Metronun qarşısına tikinti materialları töküb ağacları kəsdilər, narazılıq yarandı — FOTO + VİDEO

Metronun qarşısına tikinti materialları töküb ağacları kəsdilər, narazılıq yarandı
12:59
12.08.2017
335
Ölkə
A
Metronun "Xalqlar dostluğu" stansiyasının yaxınlığında, Qara Qarayev prospektində yerləşən obyekt sahibləri "Ölkə.Az"a müraciət ediblər.

Sahibkarlar bildirirlər ki, iki gündür ərazidə yeni obyektin tikintisinə başlanılıb və xeyli tikinti materialı onların obyektinin qarşısına tökülüb:

"Tikinti materiallarını obyektin qarşısına töküblər. Həm də avtomobillərin hərəkətinə mane olur. Kimə müraciət edəcəyimizi bilmirik. Əgər kimsə özünə obyekt tikdirirsə, digərlərini də nəzərə almalıdır. Çünki biz bura yüksək məbləğdə icarə haqqı ödəyirik. Bir gün alver pis olanda aylıq xərclərə ciddi təsir göstərir. Həmçinin burada yaşıllıq məhv edilir, ağaclar kəsilir".

Şikayətçiləri Qara Qarayev prospekt 59 ünvanından göndərdiyi foto və videonu təqdim edirik.

İntiqam VALEHOĞLU
Ölkə.Az

ŞƏRH YAZ
0

Liseylərin V və VII siniflərinə qəbulla bağlı müsabiqə keçirilib

Liseylərin V və VII siniflərinə qəbulla bağlı müsabiqə keçirilib
19:45
Bu gün
210
Ölkə
A
Bakı Şəhəri üzrə Təhsil İdarəsinin (BŞTİ) tabeliyindəki lisey və məktəb-liseylərin V və VII siniflərinə qəbulla bağlı müsabiqə keçirilib.

BŞTİ-dən "Ölkə.Az"a verilən məlumata görə, müsabiqədə şagirdlər ana dili, riyaziyyat və məntiqə aid 60 sualdan ibarət test tapşırığını yerinə yetiriblər.

V sinfə qəbul üzrə müsabiqədə sualların cavablandırılması üçün şagirdlərə 80 dəqiqə, VII sinfə qəbul üzrə müsabiqədə isə 1 saat 40 dəqiqə vaxt verilib.

Bildirilib ki, Texniki-Humanitar Lisey, 2 nömrəli Texniki-Humanitar Lisey, 147 nömrəli Texniki-Humanitar Lisey və 291 nömrəli Ekologiya Liseyinin V sinfinə qəbul üçün müsabiqədə 1 315 nəfər iştirak edib. Onlardan 848-i Texniki-Humanitar Liseyə, 111-i 2 nömrəli Texniki-Humanitar Liseyə, 171-i 147 nömrəli Texniki-Humanitar Liseyə, 185-i isə 291 nömrəli Ekologiya Liseyinə qəbul üçün müsabiqəyə qatılıb.

BŞTİ-nin tabeliyindəki 23 məktəb-lisey və liseyin VII sinfinə (20, 62, 70, 72, 83, 166, 213, 220, 246, 252, 261, 264, 267, 275, 299, 49, MLK, 2 nömrəli Texniki-Humanitar Lisey, 147 nömrəli Texniki-Humanitar Lisey, 291 nömrəli Ekologiya Liseyi, Texniki-Humanitar Lisey, 16 nömrəli Texniki-Humanitar Lisey, 287 nömrəli “Zəkalar” Liseyi) qəbul üçün müsabiqədə isə təmayül istiqamətlərinə uyğun olaraq (humanitar, texniki, təbiət) 2142 şagird iştirak edib.

ŞƏRH YAZ
0

Nazirlik tülküyə işgəncə verən şəxsi cərimələdi

Nazirlik tülküyə işgəncə verən şəxsi cərimələdi
18:36
Bu gün
900
Ölkə
A
Son günlər vəhşi heyvana qarşı qəddarlıq göstərərək nümayişkaranə surətdə sosial şəbəkədə video görüntüləri yayan şəxsin tapılması məqsədilə Azərbaycan Heyvanların Qorunması Cəmiyyətinin Heyvan Haqları üzrə inzibatçısı Fərid Mansurov tərəfindən aidiyyəti qurumlara müraciət olunub.

Ekologiya və Təbii Sərvətlər Nazirliyinin (ETSN) mətbuat xidmətindən "Ölkə.Az"a verilən məlumata görə, müraciət Heydər Əliyev Fondu tərəfindən nəzarətə götürülüb.

Nərimanov rayonu 18-ci polis bölməsinin əməkdaşları tərəfindən tülküyə işgəncə verən şəxslə bağlı araşdırmalara başlanılıb. Araşdırma zamanı tülkü ilə rəhmsiz davranaraq sosial şəbəkədə görüntüləri yayan şəxsin Bakı şəhəri sakini Akif Həsənov olduğu müəyyən edilib. A.Həsənov hadisəni etiraf edərək səhvini boynuna alıb. 

ETSN tərəfindən qanun pozucusu inzibati xəta törətdiyinə görə 500 manat məbləğində cərimə olunub və cərimənin ödətdirilməsi təmin edilib.

ŞƏRH YAZ
0
BAĞLA