\"Mətanət videonu çəkənin anasına dedi ki, biz sənin qarşında diz çökürük\"

 Müğənni "Ölkə.Az"ın əməkdaşıyla söhbətində bildirib ki, "Hər şey daxil" verilişinə telefon bağlantısıyla qoşularaq dediyi sözlər yanlış anlaşılıb:

"Həmin şəxsin kim olduğunu araşdırdıq. Məlum oldu ki, şəhid qardaşıdır. Onun telefonundan həmin videonu kimsə götürüb yayıb. Sonra anası, atası, qardaşı, özü dedi ki, Mətanət xanım, qarşınızda diz çökürəm. Mətanət də dedi ki, ay ana, biz sənin qarşında diz çökürük. Çünki sən şəhid anasısan. Söhbət belə olub. Amma orda kimisə vurmaq, diz çökdürmək söhbəti olmayıb. Sadəcə, özləri dedilər ki, qarşında diz çökürük".

Qeyd edək ki, məclislərin birində müğənni Mətanət Əsədovanın spirtli içki içərkən çəkilən videosu sosial şəbəkələrdə müzakirəyə səbəb olub. Əsədova isə mətbuata açıqlamasında limon suyu içdiyini deyib.

İntiqam VALEHOĞLU
Ölkə.Az