Məşhurlar efirdə Şahin Zəkizadə üçün göz yaşı tökdülər

Ölkə.Az xəbər verir ki, müğənni Roza Zərgərli, əməkdar artist Vəfa Zeynalova, aktrisa Pərvin Abıyeva, aparıcı Xədicə Sənanqızı rejissorla bağlı xatirələrini bölüşüblər.

R.Zərgərli bildirib ki, rejissor xəstəxana olanda ona baş çəkməyib:

"Mən əməliyyat olanunda Şahin 3 dəfə mənim yanıma gəldi. Amma o xəstəxanada yatanda mən getmədim. Ailəmdə 7 nəfər bu xəstəliyə düçar olub. Ən yaxın insanlarımı belə görə bilmirəm. Şahinin yanına gedib o cür xatırlamaq istəmirdim. Onun üçün getmədim. Şahin özü də başa düşürdü ki, nə üçün gəlmirəm. Mən onu saçsız, o cür çarəsiz görməmək, həmin vəziyyətdə xatırlmamaq üçün getmədim. Öldüyünü biləndən sonra onunla fotomuzu İnstaqramda paylaşdım".

V.Zeynalova isə Şahinin tənbəl olduğunu bildirib:

"Şahin çox istedadlı, yaradıcı beyinə malik idi. Onunla fikr mübadilələrimiz çox olurdu. Film planlarımız vardı. Onunla son söhbətimizdə demişdi ki, ömürlük cəzaya məhkum olmuş insanlar haqda film çəkmək istəyirəm. Amma bacarmadı. Qisməti beləymiş. Ailəsinə səbr diləyirəm".

X.Sənanqızı isə onun yanına son günlərdə getdiyini söyləyib:

"Onunla münasibətimiz çoxdan var idi. İstedadlı, yaraşıqlı, mükəmməl insan idi. O, mənə bir dəfə zəng edib dedi ki, "Həkimlər" serialına başlayıram. Kömək edərsənmi? Heç düşünmədən razılaşdım. Şahinin yanına gedə bilmirdim. Onu o vəziyyətdə görmək istəmirdim. Amma hər gecə başımı yastığa qoyanda ilk duam onun üçün idi. Son günlər artıq dözə bilmədim getdim. Qardaşı ilə danışdım".

P.Abıyeva da onunla tanışlığını və təəssüratalarını danışarkən kövrəlib:

"Sənətə ilk gəldiyim vaxtlarda onunla tanış oldum. Şahin mənə "Sevdiyim düşmən" adlı serial təklif etmişdi. Onu qəbul etdim. Çox gözəl və yaradıcı ssenari idi. İdeyaları gözəl idi. Amma o ideyaları həyata keçirdə bilmirdi. Maliyyə sıxıntıları çox idi. Amma inanırdım ki, bu istəyini həyata keçirəcək. Anonsu və 1 seriyası çəkilməsinə baxmayaraq, yarımçıq qaldı. Şahin xəstələnməmişdən 1 həftə öncə mənə zəng edib dedi ki, o iş ürəyimdə qalıb onu edəcəm, razısan? Razılıq verdim, dedim ki, əgər maliyyə sıxıntısı olarsa, sat bu işi. Onsuz da borcun çoxdur. 1 həftə sonra xəstəxanaya düşdü. İlk vaxtlar yanına getdim, amma sonra dözmədiyim üçün daha sonra getmədim".