Mətbuat Şurasının 15 illik yubileyi qeyd edildi — FOTOLAR

Mətbuat Şurasının 15 illik yubileyi qeyd edildi
21:16
14.03.2018
11397
Ölkə
A
Azərbaycan Mətbuat Şurasının 15 illik yubileyinə həsr olunan mərasim keçirilib.

"Ölkə.Az" Azərtac-a istinadən xəbər verir ki, mərasimdə Azərbaycan Respublikası Prezidentinin ictimai-siyasi məsələlər üzrə köməkçisi Əli Həsənov, dövlət və hökumət qurumlarının, diplomatik korpusun nümayəndələri, Mətbuat Şurası İdarə Heyətinin üzvləri, Milli Məclisin deputatları, media təmsilçiləri iştirak ediblər.

Prezidentin köməkçisi Əli Həsənov tədbirdə çıxış edərək Mətbuat Şurasının 15 illik fəaliyyətini yüksək qiymətləndirib. Mətbuat Şurasının milli mətbuatımızın müasir inkişafına dəyərləri töhfələr verdiyini vurğulayan Əli Həsənov deyib: “Bildiyiniz kimi, bir neçə gün bundan əvvəl Azərbaycan jurnalistlərinin VII qurultayı keçirildi və bu qurultayda Prezident İlham Əliyevin təbrik məktubunu səsləndirdim. Bu təbrik məktubunda Mətbuat Şurasının fəaliyyətinə çox yüksək qiymət verilib. Məktubda Azərbaycan cəmiyyətində media-dövlət, media-vətəndaş münasibətlərinin formalaşmasında, media mənsubları ilə ayrı-ayrı subyektlər arasındakı münasibətlərin sivil normalarının bərqərar olmasında Mətbuat Şurasının rolu qeyd edilib. Ötən müddətdə mətbuatın özünütənzimləmə mexanizminin, o cümlədən jurnalistlərin əxlaq kodeksinin yaradılması və media nümayəndələri arasında təbliği işində Mətbuat Şurasının fəaliyyətinə yüksək qiymət verilib. Mətbuat Şurasının fəaliyyətinə ulu öndər Heydər Əliyev də yüksək qiymət vermişdi”.

Prezidentin köməkçisi vurğulayıb ki, Mətbuat Şurası cəmiyyətimizdə, jurnalist ictimaiyyətində, bu quruma müraciət edən ayrı-ayrı vətəndaşlar arasında, həmçinin dövlət qurumları arasında nüfuz qazanıb. İnanırıq ki, Mətbuat Şurası fəaliyyətini getdikcə daha da möhkəmləndirəcək.

Mətbuat Şurasının sədri, Milli Məclisin deputatı Əflatun Amaşov bildirib ki, Şura son 15 ildə Azərbaycanda söz və fikir azadlığının inkişafında böyük rol oynayıb. Mətbuat Şurası 15 il bundan əvvəl 250-yə yaxın kütləvi informasiya vasitəsi, jurnalist təşkilatı tərəfindən təsis edilib. Yarandığı gündən indiyədək Şuraya 12 mindən çox şikayətin daxil olduğunu vurğulayan Ə.Amaşov qeyd edib ki, Şura bütün bu şikayətləri araşdırıb və lazımi qiymət verilib. Azərbaycan dövləti Mətbuat Şurasına daim dəstək verib. Dövlətimiz Şuranın kütləvi informasiya vasitələrinin maddi-texniki bazasının möhkəmləndirilməsi, jurnalistlərin mənzil-məişət şəraitinin yaxşılaşdırılması ilə bağlı təkliflərini dəstəkləyib.

BMT-nin Azərbaycandakı rezident əlaqələndiricisi Qulam İshaqzai bildirib ki, Mətbuat Şurası 15 il ərzində böyük inkişaf yolu keçib. BMT Azərbaycanda müstəqil medianın inkişafında maraqlıdır. Biz Mətbuat Şurası ilə əməkdaşlıq edirik. Bu əməkdaşlıq çərçivəsində azərbaycanlı jurnalistlərə təlimlər keçiriləcək.

Avropa Şurasının Bakı ofisinin rəhbəri Zoltan Hernyes qeyd edib ki, Mətbuat Şurası yarandığı gündən bizim qurumla sıx əməkdaşlıq edir. Mətbuat Şurası bizim uğurlu tərəfdaşımızdır.

Professor Şirməmməd Hüseynov çıxışında Azərbaycan mətbuatının tarixindən danışıb. Ölkəmizdə mətbuata xüsusi dövlət qayğısının olduğunu deyən Ş.Hüseynov məhz həmin qayğının nəticəsində bu sahədə xeyli nailiyyətlərin qazanıldığını vurğulayıb. O, Mətbuat Şurasının 15 illik fəaliyyətinin təqdirəlayiq olduğunu bildirərək əminliyini ifadə edib ki, mətbuat sahəsində uğurlarımız davamlı olacaq.

Sonra Azərbaycan Mətbuat Şurasının 15 illik fəaliyyəti ilə bağlı videoçarx nümayiş olunub.

Daha sonra Azərbaycan jurnalistikasında xüsusi xidmətləri olan bir qrup şəxsə ali media mükafatı təqdim edilib.

Tədbir konsert proqramı ilə davam edib.

Ölkə.Az

ŞƏRH YAZ
0

Yeyib-içdiyi evdə öncə qadını, sonra özünü bıçaqladı

Yeyib-içdiyi evdə öncə qadını, sonra özünü bıçaqladı
12:06
Bu gün
268
Ölkə
A
Gəncədə bıçaqlanma olub.

"Ölkə.Az" Qafqazinfo-ya istinadən  xəbər verir ki, şəhər sakini 30 yaşlı İsmayılov Amin bayram günü qohumu 34 yaşlı Abbasova Gülmiragilə gedərək orada yeyib-içib.

Daha sonra səbəbi bilinməyəmn mübahisə səbəbindən Amin öncə Gülmiranı, sonra özünü bıçaqlayıb. Hər iki yaralı xəstəxanaya yerləşdirilib. Vəziyyətlərinin ağır olduğu bildirilir.

Faktla bağlı araşdırma aparılır.

Ölkə.Az

ŞƏRH YAZ
0

İraqda faciə: 93 müsəlman belə can verdi — DƏHŞƏTLİ VİDEO

İraqda faciə: 93 müsəlman belə can verdi
11:35
Bu gün
1438
Ölkə
A
Mosuldan keçən Dəclə çayındakı qayıq qəzasında həlak olanların sayı artır.

 “Ölkə.Az” xəbər verir ki, hazırda 93 nəfərin öldüyü bilinir. Bundan əlavə, qəzanın görüntüləri üzə çıxıb.

Qəza ilə bağlı 9 nəfər saxlanılıb. Baş nazir Adil Abdulmehdi hadisə ilə bağlı istintaqda şəxsən iştirak etmək Mosula səfər edib. Bundan başqa baş nazir Mosulda yüksək rütbəli hərbçilərlə iclas keçirdi.

Yerli mətbuat 50 nəfərlik qayığa 170 nəfərdən çox sərnişinin mindiyini yazır. Rəsmi mənbələr isə qəza ilə bağlı heç bir açıqlama vermir.

Hikmət Həsənov
Ölkə.Az

ŞƏRH YAZ
0
BAĞLA