Mətanətin \"Maşın\" şouda saxtakarlıq var\" iddiasına Muraddan CAVAB

"Ölkə.Az" Axşam.az-a istinadən xəbər verir ki, aparıcının öz çalışdığı kanalda yayımlanan bir şounu saxtakarlıqda ittiham etməsi hər kəsi şok edib. Xalq artisti, şounun layihə rəhbəri və aparıcısı M.Dadaşov veriliş zamanı üstüörtülü məsələyə aydınlıq gətirib:

""Maşın" haqqında orada-burada çoxlu söz-söhbətlər dolaşır. Bu illər ərzində "Maşın"ın bir vacib cəhəti var ki, oyun, həqiqətən də, ədalətlidir. Əgər oyun ədalətli olmasaydı, 16 sürət və hər sürətdə 18 nəfər iştirakçı toplanmazdı. Özü də onların hər biri həyatda uğur qazanmış və özünə hörmət edən tanınmış simalardır. Oyun ədalətsiz getsəydi, hər hansı pozuntular baş versəydi, heç kim ikinci dəfə buraya gəlməzdi. Heç kim oyunu özündən artıq hesab etmir. Murad Dadaşovun hörməti və dəvəti öz yerindədir. Amma heç kim Murad Dadaşovu belə özündən artıq hesab etmir. Hamı özünə arxayındır".

Qeyd edək ki, Mətanət "Maşın"da aparıcı Aytən Əliverdiyeva ilə səsverməyə çıxmışdı. Nəticədə isə Əliverdiyeva getsinə çox səs toplayıb və özü şoudan uzaqlaşmışdı. "10-dan sonra" verilişinə qonaq olan zaman isə aparıcı "SMS-lər düzgün hesablanmır" açıqlamasını vermişdi. Aparıcı Yusif Ağayev isə Mətanətə gözünü ağardaraq açıqlamanı yarımçıq kəsmişdi. Daha sonra ATV "Youtube" kanalına yüklənən videoda həmin görüntüləri silsə də, sosial şəbəkədə video artıq yayılmışdı.