Mikayıl Cabbarov İqtisadiyyat naziri kimi ilk hədəflərini açıqladı — VİDEO

Mikayıl Cabbarov İqtisadiyyat naziri kimi ilk hədəflərini açıqladı
23:21
27.10.2019
3695
İqtisadiyyat
A
"İqtisadi inkişafın sürətləndirilməsi, iqtisadi artım templərinin xüsusilə qeyri-neft sektorunda sürətləndirilməsi, kiçik və orta biznes üçün şəraitin daim təkmilləşdirilməsi, azad rəqabət mühitinin təmin edilməsi kimi vəzifələr və hədəflər qarşımızda durur".

“Ölkə.Az” xəbər verir ki, bunları Azərbaycanın İqtisadiyyat naziri Mikayıl Cabbarov bu posta təyin olunduqdan sonra “AzTV”nin “Həftə” verilişində deyib.

M.Cabbarov qeyd edib ki, növbəti həftələr ərzində qarşıda duran əsas məsələlərdən biri “həmin hədəflərə necə çatmaq olar?” sualına cavab tapmaq olacaq:

“Başqa sözlə İqtisadiyyat Nazirliyinin yenilənmiş iş proqramlarını, hədəflərini ortaya qoymaqdan ibarət olacaq. Biz öz işimizi müsbət bünövrə üzərində davam etdirəcəyik".

Nazir əlavə edib ki, dövlət başçısının da müvafiq çıxışlarında qeyd edilən çatışmazlıqlar, hədəflər var:

"Çatışmazlıqlarla mübarizə aparmaq, həmin hədəflərə nail olmağı İqtisadiyyat Nazirliyinin əsas vəzifəsi kimi görürük. Həyata keçirdiyimiz işlərdə ana prinsip təmin edilmiş iqtisadi müstəqilliyin qorunub saxlanılması, başqa sözlə desək, Azərbaycan iqtisadiyyatının dövlətimiz qarşısında duran vəzifələrin həlli üçün zəruri olan resursları təmin etmək, yeni iş yerlərinin yaradılmasına xidmət etmək, əhalinin məşğulluğunu artırmaq, iqtisadi fəallığı artırmaq kimi hədəflərdir".

Ölkə.Az

ŞƏRH YAZ
1

DİQQƏT! Saxta pulu necə müəyyən etməli? — VİDEO

DİQQƏT! Saxta pulu necə müəyyən etməli?
19:17
06.12.2019
475
İqtisadiyyat
A
Milli valyutamız olan manat, dünyanın ən təhlükəsiz və saxtalaşdırılması çətin olan valyutalardan hesab edilir. Təhlükəsizlik kod və simvollarına baxmayaraq, tez-tez dövriyyədən saxta manatlıqlar çıxarılır.

ARB TV xəbər verir ki, əvvəllər daha çox kiçik nominallı pulların saxta formaları hazırlanırdısa, son vaxtlar 100 və 200 manatlı əskinasların saxtasının dövriyyədə olması xəbərləri yayılır. Binəqədi rayonu ərazisində mağazaya verilən 200 manatlıq nominalın olması ilə bağlı yayılan məlumat, işbazların yeni hədəfini üzə çıxarıb.

Vüqar Bayramov (İqtisadçı): "Asanlaşdıran digər məqam ondan ibarətdir ki, bu nominallı valyuta dövriyyədə az istifadə olunduğundan, əsli ilə ayırd etmək biraz çətin olur".

Əkrəm Həsənov (İqtisadçı): "Mütəxəssislər deyir ki, yaxşı olar ki, bütün iaşə və xidmət obyektlərində saxta pulu müəyyən edən xüsusi texniki vasitələrdən istifadə edilsin. Bununla da ilkin mərhələdə belə saxta pulları müəyyən edib, sıradan çıxarmaqla, riskləri və dəyə biləcək ziyanları azaltmaq olar".

Vüqar Bayramov (İqtisadçı): "Pulların üzərində toxunmaqla hiss ediləcək bir neçə əlamət, eyni zamanda gizlilik və təhlükəsizlik üçün 10-a yaxın xüsusi işarələr mövcuddur. Bunlarla yanaşı işıq və süaya tutulmaqla görünə biləcək, xüsusi simvollar mövcuddur. Saxtalaşdırılan nominallarda isə bunların bir çoxu mövcud olmur".

ŞƏRH YAZ
0

Mikayıl Cabbarov Bakıda erməni nazir müavininə: “Yerevanda doğru insanın heykəlini qoymusunuzmu?” — VİDEO

Mikayıl Cabbarov Bakıda erməni nazir müavininə: “Yerevanda doğru insanın heykəlini qoymusunuzmu?”
12:21
06.12.2019
1098
İqtisadiyyat
A
“Avropa-Qafqaz-Asiya nəqliyyat dəhlizinin (TRACECA) inkişafı üzrə beynəlxalq nəqliyyat haqqında Əsas Çoxtərəfli Saziş”in imzalanmasının 20 illiyi münasibətilə Bakıda keçirilən beynəlxalq konfransda iştirak edən Ermənistan nümayəndə heyəti ənənəsinə sadiq qalaraq təxribata əl atıb.

"Ölkə.Az" xəbər verir ki, Ermənistanın Ərazi idarəetmə və infrastruktur nazirinin müavini Armen Simonyan tədbirdə çıxış edərək, TRACECA-nın effektiv olmaması barədə fikrilər səsləndirib, eyni zamanda, tədbirin proqramına etiraz edib.

O, proqramda siyasi məsələlərə yol verilməməsini istəyib.

“Biz bu məsələlərdə hər hansı siyasiləşmədən uzağıq. Biz nəyə görə Fəxri Xiyabana getməliyik? Nəyə görə bu proqrama daxil olunub? 13-cü görüş Yerevanda keçiriləndə orada hər hansı tematik siyasi mənalı tədbirlər nəzərdə tutulmurdu.

Hesab edirik ki, belə bir platformaların bu məqsədlər üçün istifadə edilməsi qəbuledilməzdir. Qeyd etmək istəyirəm ki, burada məqsəd dəyişdirilməli deyil, bütün addımlar effektivliyə yönəlməlidr”, - deyə o bildirib.

Ermənistan nümayəndə heyətinin çıxışını isə İqtisadiyyat naziri Mikayıl Cabbarov cavabsız qoymayıb. Nazir erməni naziri müavinin həm TRACECA haqqında dediklərinə, həm də proqrama etirazına münasibət bildirib:

“Qonşu Ermənistandan olan həmkarlarımın çıxışına toxunmaya bilməzdim. Düşünürəm ki, onların fikirlərini ifadə etdikləri tərzdə onlara cavab verməliyəm.

Hər halda bu tərz daha anlaşılandır. Mən reaksiyanı başa düşürəm. Hesab edirəm ki, bu reaksiyanı iki hissəyə bölmək olar. Birinci TRACECA haqqında səsləndirilən fikrilərlə bağlı. Mən çıxış edən həmkarlarıma təşəkkür edirəm. Mənə elə gəlir ki, onlar kifayət qədər əminliklə, sadə şəkildə rəqəmlərlə TRACECA-nın bizə nə verdiyinə aydınlıq gətirdilər. Tədbirin təşkilatçısı, konfransa və mədəni proqrama cavabdeh ölkə olaraq mən öz tərəfimdən bu mövzu üzərində dayanmağı borc bilirəm.

Mən oradan başlamaq istəyirəm ki, qonşularımızın reaksiyasını çox yaxşı başa düşürəm. Hər halda onlar İrəvandan Baklıya gəliblər və Bakını öz gözləri ilə görürlər. Anlayıram ki, onların gördüklərini qəbul etməsi elə də asan deyil.

İkincisi, biz konstruktiv yanaşmaya üstünlük veririk. Ancaq bilirik ki, destruktivlik daha asandır, daha dağıdıcıdır və bu dağıdıcılıq siyasətinin nəticəsi, ilk növbədə, qonşu ölkədə müşahidə olunur. Hansı ki, böyük həcmdə layihələrdən təcrid olunub və özü-özünü nəqliyyat dalanına, iqtisadi dalana salıb və oradan çıxmaq da istəmir.

O ki qaldı proqrama, məzmunu anlamayanlar üçün bir daha bildirim ki, 20 il əvvəl bu gün yubileyini qeyd etdiyimiz bu layihənin reallaşmasına imkan verən o addım atılmasaydı, o strateji baxış olmadan bu gün haqqında danışdığımız uğurlar mümkün olmazdı.

Məhz böyük Heydər Əliyev beynəlxalq liderləri, dövlət başçılarını dəvət etmiş, arxasınca aparmışdı. Təbii ki, Azərbaycan tərəfi yubiley tədbirinin mədəni proqramını tərtib edərkən hər sivil cəmiyyətdə olduğu kimi, regionun inkişafına töhfələr vermiş insanların xatirəsinə münasibət aspektindən yanaşıb.

Bütünlükdə xatirəyə ehtiram məsələsinə gəldikdə, düşünürəm ki, bir daha paytaxtınızın mərkəzinə diqqət yetirin. Sizdə qoyulmuş o heykələ baxın. Yadınıza salın ki, gələn il faşizm üzərində qələbənin 75 illiyi qeyd olunacaq və bir daha düşünün ki, doğru insanın heykəlini qoymusunuzmu?”

Nazir Ermənistan nümayəndə heyəti üçün fərdi mədəni proqram tərtib olunduğunu da deyib:

“Sizi isə mən şəxsən dəvət edirəm ki, Heydər Əliyev Mərkəzini ziyarət edəsiniz. Orada sizin doğulduğunuz şəhərin tarixinə həsr olunmuş sərgi keçirilir. O sərgi bizə gürcü həmkarlarımız tərəfindən, Gürcüstan Muzeyindən təqdim olunub, harada ki, daimi əsaslarla nümayiş etdirilir. İnanın ki, İrəvan xanlığı, İrəvan şəhərinin əsasının qoyulması haqqında tarixdə oxuya bilməyəcəyin çox yeni şey öyrənəcəksiniz. Təbii ki, əgər bu sizə maraqlıdırsa... O ki qaldı TRACECA karvanına, bütün əks cəhdlərə baxmayaraq, o irəli gedəcək”.

ŞƏRH YAZ
0
BAĞLA