəxsi inkişafının, təhsilinin, karyera və peşə seçimlərinin dəstəklənməsi, onların ictimai-sosial həyatda daha aktiv fəaliyyətlərinin təşviq edilməsi işinə töhfə verəcəyi vurğulanıb, gənclər bu imkanlardan yararlanmağa və sıx əməkdaşlığa dəvət olunublar.

Daha sonra tədbir iştirakçıları üçün Zaqatala və Qax rayonlarındakı Heydər Əliyev Mərkəzlərində fəaliyyət göstərən muzeylərə ekskursiya təşkil olunub, eyni zamanda Mərkəzlərin imkanları barədə onlara ətraflı məlumat verilib. Həmçinin, region gəncləri “Gənc Könüllü” proqramına qoşulmaq üçün qeydiyyatdan keçiblər. Tədbirlər musiqili-əyləncəli proqram və intellektual oyunlarla davam etdirilib.

Qeyd edək ki, ölkəmizin şəhər və rayonlarında gənclər üçün inşa edilmiş infrastruktur obyektlərinin təyinatı üzrə və səmərəli fəaliyyətinin, regionlarda yaşayan gənclərin dövlət tərəfindən onlar üçün yaradılmış şəraitdən tam şəkildə yararlanmasının təmin edilməsi ilə bağlı Dövlət başçısının verdiyi göstərişə uyğun olaraq, bir müddət öncə Cəlilabad, Masallı, Quba və Qusar rayonlarında Gənclərin İnkişaf və Karyera Mərkəzləri fəaliyyətə başlayıb, bu ilin sonu və növbəti ilin ilk rübü ərzində isə ölkənin bütün şəhər və rayonlarında Gənclərin İnkişaf və Karyera Mərkəzinin nümayəndəlikləri yaradılacaqdır.

 

ŞƏRH YAZ
0

Roza Zərgərli və Namiq Məna təltif edildi

Roza Zərgərli və Namiq Məna təltif edildi
21:17
Bu gün
3457
Ölkə
A
Prezident İlham Əliyev "Sumqayıt şəhərinin sosial-iqtisadi inkişafında xidmətləri olan şəxslərin təltif edilməsi haqqında" sərəncam imzalayıb.

“Ölkə.Az” xəbər verir ki, "Tərəqqi" medalı ilə təltif edilənlər arasında müğənni Roza Zərgərli ilə meyxanaçı Namiq Məna da var.

Bundan başqa, aktyor Mətləb Səfərli də eyni medalla təltif olunub.

Ölkə.Az

ŞƏRH YAZ
0
BAĞLA