Metroda qatarın altına düşən şəxs narkoman olub

Metroda qatarın altına düşən şəxs narkoman olub
21:57
20.04.2017
62
Hadisə
A
Aprelin 19-da axşam saatlarında metronun "Nizami" stansiyasında özünü qatar relsinin üzərinə atan Fərid İmanov narkomaniyadan əziyyət çəkir.

Ölkə.Az xəbər verir ki, bu barədə Trend-ə açıqlamasında F.İmanovun yerləşdirildiyi 1 saylı Kliniki Tibbi Mərkəzin baş həkimi Ədalət Dadaşov bildirib. Baş həkim bildirib ki, xəstə hazırda komadan ayılıb: "Xəstə komada deyil. Onun açıq kəllə-beyin travması var. Amma hazırda onu süni yolla yatızdırırlar ki, oyanıb özünə xəsarət yetirməsin. Hazırda xəstənin müalicəsi davam etdirilir".

Xatırladaq ki, aprelin 19-da axşam saat 22:44 radələrində metronun "Nizami" stansiyasında, 1985-ci il təvəllüdlü Fərid İmanov özünü qatar relslərinin üzərinə atıb. F.İmanov metro nəzarətçilərinin köməyi ilə relslərin üzərindən götürülərək təcili xəstəxanaya çatdırılıb.

ŞƏRH YAZ
0

Xəzərdə zəlzələ

Xəzərdə zəlzələ
22:18
20.05.2018
2070
Hadisə
A
Xəzər dənizində zəlzələ baş verib.

"Ölkə.Az"ın Azərbaycan Milli Elmlər Akademiyası nəzdində Respublika Seysmoloji Xidmət Mərkəzinə istinadən məlumata görə, yerli vaxtla saat 20:48-də Xəzər dənizində zəlzələ qeydə alınıb.

Maqnitudası 3,1 bal olan və 61 km dərinlikdə yerləşən zəlzələ hiss olunmayıb.

Ölkə.Az

ŞƏRH YAZ
0

Zaqatalada iki maşın toqquşdu — Yaralananlar var

Zaqatalada iki maşın toqquşdu
22:01
20.05.2018
1576
Hadisə
A
Zaqatalada iki minik avtomobilinin toqquşması nəticəsində 4 nəfər xəsarət alıb.

"Ölkə.Az"ın APA-ya istinadən məlumatına görə, hadisə bu gün Yevlax-Zaqatala- Gürcüstan sərhəd magistral yolunun 132-ci kilometrliyində, Zaqatala rayonu Qazangül qəsəbəsi ərazisindən keçən hissəsində baş verib.

Balakən şəhər sakini 1973-cü il təvəllüdlü Telman Sabir oğlu Kazımovun idarə etdiyi “VAZ 2109” markalı 10 MK 147 dövlət nömrə nişanlı minik avtomobili ilə Zaqatala şəhər sakini Şaban Ərəb oğlu Ərəbovun idarə etdiyi “VAZ 2108” markalı 62 BH 813 dövlət nömrə nişanlı minik avtomobili toqquşub. Qəzadan sonra VAZ 2109 markalı avtomobildə sərnişin qismində olan Balakən rayonu Qazbinə kənd sakini 1997-ci il təvəllüdlü Arzu Rəcəb qızı Bayramova, VAZ 2108 markalı avtomobilin sürücüsü Şaban Ərəbov, onun avtomobilində olan sərnişinlər Zaqatala rayonu Yuxarı Tala kənd sakini 1992-ci il təvəllüdlü Nübar Cəmal qızı Hacıyeva və Balakən rayonu Qullar kənd sakini 1983-cü il təvəllüdlü Aynurə Təmraz qızı İsayeva Zaqatala Mərkəzi Rayon Xəstəxanasına (MRX) aparılıblar.

MRX-dan bildirilib ki, yaralılardan Arzu Bayramova xəstəxananın reanimasiya şöbəsinə,  Şaban Ərəbov isə cərrahiyə şöbəsinə yerləşdiriliblər, vəziyyətləri orta-ağır qiymətləndirilir.  Digər yaralılar Nübar Hacıyeva və Aynurə İsayevanın vəziyyətləri yüngül olduğundan onlara xəstəxanada yardım göstərildikdən sonra ambulator müalicə almaq şərti ilə evə buraxılıblar.

Faktla bağlı DİN-nin Dövlət Yol Polisi İdarəsinin Baş İstintaq və Təhqiqat bölməsində araşdırma aparılır.

Ölkə.Az

ŞƏRH YAZ
1
BAĞLA