Məsut Özil Həzrəti Əlidən sitat gətirdi

Məsut Özil Həzrəti Əlidən sitat gətirdi
08:59
15.12.2019
8317
Maraqlı
A
“Arsenal” klubunun türk əsilli futbolçusu Məsut Özil özünün “Twitter” səhifəsində Çində uyğurlara qarşı həyata keçirilən təqiblərə səssiz qalan müsəlmanları tənqid edib.

"Ölkə.Az" oxu.az-a istinadən xəbər verir ki, o, aşağıdakları yazıb:

“Şərqi Türküstan – İslam ümmətinin qanayan yarasıdır. Uyğurlar – təqiblərə müqavimət göstərən döyüşçülər, insanları zorla İslamdan uzaqlaşdırmağa çalışanlara qarşı təklikdə mübarizə aparan şərəfli möminlərdir”. 

Futbolçu qeyd edib ki, Çində Quran kitabları yandırılır, məscid və dini tədris edən məkanlar bağlanılıb, din xadimləri bir-birinin ardınca öldürülür:

“Bütün bunlara baxmayaraq, müsəlmanlar susur. Məgər onlar bilmir ki, təqiblərə razılıq vermək onu edənlərlə şərik olmaqdır. Peygəmbərin kürəkəni, Həzrəti Əli demişdi: “Zülmün qarşısını ala bilmirsinizsə, onu ifşa edin”.

Ölkə.Az

ŞƏRH YAZ
0

Zaqatala sakinindən maraqlı ixtira — VİDEO

Zaqatala sakinindən maraqlı ixtira
00:03
Bu gün
253
Maraqlı
A
Zaqatala sakini evinin bütün enerji sistemini idarə etmək üçün xüsusi qurğu hazırlayıb.

"Ölkə.Az" oxu.az-a istinadən xəbər verir ki, 44 yaşlı Sahib Şahmalıyevin ərsəyə gətirdiyi kənardan idarə edilən kombi sistemi öz üstünlükləri ilə ağıllı ev sistemindən fərqlənir. 

Belə ki, bu sistem vasitəsi ilə, yalnız kombi və yaxud hansısa qaz cihazını deyil, evdə istifadə edilən bütün enerji sistemini yalnız internet şəbəkəsinə qoşulmuş smartfon telefonları ilə istənilən məsafədən idarə etmək mümkündür. 

S.Şahmalıyev bu sistemin hətta böyük müəssisə, zavod, fabrik və yaxud çoxmənzilli binaların qazanxanalarında da tətbiq etməyin mümkün olduğunu bildirir. Hələlik tətbiq etdiyi yenilikdə hər hansı bir qazanc məqsədi güdməyən mühəndis bu sistemin ona 300-400 manat civarında xərcə başa gəldiyini vurğulayır.

Elmin və texnikanın inkişaf etdiyi dövrdə bu cür sistemlərin geniş şəkildə tətbiqi insanların rahatlığı üçün məqsədə uyğundur.

ŞƏRH YAZ
0

Ötən il 200 milyarddan çox mobil tətbiq yüklənilib — REKORD

Ötən il 200 milyarddan çox mobil tətbiq yüklənilib
22:53
18.01.2020
357
Maraqlı
A
2019-cu ildə dünyada istifadəçilər 204 milyard mobil əlavə yükləməklə rekorda imza atıblar. Bu, 2018 və 2016-cı illərlə müqayisədə müvafiq olaraq 6 və 45 faiz çoxdur.

"Ölkə.Az" "ICTnews"a istinadən xəbər verir ki, ötən il istifadəçilər tərəfindən qlobal miqyasda mobil proqramların alışına, eləcə də onlar daxilində abunə və kontentə 120 milyard dollar sərf edilib.

Bu, 2016-cı ilin xərclərini iki dəfədən çox üstələyir. İnsanlar belə proqram və oyunlarda orta hesabla gündə 3 saat 40 dəqiqə keçiriblər ki, bu da 2017-ci ildən 35 faiz çoxdur.

Smartfon və planşet sahibləri arasında mobil oyunlara tələbat daha böyükdür. 2019-cu ildə istifadəçilərin bütün mobil əlavələr arasında xərclərinin 72 faizi (86 milyard dollar) oyunların payına düşüb. 2020-ci ildə bu rəqəm 100 milyard dolları ötə bilər. Ötən il istifadəçilər mobil oyunlara ümumilikdə bütün digər oyun növləri ilə müqayisədə 25 faiz daha çox pul xərcləyiblər.

2019-cu ildə mobil əlavələri ən çox Çin, Hindistan, ABŞ, Braziliya və İndoneziya sakinləri yükləyiblər.

Tədqiqatda, həmçinin qeyd olunur ki, müasir smartfonun ekranı televizoru tam əvəzləyib. Video və əyləncələrə baxmaq üçün istifadəçilər həmişə əl altında olan kiçik ekrana üstünlük verməyə başlayıblar. Bununla yanaşı, ötən il dünya istifadəçiləri əyləncəli mobil əlavələrdə iki il əvvəllə müqayisədə 1,5 dəfə çox vaxt keçiriblər.

Sosial şəbəkələr lider olaraq qalır: mobil əlavələrə sərf edilən vaxtın yarısı sosial şəbəkə və messencerlərin payına düşür. Bundan əlavə, istifadəçilər ünsiyyət üçün yeni əlavələr yükləməkdə davam edirlər: təkcə 2019-cu ildə 9,5 milyard ünsiyyət proqramı yüklənilib.

Ölkə.Az

ŞƏRH YAZ
0
BAĞLA