KORONAVİRUSA YOLUXANLARIN SAYI - CANLI STATİSTİKA

Mikayıl Cabbarov İqtisadiyyat naziri kimi ilk hədəflərini açıqladı — VİDEO

Mikayıl Cabbarov İqtisadiyyat naziri kimi ilk hədəflərini açıqladı
23:21
27.10.2019
4407
İqtisadiyyat
A
"İqtisadi inkişafın sürətləndirilməsi, iqtisadi artım templərinin xüsusilə qeyri-neft sektorunda sürətləndirilməsi, kiçik və orta biznes üçün şəraitin daim təkmilləşdirilməsi, azad rəqabət mühitinin təmin edilməsi kimi vəzifələr və hədəflər qarşımızda durur".

“Ölkə.Az” xəbər verir ki, bunları Azərbaycanın İqtisadiyyat naziri Mikayıl Cabbarov bu posta təyin olunduqdan sonra “AzTV”nin “Həftə” verilişində deyib.

M.Cabbarov qeyd edib ki, növbəti həftələr ərzində qarşıda duran əsas məsələlərdən biri “həmin hədəflərə necə çatmaq olar?” sualına cavab tapmaq olacaq:

“Başqa sözlə İqtisadiyyat Nazirliyinin yenilənmiş iş proqramlarını, hədəflərini ortaya qoymaqdan ibarət olacaq. Biz öz işimizi müsbət bünövrə üzərində davam etdirəcəyik".

Nazir əlavə edib ki, dövlət başçısının da müvafiq çıxışlarında qeyd edilən çatışmazlıqlar, hədəflər var:

"Çatışmazlıqlarla mübarizə aparmaq, həmin hədəflərə nail olmağı İqtisadiyyat Nazirliyinin əsas vəzifəsi kimi görürük. Həyata keçirdiyimiz işlərdə ana prinsip təmin edilmiş iqtisadi müstəqilliyin qorunub saxlanılması, başqa sözlə desək, Azərbaycan iqtisadiyyatının dövlətimiz qarşısında duran vəzifələrin həlli üçün zəruri olan resursları təmin etmək, yeni iş yerlərinin yaradılmasına xidmət etmək, əhalinin məşğulluğunu artırmaq, iqtisadi fəallığı artırmaq kimi hədəflərdir".

Ölkə.Az

ŞƏRH YAZ
1

Qadağanın müddəti sentyabrın 1-dək uzadıldı — QƏRAR

Qadağanın müddəti sentyabrın 1-dək uzadıldı
19:17
02.07.2020
1797
İqtisadiyyat
A
Sentyabrın 1-dək yeni koronavirus (COVID-19) infeksiyası ilə mübarizədə ehtiyacların təmin edilməsi məqsədilə Azərbaycan Respublikasının gömrük ərazisindən aparılması məhdudlaşdırılan malların siyahısı təsdiqlənib.

"Ölkə.Az" Press.az-ın məlumatına görə bildirir ki,  Nazirlər Kabineti bununla bağlı "Bəzi tibbi ləvazimat və preparatların ölkə ərazisindən aparılmasının müvəqqəti olaraq məhdudlaşdırılmasına dair tədbirlər haqqında” qərarına dəyişiklik edib.

Siyahıya aşağıdakı mallar daxildir:

- Spirtin qatılığı 80 həcm % və ya daha çox olan denaturasiya olunmamış etil spirti

- Hər hansı bir qatılıqda denaturasiya olunmuş etil spirti və digər alkoqollu tinkturalar

- Spirtin qatılığı 80 həcm %-dən az olan denaturasiya olunmamış etil spirti: tutumların həcmi 2 litr və ya daha az olan

- Spirtin qatılığı 80 həcm %-dən az olan denaturasiya olunmamış etil spirti: tutumların həcmi 2 litrdən çox olan

- Əczaçılıq məhsulları (pərakəndə satış üçünformalarda və ya qablaşmalara qablaşdırılmayan tənzif və tənzif məmulatları)

- Dezinfeksiyaedici vasitələr

- Koronavirus (COVID-19) infeksiyasının müəyyən edilməsi üçün testlər

- Baxillər

- Steril və qeyri-steril əlcəklər

- Tibbi (cərrahiyyə əməliyyatı və ya prosedur üçün) maskaların və respiratorların, tibbi

personal tərəfindən istifadə olunan birdəfəlik qoruyucu geyimlərin (kombinezonların)

istehsalında istifadə olunan parçalar

- Tibbi personal tərəfindən istifadə olunan birdəfəlik qoruyucu geyimlər (kombinezonlar)

- Tibbi (cərrahiyyə əməliyyatı və ya prosedur üçün) maskalar və respiratorlar, tibbi

personal tərəfindən istifadə olunan birdəfəlik qoruyucu geyimlər (kombinezonlar)

- Tibbi personalın istifadəsi üçün hermetic qoruyucu eynəklər

- Ozon, oksigen və aerozol terapiyası, süni tənəffüs aparatı və ya digər terapevtik

tənəffüs aparatı

- İnsan hərarətinin təmassız ölçülməsi üçün elektron portativ termometrlər.

Qeyd edək ki, Nazirlər Kabinetinin "Bəzi tibbi ləvazimat və preparatların ölkə ərazisindən aparılmasının müvəqqəti olaraq məhdudlaşdırılmasına dair tədbirlər haqqında” qərarına əsasən, bu il iyulun 1-dək yeni koronavirusla (2019-nCoV) mübarizədə istifadə olunan bəzi tibbi ləvazimat və preparatların (steril əlcək, baxil, tibbi maska və eynəklər, dezinfeksiyaedici maddə və avadanlıqlar, xüsusi geyimlər və zəruri olan digər tibbi ləvazimat və preparatlar) Azərbaycan Respublikasının ərazisindən aparılması məhdudlaşdırılmışdı. Beləliklə, qərara edilən dəyişikliklə həm ölkədən aparılması məhdudlaşdırılan malların siyahısı genişləndirilib, həm də malların ölkədən aparılmasına qoyulan məhdudiyyətin müddəti iyulun 1-dən sentyabrın 1-dək uzadılıb.

ŞƏRH YAZ
0

SOCAR: Dənizə gedən işçilər xüsusi karantində saxlanılır

SOCAR: Dənizə gedən işçilər xüsusi karantində saxlanılır
18:37
02.07.2020
963
İqtisadiyyat
A
Sərt karantin rejimi dövründə işçilərin yoluxma və yoluxdurma riskini minimuma endirmək üçün SOCAR-ın siyasəti işçilər arasında koronavirus testlərinin intensiv keçirilməsi, mütəmadi dezinfeksiya, sosial məsafənin qorunması, habelə mümkün olduğu hallarda işçilərin distant şəkildə (evdən) işləməsi və digər tədbirləri əhatə edir.

Bunu SOCAR-ın İctimaiyyətlə əlaqələr və tədbirlərin təşkili idarəsinin rəis müavini İbrahim Əhmədov deyib.

Qurum rəsmisi bildirib ki, neft sənayesi ölkəmiz üçün həyati əhəmiyyətli iqtisadi sahələrdən olduğuna görə, neftçilər bu gün də iş başındadırlar: "Şirkətin idarəetmə aparatında, idarələrdə, dəniz obyektlərində koronovirusun yayılmasının qarşısının alınması ilə bağlı mütəmadi tədbirlər görülür. İnzibati binalarda bio-dezinfeksiya keçidləri quraşdırılıb, quru və dənizdəki istehsalat obyektlərində mütəmadi olaraq dezinfeksiya işləri aparılır, işçilər xüsusi yoxlamadan keçirilir. Vətəndaşların fiziki qəbulları təxirə salınıb, müraciətlər yalnız elektron və telefon rabitəsi vasitəsilə həyata keçirilir".

İ.Əhmədov vurğulayıb ki, dəniz özüllərində xəstəlik şübhəsi olan işçilərin təxliyə olunanadək digər işçilərdən təcrid edilmiş vəziyyətdə saxlanılması məqsədilə xüsusi evciklər yaradılıb:

"Xəstəlik şübhəsi olan işçilərin digər insanlardan təcrid olunmuş halda təxliyə olunmalarını təmin etmək üçün daim hazır vəziyyətdə xüsusi təchiz olunmuş helikopter, gəmilər ayrılıb.

SOCAR-ın “Azneft” İstehsalat Birliyinin idarəetmə aparatında koronavirus epidemiyasının yayılmasının vaxtında qarşısının alınması, lazımi-zəruri profilaktik və təxirəsalınmaz tədbirlərin operativ həyata keçirilməsi məqsədilə yaradılan fövqəladə əksepidemik qərargah həftənin 7 günü, sutkanın 24 saatı öz fəaliyyətini davam etdirir. Qərargahda mütəmadi olaraq idarələr, dəniz obyektləri ilə rəqəmsal vasitələrlə bağlantı qurulur, koronavirus epidemiyasının yayılmasının vaxtında qarşısının alınması, həyata keçirilən zəruri profilaktik və təxirəsalınmaz tədbirlərlə bağlı müzakirələr aparılır.

Dəniz obyektlərində çalışan işçilər xüsusi ayrılmış karantin zonalarına yerləşdirilir, həkim yoxlamalarından keçdikdən sonra qrup halında dənizə yola düşürlər".

SOCAR sözçüsü əlavə edib ki, rəhbər işçilər istisna olmaqla, bir çox işçilərə onların vəzifə funksiyalarını evdə yerinə yetirməsi mümkün olduğu hallarda rəhbərlər ilə razılaşdırmaqla, iş yerinə gəlmədən evdən işləmə imkanları yaradılıb.

"Dənizə gedən işçilər xüsusi karantində saxlanılır və test nəticələri mənfi çıxandan sonra iş yerinə göndərilir. Ofislərə gələn işçilər arasında da mütəmadi olaraq testlər aparılır. Karantin dövründə işçilər qoruyucu və digər vasitələrlə təmin olunurlar.

Pandemiya dövründə işçilərin inkişafına distant şəkildə töhfə vermək məqsədilə müxtəlif mövzuları əhatə edən daxili vebinarlar keçirilir.

SOCAR-ın müəssisələri və struktur bölmələrinin kollektivi istehsalat fəaliyyəti ilə yanaşı, dövlətin koronovirusla bağlı tədbirlərinə, əhaliyə ərzaq yardımı aksiyalarında, eyni zamanda həkimlərimizə dəstək məqsədilə həyata keçirilən sosial xarakterli çağırışlarda da aktiv iştirak ediblər", - deyə İ.Əhmədov qeyd edib.

ŞƏRH YAZ
0
BAĞLA