Məşhurlar hansı namizədə səs verəcəklər? — SORĞU

Məşhurlar hansı namizədə səs verəcəklər?
12:28
11.04.2018
5634
Maqazin
A
Tanınmış sənətçilər prezident seçkisində səs verəcəkləri namizədin adını açıqlayıblar.

 "Ölkə.Az" bir qrup sənətçinin seçki barədə dediklərini olduğu kimi diqqətinizə çatdırır.

Xalq artisti Sadıq Zərbəliyev:
"Bu gün doğum günümdür, 67 yaşım tamam olur. Təbii ki, səsimi cənab prezident İlham Əliyevə verəcəyəm.  Çünki o digər peşə sahiblərinin olduğu kimi, biz sənət adamlarının da ən yaxın dostu, dayağıdır". 

Müğənni Yaşar Yusub:
"Hazırda efirdəyəm. Buradan çıxıb səsverməyə gedəcəyəm. Təbii ki, namizədim İlham Əliyevdir".

Müğənni Emil Bədəlov:
"Mən seçimimi çoxdan etmişəm-İlham Əliyev".

Xanəndə Kamilə Nəbiyeva:
"Gün ərzində səsvermədə iştirak edəcəyəm. Seçimim mədəniyyətimizin, muğamımızın dəstəkçisi, dayağı İlham Əliyevdir. "
Bəstəkar-hüquqşünas Ruslan Əhmədoğlu : 
"Bu seçkidə təkcə seçici kimi yox, həm də müşahidəçi kimi iştirak edirəm. Müşahidə etdiklərimdən deyə bilərəm ki, seçkilər tam şəffaf və demokratik keçirilir. Kimə səs verəcəyimə gəlincə, mənim prezidentim cənab İlham Əliyevdir".

Aktyor Faiq Mirzəyev:  

"Seçki bülletenimi verməyiblər. Ona görə də səs verə bilməyəcəyəm. Daha doğrusu, yeni mənzilə köçdüyümüzə görə harada səs verməli olduğumu bilmirəm. Amma səs verə bilsəydim, təbii ki, seçimim cənab İlham Əliyev olardı". 

Xalq artisti Bilal Əliyev:

"Mən hər zaman Heydər Əliyev siyasi kursunu dəstəkləmişəm. Bu seçkilərdə də Ulu Öndərin siyasi kursunun layiqli davamçısı, bütün mədəniyyət xadimlərinin dostu, Cənab İlham Əliyevə səs verəcəm. Hər zaman olduğu kimi bu seçki kampaniyasında da fəal iştirak etdim və bununla da qürur duyuram. Yaşasın, müstəqil Azərbaycan!"

Qeyd edək ki, bu seçkidə səkkiz namizəd Azərbaycan prezidenti olmaq uğrunda mübarizə aparır. 

İntiqam VALEHOĞLU  
Ölkə.Az

ŞƏRH YAZ
0

Tanınmış türkiyәli müğәnni Gülben Ergen sevgilisindәn ayrıldı

Tanınmış türkiyәli müğәnni Gülben Ergen sevgilisindәn ayrıldı
23:24
24.09.2018
854
Maqazin
A
Bir neçә ay bundan әvvәl eşq yaşamağa başlayan Gülben Ergen vә Burak Törer cütlüyü ayrılıb.

"Ölkә.Az" xәbәr verir ki, Burak Törer "whatsapp"da Gülbenә göndәrdiyi ayrılıq mesajını İnstaqram hesabından paylaşıb:

"Mәn vә ailәm sәni hәmişә sevgi ilә xatırlayacağıq. Eşqlә deyil, dostluqla davam edәcәk yolumuzda düşmәnlәrimizin üzünü güldürmәyәcәk qәdәr möhkәm tәmәl atmışıq. Ailәmә vә çәnә olan hörmәtin üçün, hәr gözәl gün üçün sәnә tәşәkkür edirәm vә şahidi olduğum möhtәşәm analığın üçün sәni tәbrik edirәm"

Ölkә.Az

ŞƏRH YAZ
0

"Sözü üzə dediyimə görə məni sevmirlər" — Azәrbaycanlı aktrisa + FOTO

22:54
24.09.2018
622
Maqazin
A
"Ölkә.Az" әməkdar artist Hüsniyyə Mürvətovanın Milli.Az-a müsahibəsinı tәqdim edir:

- Hüsniyyə xanım, müsahibələrinizdə hər zaman sənətinizi dəlicəsinə sevdiyinizi deyirsiniz. Sənət də sizi dəlicəsinə sevir?

- Mən sənətimi, sənətim də məni sevir. İstedadım olmasaydı, sənət də məni sevməzdi. Sənət məhz istedadlı insanları sevir.

- Bu gün sənətdə istedadsız insanlar çoxdur?

- Var, amma mən istedadsız insanları sənətdə qəbul etmirəm. İstedadlı insan düşmənim belə olsa onu çox sevirəm.

- Düşməniniz çoxdur?

- Məni sevməyənlər var, onlarla heç bir düşmənçiliyim yoxdur. Bu təbiidir. Bizi hər kəs sevə bilməz axı.

- Niyə sizi sevmirlər?

- Sözü üzə deyirəm ona görə. Ətrafımda bir-iki insan var ki, bilirəm ki, o, məni sevmir. Mən də onu sevmirəm, qarşılıqlıdır. Bəlkə də mən onu sevmədiyimə görə sevmir məni.

- Kimisə sevməyəndə bunu ona deyə bilirsiniz?

- Mən sevmədiyim insana heç vaxt göstərə bilmirəm ki, səni çox istəyirəm. Maskalana bilmirəm. O adam hiss edir ki, onu sevmirəm.

- Teatr, kino, yoxsa dublyaj?

- Ən birinci teatr. Çünki mən ilk addımlarımı teatrda atmışam. 16 yaşından teatrda fəaliyyət göstərirəm. Hələ seriallar çəkilməyəndə məni dövlət kanalında seriallara çəkirdilər. Daha sonra da dublyajda səsimi üzə çıxardılar.

- Teatrı görməyən aktyorun-aktrisanın seriala çəkilməsi doğrudur?

- Əgər həmin sənətçinin fitri istedadı varsa, çəkilsin. İstərdim ki, gənclərimizin əksəriyyəti teatrda işləsin. Amma son illərdə heç görmürəm ki, gənclər teatra həvəs göstərsinlər. İndiki gənclər daha çox maddiyatı fikirləşirlər. Bu da maddi vəziyyətlə bağlıdır. Mən sənətə gələndə pulu fikirləşməmişdim. Bir seriala çəkilirlər elə bilirlər ki, bundan yoxdur.

- Gəncliyinizdən istifadə edib sizə haqsızlıq edənlər olub?

- Bəli, çox olub. Ağlamışam, deyinmişəm. Daha sonra haqq-ədalət öz yerini tutub. Bəlkə də onlar olmasaydı, mən Hüsniyyə Mürvətova olmazdım.

- Bugünkü yerinizdən razısınız?

- Düşünürəm ki, çox şey edə bilərdim. Daha çox rollar oynaya bilərdim. Məndən rejisssolar hələ də layiqincə istifadə etmirlər.

- Hansı obrazın arzusundasınız?

- Rejissor məni hansı obrazda görürsə, həmin obraz mənim üçün arzuolunandır. Teatrda bir çox əsərlər oynamışam.

- "Kaş aktrisa olmazdım" dediyiniz məqamlar olub?

- Xeyr, heç vaxt bundan şikayətlənməmişəm. Mən düşünmürəm ki, başqa bir sənətdə işləyə bilməzdim.

Ölkә.Az

ŞƏRH YAZ
0
BAĞLA