Məzuniyyətdən sonra depressiya — Səbəb nədir?

Məzuniyyətdən sonra depressiya
15:11
25.08.2019
2713
Maraqlı
A
Türkiyənin Medikal Park Xəstəxanasının psixoloqlarından olan Zeren Okçuoğlu Kadıoğlu bildirib ki, istirahətdən qayıdandan sonra istefa edənlərin sayında bir artım var.
"Ölkə.Az" musavat.com-a istinadən xəbər verir ki, son illər məzuniyyətdən qayıdan insanların istefa və depressiya faizində bir artım özünü göstərir. 
 
Türkiyəli psixoloq hesab edir ki, bunun səbəbləri sadədir: "İşləyənlər üçün iş stressindən və məsuliyyətindən uzaq keçən tətildən sonra keçmiş, darıxdırıcı həyata qayıtmaq çətin gəlir və bunun öhdəsindən gələ bilmir. Onlara elə gəlir ki, həyat böyürlərindən axıb gedir və onlar heç nə yaşamadan yaşlanırlar. Bu səbəbdən də istefa verməyi problemdən çıxış yolu kimi görürlər”. 
 
Amma Türkiyənin Avcılar Medicana Xəstəxanasından psixoloq Betül Bilgen hesab edir ki, istirahətdə ruhlarına istirahət verən insanların tətildən sonra iş əmsalı və keyfiyyəti artır. 
 
HƏR ŞEY TƏTİLDƏN SONRAKI İKL HƏFTƏYƏ BAĞLIDIR 
 
Rusiyanın sosial araşdırma şirkətlərindən biri üzə çıxarıb ki, işçilərin 31 faizi daha çox tətil üçün maaşlarından fədakarlıq edir. Buna görə də işçilər yüksək maaşın itkisini hiss etdikləri vaxt rəhbərlikdən onun problemlərinin həllini gözləyir. Bəzən bu, işçi ilə rəhbərlik arasında ciddi anlaşılmazlıq yaradır ki, bunu da vaxtında həll etməsələr, işçinin öz işini itirməsi ilə nəticələnə bilər. Xüsusən də 16-24 yaşlı gənclərin beşdə ikisi daha çox tətil verilərsə, daha az maaş almağı qəbul edəcəklərini deyir. Araşdırma üzə çıxarıb ki, yeni işə girənlər ilk illərində belə maaş ödəmələrindən daha çox ekstra tətil istəyirlər.
 
İstirahət bitəndən sonra işə adaptasiya vaxt alsa da, bu vaxtı qısaltmağın yolları var. Həm işçilərin, həm də iş sahiblərinin tətbiq edəcəyi kiçik planlarla bu müddət daha da asan keçilə bilər. İşə getməzdən əvvəl hazırlıq görmək, ilk həftənin çətin keçəcəyini əvvəldən qəbul etmək problemi nisbətən xəfiflədə bilər. İlk həftə işdə nisbətən az yüklə çalışmaq lazımdır. Bu, tətil zamanı alınan enerji və müsbət emosiyaların birdən tükədilməsinin qarşısını ala bilər. Əksinə, bunların miqdarını artırmaq üçün ən yaxşısı sistemli idmanla məşğul olmaqdır.
 
TƏTİL DEPRESSİYASINDAN BELƏ ÇIXMAQ OLAR 
 
Yaxşı, bəs işçilər bu adaptasiya üçün nə etsin?
 
1. İşə başlamazdan bir neçə gün öncə öz evinizdə olun. Evlə bağlı görməli olduğunuz işləri həyata keçirin, o günlərdə həll edin. İşə getməzdən bir gecə öncə yaxşı yatıb dincəlin.
 
2. Cansıxıcı iş həyatına qayıtmağı özünüz üçün asanlaşdırın. Qayıdışınızın ilk gününə vacib iclas və görüşlər təyin etməyin.
 
3. İlk günlər axşam gəzintiyə çıxın, əyləncənizi birdən-birə, "xırp” deyə yekunlaşdırmayın. Əksinə, tətildən işə kəskin keçid adaptasiyanı dözülməz hala çatdırır.
 
4. Keçmiş tətiliniz haqda düşünəndə heç vaxt "kaş ki” ilə başlanan cümlələr qurmayın, ancaq gözəl detalları yadınıza salın.
 
5. Məişət və iş həyatınızdakı pozitiv məqamlara yüklənin. Hər gün uğur qazandığınız, xoşunuza gələn şeylər barədə düşünün.
 
6. Həyatın sürətlə axıb getdiyini nəzərə alıb, qərarlarınızı təxirə salmayın. Onları həyata keçirməniz özünüzə inamı artıracaq və bunları etdikcə iş həyatınızı da yenidən sevməyə başlayacaqsız.
 
7. Gələn il daha maraqlı istirahət qura bilmək üçün bu il işləməli olduğunuza özünüzü inandırın.
 
8. İstirahətdə olduğunuz müddətdə üst-üstə yığılan işlərinizi bir anda yekunlaşdırmağa çalışıb özünüzü yormayın. İş zamanı vaxt tapdıqca fasilə verin ki, bir anda yorulmayasınız. İşdən sonra kiçik gəzintilər germəkləşdirib, yorğunluğunuzu ata bilərsiniz.
 
9. Əgər iş yoldaşlarınız tətildə, siz işdəsinizsə, özünüzə belə təsəlli verin: onlar işləyəndə də mən tətildə idim. 
 
Amma daha yaxşı və rahat yaşamaq istəyirsizsə, işləməyə məcbursunuz. Psixoloq Aydın Sezer isə deyib ki, istirahəti həyatdakı bütün problemlərindən qaçış yolu kimi görən insanların iş həyatına qayıdışı problemli olur. Çünki onlar tətil zamanı bu problemlərdən müvəqqəti qaçırlar. 
 
Geri qayıdanda onları "yerində görüb” depressiyaya düşürlər: "Dözümsüzlük, tez hirslənmə, yuxu və iştah sistemsizliyi, səbəbi bəlli olmayan ağrılar, səhərlər yuxudan yorğun oyanma da tətil sonrası yaşana bilən sıxıntılardandır”.
 
Tətildən qayıdanların işə adaptasiyası xeyli vaxt alır. Üstəlik, adaptasiya müddəti nə qədər uzanırsa, işçinin motivasiyası, iş əmsalı da bir o qədər azalır. İş həyatına adaptasiya olmaq bir çox insanda sıxıntı yaradır, yuxusuzluq, baş ağrısı, həzm problemi kimi sağlamlıq problemlərinin ortaya çıxmasına səbəb olur. Xüsusən qayğı və depressiyaya meylli olan şəxslərin adaptasiya problemi güclü olur.
 
Bayramdan sonrakı tətil insanlar üçün sadəcə dincəlmək üçün deyil, istədiyini yemək, istədiyin qədər yemək üçün də gözəl bir fürsətdir. Məhz o rahatlıq və komfortdan sonra işə qayıtmaq, yorulmaq, istədiyi zaman yemək yeməmək, istədiyi kimi hərəkət edib dincələ bilməmək sıxıntı yaradır. Bayrama görə verilən tətil günləri uzun müddət işləyən insanlar üçün mükafat kimidir. İş günlərində sabah işə getmək üçün erkən vaxtda yatmaq lazımdır.
 
 
Yorğunluqdan nə yediyinin fərqinə varmadığından acından ölməmək üçün əlinə nə gəldi tapıb yemək lazımdır. Məsuliyyətli olmaq lazımdır. İşə gecikməmək, işini, evini, sağlamlığını, təmizliyini, baxımını 24 saata sığışdırmaq vacibdir. Tətil olanda isə xüsusi təamlar, gecə yarısına kimi televizora baxmaq, vaxtının böyük hissəsini ailəsinə, özünə ayırmaq insan üçün əvəzedilməz bir fürsətdir. Tətildən sonra işə qayıtmaq isə heç də xoş olmur. Buna görə tətilləri heç vaxt bitməyəcəkmiş kimi yaşamaq lazım deyil. Tətil daha yaxşı işləmək üçün insana verilən bir şans olmalıdır.
 
İş ərəfəsində fikri tamamən işləmək, pul qazanmağa yönəldən insanlar bütün ilin yorğunluğunu bayram tətillərində ata bilməzlər. Məhz buna görə də bayram sonrası depressiv vəziyyət yaranır. Bir qisim insanlar rahatlamış, dincəlmiş formada işə başlayır, ikinci qisim insanlar isə yorğun, əsəbi, yuxulu olurlar. İlin bütün günlərində gündən zövq almağa çalışmaq hər günü bayram etmək deməkdir.
 
Dincəlmək, kitab oxumaq, harasa getmək üçün vaxtım yoxdur deyən insanlar belə məşğuliyyətləri bayram ərəfəsinə saxlayırlar. 7 günə isə bütün ilboyu xəyal etdiyi məşğuliyyətləri sığışdırmağa çalışırlar. Nəticədə istirahətdən tam doymamış yenidən işə qayıdırlar. Belə insanlar nə işdən, nə də istirahətdən zövq ala bilirlər. Günü həm işləmək, həm dincəlmək, həm kitab oxumaq, həm dost-tanışla vaxt keçirmək üçün bölən insanlara isə tətil əlavə hədiyyə kimi olur.
 
Bayram sonrası depressiyalar da insanlar arasında yayılan hallardan biridir. Yüksək kalorili qidalar həftə ərzində insanda tənbəlliyə, passivləşməyə səbəb olur. Tətil günlərində belə yüngül gəzinti ilə hərəkət etmək, yatmamaq, daim nə iləsə məşğul olmaq insanda passivliyin yaranmasının qarşısını alar. Əgər siz artıq passivləşmisinizsə, özünüzü işləməyə məcbur etməyin. İşin ilk günlərində bayramdan əvvəl etdiklərinizə nəzər salın. Sanki başqa insanın işinə nəzər yetirirmişsiniz kimi, uğur və məğlubiyyətlərinizi gözdən keçirin. Bu, həm yavaş-yavaş sizin iş həyatına adaptasiya olmağınıza, həm də bayramdan sonrakı iş həyatınızda yenidən yanlışlara yol verməməyinizə səbəb olar.
 
Ölkə.Az
ŞƏRH YAZ
0

Nazpəri, Ruhəngiz, Allahverdi — ARXİV FOTO

Nazpəri, Ruhəngiz, Allahverdi
01:40
Bu gün
680
Maraqlı
A
Müğənni Ruhəngiz Musəvi gənclik illərinə aid maraqlı arxiv foto paylaşıb.

“Ölkə.Az” xəbər verir ki, fotoda Ruhəngiz Musəvi ilə yanaşı aktyor Allahverdi Yolçuyev və müğənni Nazpəri Dostəliyeva da yer alıb.

ŞƏRH YAZ
0

Smartfonunuzun yaddaşını bu yolla boşalda bilərsiniz

Smartfonunuzun yaddaşını bu yolla boşalda bilərsiniz
21:14
16.10.2019
3411
Maraqlı
A
İstifadəçilər pis keyfiyyətli fotoşəkillərə görə smartfonun yaddaş tutumunun 20 faizini itirirlər. Qurğunun məhsuldarlığını belə şəkilləri silməklə artırmaq mümkündür.

“Ölkə.Az” ICTnews-a istinadən xəbər verir ki, ekspertlər tərəfindən dünyanın 45 ölkəsində “Avast Cleanup” proqram təminatının 6 milyona yaxın istifadəçisinin anonim məlumatlarının təhlili aparılıb.

Məlumatlar 2018-ci ilin dekabrından 2019-cu ilin iyununadək olan dövr ərzində toplanılıb.

Tədqiqatçıların hesablamalarına görə, istifadəçilər qurğularda orta hesabla 952 fotoşəkil saxlayırlar. Bunun təxminən 22 faizi isə pis keyfiyyətə malikdir: bulanıq, qaranlıq və ya təkrarlanan təsvirlər. “WhatsApp”da təqribən 292 şəkil saxlanılır: ekran şəkillərinin orta sayı 86 təşkil edir. Belə fotoşəkillər mütəmadi silinsə, smartfonun yaddaş tutumunun təxminən 20 faizini boşaltmaq olar.

“Avast” şirkətinin Rusiya və MDB üzrə nümayəndəliyinin rəhbəri Aleksey Fyodorov bildirib ki, yaddaş tutumunun çatışmazlığı smartfonun işləmə keyfiyyətinə təsir göstərir.

“Lazımsız şəkilləri silmək vərdişi qurğunun yüksək iş qabiliyyətini qorumaq üçün ən sürətli, sadə və pulsuz üsuldur”, - o əlavə edib.

Tədqiqata görə, telefonlarda ən az fotoşəkili 18-24 yaşlı cavanlar, daha çoxunu (mindən çox) isə 25-44 yaşlı istifadəçilər saxlayır. Bundan başqa, qadın istifadəçilərin smartfonlarında ümumilikdə 1053, kişilərdəkində isə 851 fotoşəkil saxlanılır.

Ölkə.Az

ŞƏRH YAZ
0
BAĞLA