“Metropoliten yay qrafikinə keçdi, sıxlıq yaşandı” — RƏSMİ AÇIQLAMA

“Metropoliten yay qrafikinə keçdi, sıxlıq yaşandı”
10:49
14.06.2018
1375
Ölkə
A
Bu gün səhər saatlarında Bakı metropoliteninin bir neçə stansiyasında, xüsusən də “Elmlər Akademiyası” stansiyasında sıxlıq yaşanıb. Sıxlığın səbəbi isə pik saatlar olmasına baxmayaraq hər istiqamətə eskalatorlardan yalnız birinin işləməsi olub.

“Ölkə.Az” xəbər verir ki, sıxlıqla əlaqədar sərnişinlər metropoliten əməkdaşlarını günahlandırıb və mübahisə yaşanıb. Əməkdaşlar isə sərnişinlərə kobud formada əlavə eskalatoru işə salmaq səlahiyyətlərinin olmadığını bildiriblər.

Qurumun mətbuat xidmətinin rəhbəri Bəxtiyar Məmmədov məsələylə bağlı “Ölkə.Az”ın suallarını cavablandırıb. Onun sözlərinə görə, ekskalatorların yalnız birinin işlək olması Metropolitenin bu gündən yay rejiminə keçməsi ilə bağlıdır.

“Metropolitenin aidiyyatı strukturlarının mütəxəssisləri tərəfindən bir müddət sərnişinlərin monitorinqi aparılıb. Və nəticələrə əsasən iyunun 14-dən eskalatorların qrafikinin dəyişdirilməsi qərarı verilib”, - deyə qurum rəsmisi əlavə edib.

Bəxtiyar Məmmədov onu da qeyd edib ki, istənilən stansiyada, günün saatından asılı olmayaraq sıxlıq yaşanarsa, əlavə eskalatoru işə salmaq mümkündür: 

“Stansiya növbətçiləri kameralar vasitəsi ilə daim sərnişin sıxlığına nəzarət edirlər. Zərurət olduğu təqdirdə qrafik və rejimdən asılı olmayaraq əlavə ikinci eskalator işə salınır”.

İlqar Əhməd
Ölkə.Az

ŞƏRH YAZ
0

Bu il Azərbaycanda nə qədər cütlük evlənib, neçəsi boşanıb?

Bu il Azərbaycanda nə qədər cütlük evlənib, neçəsi boşanıb?
20:45
Bu gün
4315
Ölkə
A
Bu ilin yanvar-oktyabr ayları ərzində Azərbaycanda 50 882 nikah qeydə alınıb.

"Ölkə.Az"ın məlumatına görə, qeydə alınmış boşanma hallarının sayı isə 12 396 təşkil edib.

Əhalinin hər 1000 nəfərinə nikahların sayı 6,2, boşanmaların sayı isə 1,5 olub.

Azərbaycanda boşanan qadın və kişilər daha çox 5 ilə qədər davam edən ailəlik həyatından sonra ayrılmağa qərar veriblər.

Ötən il ölkədə 14 514 boşanma halı olub ki, onların da çoxunun nikahının davametmə müddəti 5 ilə qədər olub.

Boşananlar arasında nikahları 9 ilədək davam edənlərin sayı nisbətən azdır. Lakin nikahları 10 il və daha çox davam edənlərin boşanma sayı da çoxdur və bu say 5 ilədək evli qalanlardan sonra ikinci yerdə gəlir.

2017-ci ildə boşanan 5 398 cütlüyün nikahı 5 ilədək, 3 948-nin nikahı 9 ilədək, 5 168-nin nikahı 10 il və daha çox davam edib.

Ölkə.Az

ŞƏRH YAZ
0

Bu ərazilərdə su olmayacaq

Bu ərazilərdə su olmayacaq
18:52
Bu gün
11252
Ölkə
A
Kür-Bakı magistral su kəmərində təmir-bərpa işlərinin aparılması ilə əlaqədar bu gün saat 22:00-dan etibarən Bakının Qaradağ və Səbail rayonlarının bir hissəsinə (Səngəçal, Ümid, Sahil, Qızıldaş, AZNS, Lökbatan, Puta, Korgöz, Şıx, Bibiheybət qəsəbələrinə və 20-ci sahə yaşayış massivinə) içməli suyun verilməsi 24 saat müddətinə dayandırılacaq.

Bu barədə “Ölkə.Az”a “Azərsu” ASC-dən bildirilib.

Qurum yaranacaq narahatlıqla əlaqədar abunəçilərdən üzr istəyib.

Ölkə.Az

ŞƏRH YAZ
0
BAĞLA