Məzahir Pənahov MDB nümayəndə heyəti ilə görüşdü

Məzahir Pənahov MDB nümayəndə heyəti ilə görüşdü
20:00
21.03.2018
1029
Siyasət
A
Martın 21-də Mərkəzi Seçki Komissiyasının (MSK) sədri Məzahir Pənahov 2018-ci il aprelin 11-də keçiriləcək Azərbaycan Respublikası Prezidentinin seçkilərini izləmək üçün Azərbaycanda səfərdə olan Müstəqil Dövlətlər Birliyinin İcraiyyə Komitəsi sədrinin birinci müavini Viktor Quminskinin başçılıq etdiyi nümayəndə heyəti ilə görüşüb.

MSK-dan "Ölkə.Az"a  verilən məlumata əsasən,  ölkəmizdə keçirilən seçki prosesinin müşahidəsində daim yaxından iştirak edən MDB nümayəndə heyətini salamlayan sədr Məzahir Pənahov prezident seçkiləri ərəfəsində keçirilən görüşdən məmnunluğunu bildirib.

Sədr həmçinin qeyd edib ki, beynəlxalq təşkilatlarla və onların müxtəlif qurumları ilə qarşılıqlı faydalı əməkdaşlığa xüsusi əhəmiyyət verən MSK bu münasibətləri bundan sonra da davam etdirmək niyyətindədir.

Səmimi qəbula görə minnətdarlığını bildirən nümayəndə heyətinin rəhbəri Viktor Quminski qarşıdan gələn prezident seçkilərinə hazırlıqlarla maraqlanıb.
MSK sədri M.Pənahov sualları cavablandıraraq, ölkəmizin ictimai-siyasi həyatında mühüm əhəmiyyət kəsb edən seçkilərin azad, ədalətli və şəffaf keçirilməsi üçün gerçəkləşdirilmiş layihələri və bundan sonra atılacaq addımları diqqətə çatdırıb.

Görüş çərçivəsində həmçinin, seçkilərlə bağlı müxtəlif sahələrdə qarşılıqlı faydalı əməkdaşlığın inkişaf perspektivləri və maraq doğuran digər məsələlər ətrafında fikir mübadiləsi aparılıb.

Ölkə.Az

 

ŞƏRH YAZ
0

Bakının yeni merinin bu şəxs olacağı gözlənilir

Bakının yeni merinin bu şəxs olacağı gözlənilir
23:51
23.04.2018
9019
Siyasət
A
Hacıbala Abutalıbovdan boşalan Bakı meri postuna daha bir nəfərin namizədliyi irəli sürülüb.

“Ölkə.Az”a daxil olan məlumata görə, bu vəzifəyə “Azərgold” Qapalı Səhmdar Cəmiyyətinin İdarə Heyətinin sədri Zakir İbrahimov gətirilə bilər. Saytımıza verilən xəbərdə qeyd olunur ki, Bakı Şəhər İcra Hakimiyyətinin başçısı vəzifəsinə layiq görülən şəxslərdən biri də Z. İbrahimovdur və yuxarı dairələrdə bu barədə müzakirələr aparılır.

Məlumat üçün bildirək ki, Zakir Zaur oğlu İbrahimov 2 aprel 1974-cü il tarixində Bakı şəhərində anadan olub.

1990-cı ildə Leninqrad Dövlət Universitetinin Hüquqşünaslıq fakültəsinə daxil olub.

1995-ci ildə Bakı Dövlət Universitetinin Hüquqşünaslıq fakültəsini bitirib.

2004-2006-cı illərdə Odlar Yurdu Universiteti, ABŞ Corciya Dövlət Universitetinin Magistr proqramı üzrə biznesin idarəedilməsi (MBA) istiqamətində təhsil alıb.1993 – 1995-ci illərdə “TAİS” Azərbaycan Gənclər İnteqrasiya Mərkəzində Hüquq və Biznesin İnkişafı üzrə Mütəxəssis vəzifəsində çalışıb.

1995 – 1998-ci illərdə “Azticarət” Açıq Tipli Səhmdar Cəmiyyətində Hüquq və Biznesin İnkişafı üzrə Aparıcı mütəxəssis vəzifəsində çalışıb.

1998 – 2002-ci illərdə “Azpetrol LTD” Məhdud Məsuliyyətli Cəmiyyətində Xüsusi Layihələrin Koordinasiyası və Təchizat Şöbəsinin müdiri vəzifəsində çalışıb.

2003 – 2004-cü illərdə “EUPEC PipeCoating Azerbaijan BM” Baş direktorun müavini vəzifəsində çalışıb.

2004 – 2005-ci illərdə “Azpetrol Neft Şirkəti” Məhdud Məsuliyyətli Cəmiyyətində Strateji Araşdırmalar,  -İctimaiyyətlə Əlaqələr, Marketinq və Təchizat  Departamentinin müdiri vəzifəsində çalışıb.

2005 – 2006-cı illərdə Moldova Respublikasında “Azpetrol SRL” şirkətində Baş direktor vəzifəsində çalışıb.

2006 – 2009-cu illərdə “EVR LTD” Məhdud Məsuliyyətli Cəmiyyətində Baş direktor vəzifəsində çalışıb.

2009 – 2016-cı illərdə “Təmiz Şəhər” Açıq Səhmdar Cəmiyyətində İdarə Heyətinin sədri vəzifəsində çalışıb.

26 may 2016-cı il tarixindən etibarən  “AzerGold” Qapalı Səhmdar Cəmiyyətinin sədri vəzifəsində çalışır.

Onu da bildirək ki, Z. İbrahimov vergilər naziri Mikayıl Cabbarovun bacanağıdır. 

Ölkə.Az

ŞƏRH YAZ
0

İlham Əliyev sabah ilk rəsmi səfərini edəcək — Türkiyəyə gedir

İlham Əliyev sabah ilk rəsmi səfərini edəcək
22:42
23.04.2018
9951
Siyasət
A
Azərbaycan prezidenti İlham Əliyev sabah növbədənkənar prezident seçkilərindən sonra ilk rəsmi səfərini edəcək.

“Ölkə.Az” xəbər verir ki, ölkə başçısı ənənəsinə sadiq qalaraq Türkiyəyə gedəcək. Türkiyə prezidentinin mətbuat xidmətinin yaydığı məlumata görə, səfər aprelin 24-25-də baş tutacaq. 

Ölkə başçısının VII Türkiyə - Azərbaycan Yüksək Səviyyəli Strateji Əməkdaşlıq Şurasının iclasında iştirak edəcəyi, həmçinin Türkiyə prezidenti Rəcəb Tayyib Ərdoğan ilə görüşəcəyi bildirilir.

Ölkə.Az

 

ŞƏRH YAZ
0
BAĞLA